وش رايك فيني

**معلومات** **العضو** · 22-04-2008, 09:57 PM

بسم الله الرحمن الرحيم

وش رايك فيني ... فكره موضوع ارجو لها القبول

في هذا المنتدى الجميل .. لاحظت تطور من يكتبون هنا والبعض الاخر ( محلك سر )

لماذا (محلك سر) .. لان مايكتب لا يعرض على احد .. وهذا واحد من الاسباب المهمه

يمكن الكاتب لا يجد من هو يستشيره ويمكن لايجد الجراءه في الاستشاره ويمكن ويمكن

واحتمالات متعدده .. ولهذا اتمنى من يجد في نفسه الجراءه لتطوير وصقل مهوبته

ان يضع قصيدته هنا للجميع لنقد البناء .. طبعا الغالب يقولون نقد ... والنقد لا يجيده الا منهم

اصحابه ..

ولكن نقول قراءه لنص في (وش رايك فيني ) .. ومن يطرح قصيدته هنا نحييه لشجاعته الادبيه

وكل قصيده معرضه لنقد سوا كان مخضرم في الشعر او مبتدي

والى ابي اوصله ان نتفادى الاخطاء الفادحه سواء كان في الوزن او القافيه او المعنى

ومن يبحث عن كلمه صح لسانك بيجدها بسهوله ..ولكن من يبحث عن تطوير

موهبته وصقلها فانا متاكد وعلى يقين ان يبدع وان يضع له بصمه في هذا المجال

والنقد لشاعر او القراءه لنصه (في وشرايك فيني )

ما ينزل من قدره .. لان لو ماكان عنده شعر

ما انتقد ..

وبالنسبه للردود على القصيده المشاركه في (وش رايك فيني )

اتمنى من الجميع المصداقيه والشفافيه

وظهار ما يمكن اظهاره من جماليات القصيده وسلبياتها

احييكم جميعا واتمنى من الاخوان الادارين والاعضاء التفاعل مع الموضوع

واللي عنده اضافه للموضوع .. يبدي رايه

تحياتي للجميع

**معلومات** **العضو** · 22-04-2008, 10:37 PM

لاهنت علي الفكرهـ الطيبه

وان شاء الله الكل يتفاعل مع الموضوع

**معلومات** **العضو** · 23-04-2008, 08:44 AM

لا والله الا بين الرخص ليا ... حتى الرسايل مانعنها تجيني

لعبت بقلبي لعبت الشقلبية ... وخليت دمعي تحترق منه عيني

يابو محمد والنوايا مطيه ... عساك منتب كاره(ن) ماتبيني

وش رايكم فيني؟؟

**معلومات** **العضو** · 23-04-2008, 10:00 AM

علمنى بحور الشعر واوزانه=علمنى فن القصيد والكلمات الرنانة
علمنى كيف احساس الشاعر علامه = يوصله لمحبوبه وهو في مكانه
بالمره علمنى ليه الخل يعوف خلانه= يرحل ويترك وراه نفس لوامة
وكيف الامين يخون اعوانه=يطعنهم ويترك وراه جروح هدامه
كيف الطموح يتخلى عن احلامه=يرضى بالواقع وينسى كيانه
كيف الشجاع ما يطلب الا السلامة=يمشى وما يطالع حتى قدامه
علمنى بحور الشعر واوزانه =علمنى اشكال القصيد والوانه

**معلومات** **العضو** · 23-04-2008, 11:12 AM

الله يعطيك العافيه عالفكره الجديده
موضوع رائع ان شاء الله الكل بيشارك باشعاره وارائه
موفقين بإذن الله
تحياتي

**معلومات** **العضو** · 23-04-2008, 04:41 PM

موضوع رائع وله قيمته المستحقه !!
واحييك على ماتقوم به ,, لا هنت ياخالد

هذا البيت اريد نقدك عليه :

انا من لابة(ن) ياعزنا فيها !!=دواسر لا قلت منهم وداعيني

**معلومات** **العضو** · 23-04-2008, 09:22 PM

بسم الله

من يملك ادوات النقد فليتفضل

الفقر لو تسئلـه ياللـي مجافينـي=ما جاوبك عن مخابيـي وهندامـي
الفقر فذني وفي قلبي وفـي عينـي=لاتحسبنك تغيب وينضب الهامـي
فالذاكره لو اشيل الـراس بيدينـي=وابقى بلا راس ما ضييعتك اقدامي
انت اتهقى في غيابك منت تعنينـي=لو ما غيابك معي ما كثرت احلامي
الحزن يجتاحني والهـم يطوينـي=والشوق يكبر ولا تصغر بي الامي
انا انتظرتك وضاقت بي ميادينـي=وان مت انا بسبتك ما مت ملامـي
يا جرح كانك على دروبه تودينـي=احفر لقبري بقاعه وترك اخصامي
يا جرح خلك كذا ما بغى تواسيني=ان كان حظي كذا يا بخت الاقلامي
كل ما كتبتك غلا لا الذنب يكويني=وكل ما كتبتك جفا يجبرني اهيامي

**معلومات** **العضو** · 28-04-2008, 12:51 AM

اقتباس:

من يملك ادوات النقد فليتفضل

اخوي خالد ,, بالبدايه أشكرك على هذا الموضوع الجميل والفكره الاجمل لو تم التفاعل
من أخوانا الشعراء , لكن انت بالموضوع وضحّت الفكره انها إبداء أراء من الشعراء المتمكنين إتجاه المشاركات والهدف منه كما قلت لتفادي الوقوع بالاخطاء سواً كانت
بالوزن او القافيه ,,وبردك هذا طلبت النقد ممن يملك أدوات النقد - وقليلاً هم - فياليت منك انك تبقى على فكره الموضوع كما هي , ولاتتجاهل ردود الاخوان فوق وإبداء رأيك تجاه مشاركاتهم لعلهم يستفيدون من الموضوع ,, مع خالص التقدير

**معلومات** **العضو** · 28-04-2008, 01:21 AM

مشكور اخوي خالد على الفكره الرائعه ,,,,,,,,,ولك كل التقدير والإحترام ,,,

**معلومات** **العضو** · 28-04-2008, 09:25 PM

الزين

حياك وبياك

عطرت المتصفح

**معلومات** **العضو** · 28-04-2008, 09:29 PM

هلا وسهلا

ولد زعب حياك الله

ولاهنت على المشاركه

لا والله الا بين الرخص ليا ... حتى الرسايل مانعنها تجيني

لعبت بقلبي لعبت الشقلبية ... وخليت دمعي تحترق منه عيني

يابو محمد والنوايا مطيه ... عساك منتب كاره(ن) ماتبيني

صح لسانك يا ولد زعب

في البيت الاول الصدر القافيه اتوقع انها خطاء املائي

انت كاتب ليا وهي مفروض ليه

صح لسانك مره ثانيه