لي بنت عم ماوطت درب الادناس

[معلومات العضو عبدالله الحافر الغييثي]

رجل من البادية وقع في مشكلة من أقاربه سكان جبه / إحدى المدن التابعة لمنطقة حائل وهو شمري 0 من عائلة الفاران الموجودين في مدينة جبه 0احب ابنة عمه وتزوجها، ونتيجة الإحتكاك الذي حصل بين جماعتين من اقاربه البدو والحضر كان نتيجتها سقوط قتيل من إحدى الجماعتين 0 وفي لحظة غضب منه ضرب ابنة عمه وطلقها وذهب للعراق ومن جنوب السماوة في العراق ارسل هذه القصيدة مبديا ندما شديدا وهي ليست كاملة

لي بنت عم ما وطت درب الأدناس=مادنست يوم البني يدنسني
ياراكب ثنتين يشدن الاقواس =من دار ريضان الحجر حركني
مافوقهن كود الدويرع وجلاس =وسفايفبين اربعه يلعبني
توجهن من عندنا حين الادماس =ومضى سواد الليل ما بركني
حطن علم عذفا يسار من الراس =والظهر مع ورد الحفر يشربني
حطوا لهم مع هثلة البدو بلاس =عن الحضر واللي بالخلا يسرحني
واليا لفيتوا عند مدقوق الالعاس =الجادل اللي بالمحبه محني
قولوا على حبل الرجا نطوي الياس =والبيض غيره كلهن يحرمني
لو يندوي جرحي دويته بزفواس =ولا بني برفاف البيت منكم ومني
والله يعلم بالخفايا والاوجاس =حب بدا من صغر سنك وسني
مريت دارن ما تقل جته الاوناس =ونيت ودموع العيون اذرفني
جيت المراح اللي به العشب محتاس =العشب في مضرب وساده معني
محذا سماد النار ومشاقة الراس =وثلاث لا يبكن ولا ينبكني
لي بنت عم ما وطت درب الادناس =ولا دنست يوم النسا يدنسني
ضربتها ونا احسب الضرب نوماس =وطلقتها يوم افخت العقل مني
ياناس كيف العين تبكي على ناس =وكيف العيون بلا رمد يسهرني
لو ينشكي حبه على الطير قرناس =جاه الضحى في ماكره مستكني
ولو ينشكي حبه على قب الافراس =عين نهار الكون لايفزعني
ولو ينشكي حبه على الميت ماناس =يثور من بين النصايب يوني
ولو ينشكي حبه على ذيب الاخماس =يسرح مع الطليان ما يجفلني
ولو إن غوطه وام سنمان وضراس =يدرن بما قلبي لحبه يكني
تلقى سهل جبه هضابن ومنحاس =وحتى الجبل بالقاع صار امتثني
وحتى النجوم اللي مع الليل غلاس =لو ينشكي حبه لهن وقفني
اشرفت راس ضراس من فوق الاطعاس =ولا لوم طراد الهوى لو يجني
وهليت دمع العين واوميت بالراس =ورافقت كور العيس لين ابعدني
وابعدت نفسي عن شفا كل وسواس =البعد أحلى من حياة التمني
ياعم ياللي طعت بي حكي الانجاس =طاوعت حكي الناس واخلفت ظني
طاوعت بي ياعم دايس ودرباس =وعواض صدقتها وابعدني
من لا خذا من درس الاسلاف نبراس =تمضي حياته بالرجا والتمني
واقفيت أدير بضامري كل هوجاس =على وليف بالحشا غاب عني
تكبي خواطرهم اليا جيت عساس =ما تقل انا منهم ولا صار مني
ونا زبون الحر للخيل مدباس =ياكلشن شهب الشوارب نخني
نفسي تشوم عن التدلبح مع الساس =ولاعاش منهو عن خصيمه يكني
لو صرت انا المقلاع ما شلت الاضراس =الموس ما يقطع بليا مسني
لاصار ما ربعك على الراي جلاس =وجنحان طيران السعد يلفحني
تصير دوم للصقاقير مدواس =مثل الذي يسمع صفير المغني
الحمد للي خالق كل الانفاس =اعطى وساع القاع ما فيه مني
دار بدار ولا مناحاة الانجاس =لا صار مايمناك عينك تزني
في بلدة الغراف من جملة الناس =ولاني بمن يرجي الفطايس تحني
دار بها الاجواد لولا بها الحاس =دايم تذكرني ليال مضني

منقول مع تحفظي على بعض الابيات

 

 

 

 

[معلومات العضو عاشق القمرا]

بيض الله وجهك يابو مطررر وعلومك كلها طيبه

 

 

 

 

