قصايد تستاهل انك تقرئها

[معلومات العضو صقر مارب]

لو رحت واسئل على مخلوق يعنينـي
ويلات ليـام حالـت بينـي وبينـه
واتناقص الود لي ما بينـه وبينـي
مشى طريقة وانا اسال وينهو وينه
وان لاح صدفه وجت عينه مع عيني
يسأل عن الحـال واتغيـر تلاوينـه
ويختفي وان لمحته بعـد عامينـي
يغيب عنـي ولا يعطـي عناوينـه
والناس قالوا كلامن واجـدن فينـي
مثل الجمل لي سقط كثرة سكاكينـه
وانا خويـي ابـي منـه يخاوينـي
في الحر والبرد ما هوبـس وزينـه
ابي خوين ليا جـا البـرد يدفينـي
ما هو دفا عاشقن امغمضـن عينـه
ابي خويـن ليـا مالـت موازينـي
مثلي ليا قمت اعّدل فـي موازينـه
رجال في الحر والا البرد يشفينـي
ما هو من اللي يقودنّـه نساوينـه
رحل خويي عن الدنيا ليـا الدينـي
وغاب عني وحنّـت لـه دواوينـه
واشتاق له كل غصنن في بساتينـي
واقل يالله عسى تخضـر بساتينـه




((لاجارت ايامك ومالت لياليك ))

لا جــارت أيـامـك ومـالـت ليالـيـك
وغاب الذي في ضيقتك حاسبن لـه
لا تحسب ان الوقت لي فات مغليك
لـن الزمـن غـدار مـا يــا مـنـن لــه
لملم جروحك وانتظر مـن يخاويـك
حتى ولـو مـا شفـت حـد فـي محلـه
هذي هي الدنيا ولـو جـات تعطيـك
تأخـذ مـن أيامـك ومــا فــات خـلّـه
الله واكبـر يـا زمـان الأســى فـيـك
يـا كثـر شــرّك بـعـد ملـيـون عـلّـه
تغـدر ولا ترحـم وتخـفـي بـلاويـك
وتفـاجـئ أفعـالـك ولــو قـبـل حـلّـه
الله يرحـم مـن رحـل كـان يزريـك
مـا كـان همّـة فيـك يـا زيــن فعـلـه
هـذا خـو يـي اعرفـه قبـل طاريـك
رجّـال وأفعالـه تـجـي شـاهـدن لــه
يعطـي ولا يأخـذ ولا ينتظـر ذيــك
مثـل المطـر لا هـل يـا زيــن دلّــه
عبد الله احمد كان يعرف خطاويك
ذاك الأســد يــا لله لـلـحـور د لّـــه
واجعـل مقامـه جنتـك يـوم يـا تيـك
مـع النـشـا مــا لــي يحـبـوك مثـلـه
ذاك اجودي في خلوته كان يدعيـك
يـا الله تغفـر لـه خطـا الذنـب كـلـه

 

 

 

 

[معلومات العضو ابو فهد الغييثي]

الله يعطيك العافيه على القصيده الجزله والرائعه