عافت عطايا شيوخ من روس قحطان = ولدت للشاعر ( زايدي ) النسايل

[معلومات العضو ولد زايد وسيع البنايد]

بسم الله الرحمن الرحيم

السلام عليكم ورحمة الله وبركاته

ـــــــــــــــــــ

لبّى مواطي رجلتس اللي بالإيمان = سارت على طهر وبياض العمايل
يمّه على هونتس فـ لانيب مرضان = كفي دموعٍ فوق خدتس همايل
لا تتعبين القلب يمّه والأعيان = من شاف ذاك الزين شاف الهوايل
في زينها شيءٍ كما بنت سلطان = تجمع تروف الغيد تحت الجدايل
والعقد فوق الجيد للعنق سجّان = العنق بي العنق وافي خصايل
هي كلها في بعضها صار هيمان = ( ديرة ترف ) تمشي وأنا مير اخايل
الجادل اللي لا ارتمى فوق الأمتان = يا تلّ قلبي من دلاله تلايل
تلة أسيرٍ حطه الله بقشران = عزيز قومٍ لكن العزّّ زايل
ماله سوا يصبر على جور خبلان = ويكتب وصاته في وضوح النصايل
يمّه هويت اللي لها عود ريان = ويرسل هدبها في صميمي نبايل
وغزة نهدها كنها بيض حوران = في عالي المرقاب صعب المنايل
واليا حكت في ثغرها طعم رمان = مثل النحل جوها شيوخ القبايل
شيخٍ يسوق من الذهب غالي أثمان = وشيخٍ توقّف حيلته دون الجمايل
لين افزعوا له ربعه اللي لهم شان = شجعان راحوا يفعلون الفعايل
ربعٍ على الطوله قرومٍ وفرسان = يردون حوض الموت فوق الهزايل
لا جردوا بـ أيمانهم شهب الأيمان = حدب السيوف مفرقات الخلايل
جت مع صهيل الخيل عزوة قهيدان = اللي على الطولات بـ العون طايل
ماهوب ذاك اللي عن الخير نومان = وزودٍ على الصفره ينام القوايل
مير الربوع اللي نخاهم كحيلان = شيخٍ ورى الهيات صايل وجايل
ردوا بذود القوم والخيل والضان = وشلفا الشجاع اللي تنول النوايل
وحطوا على الياقوت لولو ومرجان = وريش النعام وناعمات الخمايل
ومن الجواهر ساقوا أشكال والوان = وشيءٍ عجيبٍ مالقوا له مثايل
ومن ورث كسرى معه قيصر وهامان = وقوافلٍ من خير ربي تمايل !؟
( كله لعين اللي له القلب شفقان = أم العيون السود بنت الحمايل )
يمّه بدعت القاف مانيب طربان = ولابي جنون ومسّ والا هبايل
يمّه بدعته ليه ؟ ودي وطمعان = أكسب غلاها يوم جتني دلايل
دلايلٍ من طرف مكحول الأعيان = يومٍ صد الرمش والكحل سايل
ومن البكا ثوّر بها الشوق بركان = وهلت لي العبرات بنت الأصايل
لبيت وجيت وقلت وش صار وش كان ؟ = قالت علامك ماترد الرسايل !؟
قلت : أبشري وبـ القاف سيلت وديان = بأقصى جنوب القاع وأقصى الشمايل
( يمّه وردت المجد ما أحتجت لإنسان = وأرويت عرقي منه لين الثمايل )
و ( المهره ) اللي حيرت روس شجعان = عسفتها وأعدمت كل الوسايل !
عافت عطايا شيوخ من روس قحطان = ولدت للشاعر ( زايدي ) النسايل
يمه على هونتس فـ لانيب مرضان = أنا على خبرتس ( عريب السلايل )

....


الشاعر / محمد بن عبـدالله المهنـّـا الشكـره

 

 

 

 

[معلومات العضو مصيول]

صح لسانك ولسانه شاعر متمكن وقـوووي وقـصيـدته جـزلـه ..

بيض الله وجهـك على النقل وياليت تعطينا المزيد من قصايد أبـو عبـدالله ..

 

 

 

 

[معلومات العضو ابن وتيد السباعي]

قصيده جزله من شاعر جزل بلا شك

بيض الله وجهك وجهه

 

 

 

 

[معلومات العضو أبونواف الدوسري]

أخي بلنتي

قصيده جزله من شاعر جزل بلا شك

بيض الله وجهك وجهه

تقبل تقدير وأحترام

أخوك أبو نواف الدوسري.

 

 

 

 

[معلومات العضو صبي الملازيم]

	صح لسان الشاعر بن مهنا الشكري ولاهنت على النقل

 

 

 

 

[معلومات العضو العماني]

ابن العم الغالي بلنتي

بيض الله وجهك وصح الله لسان الشاعر القدير محمد بن مهنا الشكره وبيض الله وجهه

تقبل تحياتي،،

 

 

 

 

[معلومات العضو راشد المسعري]

ارحب يابلنتي تراحيب المطر وصح الله لسانك على هذا النقل

ولسان الشاعر القدير/ محمد بن عبدالله بن مهنا الشكرة الدوسري

على هذه القصيدة الجزلة الرائعة ولا تتركنا من قصايده الأخرى

هذا ولك مني أجمل الود والتقدي ،،،،

 

 

 

 

[معلومات العضو ابو زيد الغييثي]

بيض الله وجهك وصح الله لسان الشاعر القدير محمد بن مهنا الشكره وبيض الله وجهه

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة أبـو سـلـيـط

صح لسانك ولسانه شاعر متمكن وقـوووي وقـصيـدته جـزلـه ..

بيض الله وجهـك على النقل وياليت تعطينا المزيد من قصايد أبـو عبـدالله ..

وجهك ابيض

وابشر بعزززك

و ابو عبدالله سمعت انه مسجل فالمنتدى ياليته ما يحرمنا من تواااصله

عموما ً

لاهنت يا ذيبان على مرورك وردك

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة ابن وتيد السباعي

قصيده جزله من شاعر جزل بلا شك

بيض الله وجهك وجهه

وجهك ابيض ولاهنت

الف شكر

 

 

 

 

[معلومات العضو نايف الخييلي]

قصيده جزله من شاعر جزل بلا شك الشاعر محمد المهنا الشكري

بيض الله وجهك وجهه

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة أبونواف الدوسري

أخي بلنتي

قصيده جزله من شاعر جزل بلا شك

بيض الله وجهك وجهه

تقبل تقدير وأحترام

أخوك أبو نواف الدوسري.

ارررحب يا ابو نواف

وجهك ابيض يا غالي

ولاهنت على مرورك

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة صبي الملازيم

من قال مايهوووون

بيض الله وجهك يا صبي الملازيم عـ المرور الطيب والرد الوووافي

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة هايف العماني

ابن العم الغالي بلنتي

بيض الله وجهك وصح الله لسان الشاعر القدير محمد بن مهنا الشكره وبيض الله وجهه

تقبل تحياتي،،

ارررحب يا هاايف

وجهك ابيض يا غالي

ولاهنت

 

 

 

 

[معلومات العضو ولد زايد وسيع البنايد]

المشاركة الأصلية كتبت بواسطة راشد المسعري

ارحب يابلنتي تراحيب المطر وصح الله لسانك على هذا النقل

ولسان الشاعر القدير/ محمد بن عبدالله بن مهنا الشكرة الدوسري

على هذه القصيدة الجزلة الرائعة ولا تتركنا من قصايده الأخرى

هذا ولك مني أجمل الود والتقدي ،،،،

ابشر بعزك يا راشد

والله يقدرني على ارضائكم

ولاهنت على مرورك