ياشيب راسي وهول العين ياراشد (صوت وصدى)

[معلومات العضو راشد المسعري]

هذه ابيات ارسلها لي بالجوال الأخ تريحيب بن حمير بن مسرع وهي قبل فترة عن غزه ومايحدث لأهلها من إجرام يهودي ، نسأل الله أن ينصرها ويحررها من ايدي اليهود وبقية بلاد المسلمين:

ياشيب راسي وهول العين ياراشد = مما دهاني ضــــــلوع الصدر مشتبه
واقلبي اللي تقول إن باجـــــده باجد = كن الدبا ياكل بقلبي ويشـــرب به
مما حصل وسط غزة مالعنا شاهد= ياوجد حالي على إني داخل الغــبة
وانصر رضيعاً ماحصّل فالعرب ماجد= أشلاه تنثر ولا عند العرب هبه
امّه تجــــمـــع رفاته مالها ناجد = وتقـــــول مافيــــه راس ما طحن حبه
كل الأمم ما وقف في صفــــــــنا واحد=مافيه واحد علينا خاف من ربه
العذر ياسيّده مافالعرب راشــــد = مليـــــــــار مسلم لكن الغرب تلعب به

ورديت عليه:

الصدر ضايق وزاد الضيق ابوخالد= نقّض بشعره جروح مالها طبـّه
ما فالعرب فايده لو العـرب واجد = وانته وانا كلبونا نعرف السبّه
إلى متى والعرب مفعولهم جامد = والقدس أسيرة وبغداد(ن) يعزربه
إلى متى دمـــنا فعـــروقنا بارد = والسنّة اللي عليها العلم منجبه
ياليـت والله صـلاح الدين متـواجد= ويصحي امة محمد صحوة منبه
جتك الحقيقة ورد العلم عن راشد = هي زبدة العلم والموضوع واللبّه

 

 

 

 

[معلومات العضو عقاب بن هذال ال بريك]

ياسلااااااااااام يابومحسن صح لسانك وصح لسان ترحيب بن حمير . . .
أنشهد أنهـــا قصيدتين فيها معانـــي قويـــه وجزاله ... وتعبير جميـــل احتوته الابيات ..

تقبل مروري واجل التحايا لشخصكم الكريم...

 

 

 

 

[معلومات العضو دغش محمد الصخابرة]

ابو محسن صح الساااااااانك واعتلى شانك على الرد الجزل

وصح السااااان الشاعر تريحيب بن حمير بن مسرع على

القصيدة الجزله

ويعطيكم الف عافيه ,,,,

تحياااااااااااااتي وتقديري للجميع

 

 

 

 

[معلومات العضو محمد مطلق آل بريك]

صح لسانك واعتلى شانك على الرد الجزل

وصح لسان الشاعر تريحيب


تحياتي وتقديري

 

 

 

 

[معلومات العضو خالد المشاويه]

صح السنتكم اخوي راشد وانت الاخ تريحيب المسعري

قصائد رائعه الله لايهينكم وعسى الله يجيب لنا صلاح الدين الثاني ويصحي الامة من سباتها اللي طال جدا

 

 

 

 

[معلومات العضو شافي بن راشد النتيفات]

صوت وصدا رائعين وصح الله السنتكم جميع
وعسى الله يحرر القدس من ايدي الصهاينة
الملحدين

 

 

 

 

[معلومات العضو عبدالله الحافر الغييثي]

ارحبوا يا اثنين وصح الله السنتكم ابدعتوا والله يزينها من اليوم واخلاف ويعز الاسلام ومن قام به
خالص تقديري لكما

 

 

 

 

[معلومات العضو عبدالرحمن بن فلاح آل بريك]

أبيات قويه ومعانيها رائعه صح الله لسانك أبو محسن .

ولسان :تريحيب بن حمير بن مسرع .

ويعطيك العافيه على طرحها لنا ولا تحرمنا جديدك .

 

 

 

 

[معلومات العضو فهد فارس الصخابره]

الله الله عليكم
صحت السنتكم يالمبدعين
وبيض الله وجيهكم على الجزالة
والله يفزع للأمة الاسلامية

 

 

 

 

[معلومات العضو مبارك بن شافي النتيفات]

ياسلام ياسلام

بيض الله وجيهكم وصح لسانك يابومحسن

ولسان تريحيب

ابداع ماله حدود

تحياتي وتقديري

 

 

 

 

[معلومات العضو راشد المسعري]

المشاركة الأصلية كتبت بواسطة عقاب ال بريك

ياسلااااااااااام يابومحسن صح لسانك وصح لسان ترحيب بن حمير . . .
أنشهد أنهـــا قصيدتين فيها معانـــي قويـــه وجزاله ... وتعبير جميـــل احتوته الابيات ..

تقبل مروري واجل التحايا لشخصكم الكريم...

ارحب يابو هـــذال

صح بدنك بالنيابة عن ابو خــالد

وهذي مشاعر أكيد إنها في هاجس الجميع تجاه غزه واهل فلسطين

اسأل الله ان ينصرهم على عدوهم وان يحرر بلاد المسلمين

لاهنت ولك ودي وتقديري ،،،،

 

 

 

 

[معلومات العضو غازي المسعري]

صح السنتكم اخوي راشد وانت الاخ تريحيب المسعري

قصائد رائعه الله لايهينكم وعسى الله يجيب لنا صلاح الدين الثاني ويصحي الامة من سباتها اللي طال جدا

 

 

 

 

[معلومات العضو فارس الدبالين]

صح الله السنتكم يا شعارنا الوافين

ولاهي غريبه عليكم الجزاله والعلم الطيب

وجزاكم الله خير على هذه البادره الطيبه

تقديري واحترامي.

 

 

 

 

[معلومات العضو راكـ ال بريك ــان]

... صح الله لسانك ولسانه قصايد جزله مستواها الشعري عالي تقبل تحياتي

 

 

 

 

[معلومات العضو محمد سعد السباعي]

" وأنته وانا كلبونا نعرف السبة " هههههههههه

الشكوى على الله يابو مسرع

كلكم صحت السنتكم جزلين ومبدعين