طريقة في القران الكريم تخلي الدوري الموسم القادم مميز وخال من التعصب

**معلومات** **العضو** · 05-08-2009, 02:46 PM

السلام عليكم ورحمة الله وبركاته

موضوعي اليوم يحتاج لقراءة بهدوء ورواقه
عشان الكل يفهم المغزى منه
واتمنى من اي واحد ماقراء الموضوع كامل او فهمه خطاء انه مايرد ابدا

فيه فكرة قاعدة اقلبها في عقلي من الموسم الماضي
وبصراحه كنت خايف اني اكتبها في المنتدى
وما تتنفذ

فكرتي تتحمل الصواب والخطاء
ولو كنت على خطاء اتمنى انكم تصححون لي

الفكرة كالتالي

الكل يشوف وش قاعد يصير في الدوري كل موسم

اولا التعصب
الحين المشكلة صارت ماهي تعصب الجماهير بس بالعكس التعصب
وصل إلى إلى ادارات الاندية وحتى رؤساء الاندية
وطبعا الكل شاف وش صار الموسميين الماضيين من تصاريح وصفت بالنارية

ياشباب مااتوقع اننا راح نخلي الوضع يتأزم كل عام وماندري الموسم القادم وش ممكن يصير

التعصب عندنا ماصار تعصب اعمى ولاتعصب رياضي طبيعي

التعصب صار اكثر من كذا
صار شغل عرابجه
صار كلني وبأكلك
رد علي وارد عليك

لدرجة اننا ما صرنا
نستمتع بالدوري مثل باقي الدوريات

كل الدوريات يصير فيها شغب جماهيري
كل الدوريات يصير فيها مشادات بين اللاعبيين

لكن مافيه دوري سمعنا انه صارت مشادة كلامية بين رئيس نادي ورئيس آخر

ماسمعنا انه فيه جمهور رفع لافتات مكتوب عليها كلام جارح لاي لاعب

ماسمعنا انه فيه جمهور هتف بعبارات عنصريه لاي لاعب من نادي اخر

كل هذا بس عندنا نحن وبس
هذا ما تميزا به وبئس التميز

يازعماء كل شي له حد ونحن للاسف تجاوزنا الحدود في التعصب
والامثلة كثيرة
1)ياسر وإللي صار له الموسم الماضي بعض الجماهير ماهم قادرين ينسون
وحاطينها مطنازة مع ان الادلة واخر القصص توضح ان ياسر ماله اي علاقة بالموضوع والامر كله مدبر
وكل هذا بسبب(التعصب)
2)البلطان وإللي صار له في المنصة والحادثة المشهورة صحيح مالنا علاقة لكن ماهي حلوة في حق دورينا
قدام الاعلام والناس
3)التصاريح النارية لرؤوساء الاندية إللي لها دور كبير في زيادة الاحتقان
4)هتافات الجماهير والكل يعرف كيف كانوا جماهير الموسم الماضي

الخلاصة واسفه على الاطلالة

الله تعالى يقول في القرآن الكريم(( ونزلنا عليك الكتاب تبيانا لكل شي)) والآيه التي تبين الدواء في مثل هذي الحالات
ولعلاج التعصب وجدنا العلاج في قوله تعالى((إن الصلاة تنهى عن الفحشاء والمنكر))

العلاج والدواء في الصلاة الصلاة يازعماء الصلاة

تخيلوا ياشباب لو ينادى للصلاة كل يوم قبل المباراة وبما ان المباراة بعد صلاة العشاء
فهي فرصة

تخيلوا لو اللاعبيين يقومون يصلون كلهم مع بعض كل الفريقيين على أرض الملعب يصلون
والله اننا بنصيد خمسة عصافير بحجر واحد

1)تحقيق لاجر صلاة الجماعة
2)تخلي الشباب إللي في المدرجات يستحون على وجيههم ويقومون يصلون
3)تخلي ادراة الملعب تستحي على وجهها وتطفي الاغاني وقت الصلاة
4)فيها دعوة للاسلام لكل الاجانب في الملعب المدربيين المحترفيين بعض الجماهير
5)فيها تصفيه للنفوس وطرد الشيطان ليدخل اللاعبيين المباراة وقلوبهم صافية وهم رايقين ومايتعرضون للشد النفسي

وغيرهم

وبالله كل واحد يتخيل لو تم النداء للصلاة والكل قام وصلوا مع بعض بيعم الجو روحانيه
واتحدى واحد بعدها من الجماهير يهتف بهتافات عنصرية
او رئيس نادي يسترجي يصرح تصريح ناري رايح فيها
او رئيس رابطة يتطاول على احد اللاعبيين
حتى ياشباب السب والشتم من الجماهير راح يختفي
وبعد المباراة صدقوني ماراح تكون فيه شغب او اعتراض على قرارات الحكام
وحتى الشد والتوتر بين اللاعبيين راح يقل لان الشيطان ماراح يكون بينهم
لان النفوس صافية بسبب الصلاة
ياشباب الدواء في كتاب الله سبحانه وتعالى ونحن عنه لاهيين

ليه ما نطبق هذي الحركة وشوفوها في كل مباراة وقيموا الوضع نهاية الموسم القادم

اتمنى ان الموضوع مايمر مرور الكرام
وأي واحد عنده اقتراح لتنفيذ هذة الفكرة اتمنى لايبخل علي
وان شاء الله يثاب على ما فعل

م/ن

**معلومات** **العضو** · 05-08-2009, 02:51 PM

فكره حلووة

وان شاء الله يتم تطبيقها في الملاعب

الله يعطيك العافيه

ودٌّ بــلا حدْ

**معلومات** **العضو** · 05-08-2009, 02:52 PM

بارك الله فيك على هذه النصائح الرائعه..

دمت في حفظ الرحمن...

**معلومات** **العضو** · 05-08-2009, 03:39 PM

لاهنت اخوي على الموضوع
وان شاء الله يطبقونها في الملاعب

**معلومات** **العضو** · 05-08-2009, 04:45 PM

فكره عظيمه بكل ما تحمله هذه الكلمه من معنى

وياليت يتم تطبيقها في اسرع وقت لاننا فعلا نعاني كثيرا من مشكلة التعصب الاعمى ..

محمد الشكره

كل الشكر والتقدير لك على هالموضوع الرائع

تقبل ودي

**معلومات** **العضو** · 05-08-2009, 05:37 PM

فكـــــــــــــره رااائعـــــــــــــه كروعــــــــــه صاحبهــــــــا

كل الــــود

**معلومات** **العضو** · 05-08-2009, 11:44 PM

لاهنت اخوي محمد على الموضوع
وان شاء الله يطبقونها في الملاعب

تحياتي

**معلومات** **العضو** · 06-08-2009, 12:00 AM

جزاك الله خير أخوي محمد
ولاهنت على الموضوع

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية