قصيده

**معلومات** **العضو** · 27-10-2009, 08:15 PM

السلام عليكم..........

أخباركم.........

بصراحه أنا عندي قصيده وأبي رايكم بصراحه بدون مجامله....

أنا أكتب قصائد بس ماأخلي أحد يشوفها لأني أخاف تكون خرابيط........

أمانه تقولون رايكم بصراحه......

يالله ياجامع الناس ليوم الحشر...........أنت رب الناس وأنت ولي أرزاقها

ترحم من خافك ودعاك بليال العشر..........ليال أحسنت الناس لك فيها أعمالها

أنت المستعان ولا لنا غير الصبر..........من هموم الدنيا ومن تقلب أحوالها

طالبك تفرق ماتجمع بالصدر............من هواجيس تهد الأرض وجبالها

أمنتكم تردون بكل صراحه........

شكرا.....

**معلومات** **العضو** · 27-10-2009, 08:22 PM

قصيدة جميله ونتمنى من شعار المنتدى الرد

تحياتي لك

**معلومات** **العضو** · 27-10-2009, 08:26 PM

الصراحة قصيدتك فيه كسر والقافية في الشطر الثاني ماهيب نفس القوافي اللي في العجز لكن صح الله لسانك واتمنى نشوف قصايدك منتشره في المنتدى

**معلومات** **العضو** · 27-10-2009, 08:29 PM

طالبك تفرق ماتجمع بالصدر............من هواجيس تهد الأرض وجبالها

اللهم امييييين

وصح السانك ملاين ولا يسدون

تسلم كلك على القصيده بدايه طيبه بس يبيلها تعديل لاهنت طال عمرك,,

**معلومات** **العضو** · 27-10-2009, 08:30 PM

مشكورين.........

طيب كيف أوزن البيت ماأعرف وشلون.....

ماعليك أمر فهمني شوي......

**معلومات** **العضو** · 27-10-2009, 08:35 PM

اخوي صاحب قرار اول شي تلحن القصيدة على اي لحن او شيلة وبعدها اذا شفت القصيدة او الابيات الي انت مسويها مضبوطة ومركبة على اللحن بتصير قصيدتك موزونة وافضل شي تعيدها مرة والا مرتين او اكثر من مرة علشان تشوف قصيدتك هل هي موزونة والا لا وياليت تستشير شعراء معينين وماخاب من استشار

**معلومات** **العضو** · 27-10-2009, 08:46 PM

مشكورين على التفاعل الأكثر من رائع.......

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية