يقولون ويش لك يابن باني من المقصود

[معلومات العضو خالد المشاويه]

السلام عليكم ورحمة الله وبركاته

هذه احدى روائع الشاعر محمد بن باني المخاريم الدوسري

وحبيت انقلها

يقولون ويش لك يابن باني من المقصود=وانا أقول قصدي يعجز اللّاش ماطاله
أبي رحمة الله ربّنا الواحد المعبود=كريم يثيب اللّي سجد له وزكا له
وابي راس مالٍ وابي بعدٍ عن المنقود=وابي كل ضيفٍ عندي أكرّم سباله
وابي رفقة الوافين ومفارق المقرود=قليل الحلا اللّي جعل مافالي بفاله
واحب الدّروب البيض مأبغى الدروب السود=واحب النّقى واللي من الناس يسعا له
وابي مجلسٍ كل النشامى عليه ورود=كما عيلم(ن) من حده القيض يعنا له
وابي سمعةٍ بالعز تعرف وابي لي ذود=مغاتير وبغى سقس لاشد يبرا له
يباري بكار(ن) تبري من الضمير لهود=خيار(ن) زهاها الزين والزين تزهاله
مغاتير في الممشى تقود الرعايا قود=على ساقة المركوب ممشى وزرفاله
سواة الغثير اللي تسوقه هبوب النود=بعكس أتجاهه عقب ماهل هماله
وابي خايعٍ علّه مزونٍ تحن رعود=وظهر عشبه اللي يعجب العين بأشكاله
ليا من مضى عشرين يوم وعليها زود=تساوى السهل في خضرة العشب وجباله
وليا زل معها مثلها يشبع المفرود=وعقبه تربّّع دقة المال واجلاله
هذي منوتي والرجل جوده من الماجود=ولا كل من رام المراجل تهياله

[/quote]

 

 

 

 

[معلومات العضو شافي بن راشد النتيفات]

لاهنت على النقل يابوغازي وصح لسان ابوباني

 

 

 

 

[معلومات العضو مبارك بن شافي النتيفات]

خالد المشاويه

سلمت يمناك على النقل والذااااائقه الرااااااائعه

وصح لسان /محمد بن باني المخاريم

 

 

 

 

[معلومات العضو غلا نجد]

واحب الدّروب البيض مأبغى الدروب السود
واحب النّقى واللي من الناس يسعـا لـه

سلمت على الذوق الراقي صح اللسان من نظمها
ولا هان احساسك
دمت في حفظ الرحمن ورعايته

احترامي وتقديري

 

 

 

 

[معلومات العضو راشد محمد المقابله]

أبيات جزله وافيه

صح اللسان ابن باني

ولاهنت على النقل

 

 

 

 

[معلومات العضو عبدالله المصارير]

أخوي خالد المشاوية

صح الله لسانك وصح لسان شاعرها .........

ابيات جزلة واختيار موفق