[معلومات العضو ابو حسين الدوسري]

اررررررررررررررحب

يبو شيخه نومستنا جعلك تحيا
خالص التقدير لشخصكم الكريم

 

 

 

 

[معلومات العضو البدور]

الله يعطيك العافية اخي ابومطر... ودائما تفاجئنا بمواضيع

رائعة لمحتوااها الثمين... تحياتي

 

 

 

 

[معلومات العضو ابو عمر الشمري]

هو الشاعر شرعان بن فهيد ابن فاران الشمري وقصة هذة القصيدة أن الشاعر كانت هناك خصومه بينه وبين بعض قومه الرمال وكان مصمما على المضي في هذه الخصومه ولكن ابنا عمومته لم يكونوا من رأيه في ذلك وكانوا يفضلون إنهاء هذا الخلاف منعا للتفرقه بين أبناء القبيله الواحده وعندما لم يستطيعوا ثنيه عن ما يريده داخلهم الخوف من أن يقوم بعمل يؤدي إلى ما لاتحمد عقباه وأجتمعوا للتشاور فيما بينهم بعد أن اعيتهم الحيله معه وكان الرأي أنه ليس هناك من سبيل لذلك سوى عن طريق تكليف زوجته بذلك خاصة وأنهم يعلمون مقدار ماكان يكنه لها من حب شديد وأخبروها بذلك ووافقت على القيام بهذه المهمه وفي الليل وهم بفراش الزوجيه بدأت معه الحديث عن الموضوع مما أغضبه ان تتدخل زوجته في أمور لا تعنيها خاصة بالرجال فقام بالرد عليها رداً عنيفا مما أغضبها وقالت ايضا هي في ساعة غضب (انت مهبول) فقام بضربها وإعادتها إلى بيت ابيها من ليلتها وفي الصباح عندما هدأت نفسه ذهب إلى عمه بقصد ارضاء زوجته وإرجاعها ولكن عمه رفض ذلك بشده وحاول معه عدة مرات ولكن العم حلف واقسم أن لا تعود له عندها شامت نفسه عن جبه ورحل إلى العراق والتحق بالسعدون شيوخ المنتفق بالعراق وعاش بينهم (للمعلوميه كان ذلك آخر علم الشاعر بزوجته فلم يرها بعد

يا راكب ثنتين يشدن الأقــواس= من دار ريضان الحجر حركني
مافوقهن كود الدويرع وجلاس=وسفايفن بين اربعه يلعبنـي
تحركن من عندنا حين الأدماس =ومضي سواد الليل مابركنـي
حطن علم عذفا يسار من الراس=والظهر مع ورد الحفر يشربـني
حطولهن مع هشلت الحضربلاس=الحضر ولي بالخلاء يسرحـني
وليا لفيت عند مدقوق اللعـاس=الجادل اللي بالمحبة فتـني
قولو على حبل الرجاء نطوى الياس=والبيض غيره كلهن يحرمـني
لو يندوي جرحي دويتة بقـواس=وابني رفاف البيت منك ومني
ياعم يالي طعتبي هرج الأنجاس=طاوعت هرج الناس وخلفت ظني
طاوعتبي ياعم دايس ودرباس=عوارضن صدقتها وابعـدني
من لاخذا من درس الأسلاف نبراس=تمضي حياته بالرجاء والتمــني
اقفيت اجر بضامري كل هوجاس=على وليف بالحشاء غاب عني
تكفي خواطرهم ليا جيت عســـاس= لا تقل انا منهم ولا صار مني
ومريت دار ما تقل جتها الأونـــاس=ونيت ودموع العيون ذرفني
وجيت المراح اللي به العشب محتــاس=عشب على مبسط فراشه يعني
محذا سماد النار ومشاقة الراس=وثلاثة لا يبكن ولا ينبكني
لي بنت عمن ماوطت درب الأدناس=مادنست يوم النساء يدنسني
ضربتها وان احسب الضرب نوماس=وطلقتها يوم افخت العقل مني
يا ناس كيف العين تبكي على ناس=وكيف العيون بلا رمد يسهرني
لو ينشكي حبه على ذيب الأخماس=يسرح مع الطـليان ولا يجفلني
ولو ينشكي حبه على الطيرقرناس=أضحي الضحاء بموكره مستكني
ولوينشكي حبه على قب الأفراس=عين نـهار الكون لا يفزعني
ولو النجوم اللي مع الليل غلاس=يدرن مابقلبي لقلبه بكني
ولو البيوت مشددينه بالفراس=عين به الخفرات لاينبنني
نطيت ضراس من فوق الأطعاس=ولا لوم طراد الهواء لو يجني
وهليت دمع العين ووميت بالراس=ورفقت كور الصيد ياما بكني
ولو ان غوطة وام سلمان وضراس=تدري مابقلبي لقلبه افزعني
تلقي سهل جبة هضوض ومحتاس=وراس الجبل بالقاع صار متثني
انا زبون الحرد للخيل بسباس=لاتلشن شقر الشوارب نخــــــــــــــني
نفسي تشوم التدلبح مع الساس=ولا عاش منهو عن خصيمه يكــــــــــــني
ومن شيدو زبنه على ضيد وضراس=ليا نسيت رسومهم ذكــــــــــــــرني
ياعم انا لي طلبت الراس بالراس=يا عم شوف رسومهم ما محـــــــــــــني
لو صرت انا المقلاع ماشلت الأضراس=والموس ما يقطع بليا مســــــني
ويصار ما ربعك على الراي جلاس=وجنحان طيران السعد يلفحــــــني
تصير دومن للصقاقير مـدواس=مثل الذي يسمع صفير المغـــــــــــــني
والله يالولا بكرة يابونــواس=حبه سكن بالقصي الضماير مكــــــــــــني
ولله لوهي ماتبيني فلا بـاس=لاشك خبثان النفوس طــــــــــــــردني
وانا احمد اللي خالق كل الأنفاس=وجعل وساع القاع ما فيه مـــــــــــــني
دارن بدار ولا منحات الأنجاس=ياصار ما يمناك عينك تقـــــــــــــــني
في بلدة الغرارمع جملةالناس=ولاني بمن يرجي الخلايق تحـــــــــــــني
دارن بها الأكرام والطيب له ساس=دايم تذكرني لــيالن مضــــــــــــــني




