افتحي ازرار ثوبي؟؟؟؟؟

[معلومات العضو وجد الكتابة]

اوعديني تتركيني للزمان اللي غلبني
ما أبي لمسة حنانك دامك انتي من شماله

يعربي لا تحسبيني اقترب للي ذهبني
ابعدي وزيدي بعادك خلي كل واحد في حاله


والسبب واضح لأنه جرحك الغائر عطبني
وافتحي ازرار ثوبي شوفي قلبي وش جرى له

هذي الطعنة بسبة عطفك اللي ما وهبني
من حنانك شي يذكر والبشر تمدح جماله


وهذي الطعنة بسبة شوق ان جيته سلبني
أول وتالي شعوري لين خاويت الثماله

وهذي الطعنة بسبة هجرك اللي ما عجبني
والنظر يا نون عيني ينتظر منك وصاله

وهذي الطعنة بسبة كلمتك يا وجد حبني
وانتي تدرين المشاعر ما تشوف الا اشتعاله

وهذي الطعنة بسبة صدمتك " جاني وخطبني "
له ولد عمي حليله والمقدم حر ماله

وهذي الطعنة بسبة شعري اللي لك كتبني
يوم مزعتي القصايد واعتبرتيهم حثاله!

وهذي الطعنة بسبة دين برقبتك حطبني
تنكرين انك وعدتي " للأبد ملكه وحلاله ! "

وهذي الطعنة بسبة رمش بعيونك جذبني
ثم لقيت الناس تحكي ناعس ومرخي ظلاله!

وهذي الطعنة بسبة قلب يفرح لو نكبني
كم وعد انه يبيت وان حضر يمشي بعجاله

وهذي الطعنة بسبة عشق بهدلني ولعبني
غامض بقمة وضوحه عاقل بنشوه هباله

عشر طعنات معدوده بالصدر والحزن يبني
في خفوقي له مدينه سورها يصعب زواله

اما عن ظهري!! فحدث لا حرج غدرك صلبني
وكل طعنه تعترف لك " عدنا شبه استحاله "

في كثير حيان اسئل يا ترى وشهو غصبني؟
استمر في حب عمره ما فتح جوه ومجاله

ليه يا بعد المشاعر كاسك الفاضي سكبني؟
و. .. .. .. .. .. . اللي بقلبي لجلك يبهر دلاله

قلبها يا قلب ميت طالبك تكفى اجبني
وش تفسر لي برأيك بيعها الحب بسهاله؟

من قلبها؟ من قلبها؟ ليه ما جاني وقلبني!!
ليه خلاني الضحيه من قبل لا اسمع سؤاله!

يعني لو كلف جنابه نفسه وقال وطلبني!
يعتقد اني برده؟ لا حشى واسم الجلاله

اي نعم ما راح اطعن مثل ما غيري قصبني
ولا غدر يتبع خيانه ولا شماته ولا نذاله

لكن ابرفع يديني للسما واقول هبني
هبني يا رب الجلاده والصبر واقوى حباله

وابعد الظالم وظلمه وش لي باللي ما كسبني
ابعده يا رب عني واشغله بدرب الضلاله

والعوض منك صبيه مثل ما احبها تحبني
ارمها ربي بدربي واكفني الكره وقتاله !

 

 

 

 

[معلومات العضو منتهى الرقة]

وجد الكتابة

ابيااات رائعة لا تشبهها إلا السماء
نقاءً وسمو ..



تحية لـ/ قلمك ..
بحجم سحره ورونقه ..



صح لسآنك وجد ..~

.
.

 

 

 

 

[معلومات العضو وجد الكتابة]

المشاركة الأصلية كتبت بواسطة منتهى الرقة

وجد الكتابة

ابيااات رائعة لا تشبهها إلا السماء
نقاءً وسمو ..



تحية لـ/ قلمك ..
بحجم سحره ورونقه ..



صح لسآنك وجد ..~

.
.

شكرا لممرورك الراقي

دمتي لغاليك

الوجد

خالد

 

 

 

 

[معلومات العضو عســافةالخيل]

انت حكــايا شاعريه

ومــتوقعه لــك مستقبلا / نجاح باهر