رح وين ماتشتهي رح قد ماتقدر

**معلومات** **العضو** · 26-07-2009, 03:00 AM

الموت حظ القلم والمجد للدفتر= حبر القلم غلطتي وايامي اوراقي
الخوف يجتاحني وجه الطريق اسمر=راح اكثر العمر ياخوفي من الباقي
ياجرح رافقتني للناس لاتظهر= وان عشت في نظرتي ما مت بأعماقي
ياصوت لا تلتحف صمتي ولا تصبر =قل ماتبي واترك الهقوه على الهاقي
والخطوه اللي عن اخر سكتي تقصر=ماهيب من طبع رجليني ولا ساقي
مانيب من عاش لايربح ولا يخسر= ولا هو ضروري تكون افعالي اخلاقي
ثراي ماينشد الغيمه متى تمطر =مادامها في سماي تحنّ لأغراقي
رح وين ماتشتهي رح قد ماتقدر= انا اول الناس في قلبك وانا الباقي
يكفيني انك تعذبني وانا اتفجر = قصايد ينتظرها كل عشاقي
وانا قصيدي يجي مختارني مهجر =وانبت عشانه نخل وسنيني الساقي

للشاعر نايف صقر