الشاعر شرعان ابن فهيد الفاران الرمالى الشمرى

ملاحضة دايس ودرباس شيوخ دين

 

 

 

 

[معلومات العضو عبدالله الحافر الغييثي]

عاشق القمرا ابوحسين البدور ابوعمر ياهلابكم جميع وشاكر ومقدر تواجدكم في احدى صفحاتي ولاهنت يابوعمر على التوضيح لكم مني فائق المحبه والتقدير

 

 

 

 

[معلومات العضو خيالية]

يعطيك العافيه على القصه والقصيده ..

 

 

 

 

[معلومات العضو حفيد الأمراء]

الأخ العزيز

وابن العم الغالي

ابوشيخه

لاهنت على الموضوع الرائع

والأروع كتابتك له

صح لسان الشمري

ولاهنت على النقل الجميل

امتعتنا بهذه القصه والقصيدة الجزل

تقبل مني كامل الود والاحترام

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة خيالية

يعطيك العافيه على القصه والقصيده ..

مرحبا اختي الفاضله شاكر ومقدر لك حسن مرورك

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة حفيد الأمراء

الأخ العزيز

وابن العم الغالي

ابوشيخه

لاهنت على الموضوع الرائع

والأروع كتابتك له

صح لسان الشمري

ولاهنت على النقل الجميل

امتعتنا بهذه القصه والقصيدة الجزل

تقبل مني كامل الود والاحترام

اخوي الغالي حفيد الامراء هلابك ومرحبا شاكر لك حسن اطراءك زلاعليك زود تقبل الاحترام وفائق التقدير

 

 

 

 

[معلومات العضو عبدالرحمن بن فلاح آل بريك]

يعطيك العافيه خميس .

على القصه والقصيده الجميله ..

 

 

 

 

[معلومات العضو عبدالله الحافر الغييثي]

ارحب ياعبدالرحمن ووجودك شرف يالقرم في احدى صفحات مواضيعي لك التقدير والاحترام

 

 

 

 

[معلومات العضو سلوة الخاطر]

..


قصة وقصيدة رااائعة
عند بداية قرائتي لومي كان على الزوج

وعند قرائتي لتوضيح الاخ الشمري كان العكس اللوم على المرأه وأبيها ..


جميل حينما اتضحت او اكتملت القصة
وقس على ذلك في جميع امورنا -> شطحه بسيطه
:
:
الشكر لك مراقبنا وللشمري على الايضاح

 

 

 

 

[معلومات العضو عبدالله الحافر الغييثي]

هلابك وشاكر لك مرور واختلاف وجهات النظر لايفسد للود قضيه

 

 

 

 

[معلومات العضو نسناس الهوى]

من لا خذا مـن درس الاسـلاف نبـراس

تـمـضــي حـيـاتــه بـالـرجــا والـتـمـنـي

الله على القصيده الرائعه والقصه..

اسمع بهاالابيات ولاااعرف القصه جيدآ..

الان عرفت القصه..

لاهنت ياخوي