بنت المطاليق !!!

**معلومات** **العضو** · 24-01-2007, 02:28 PM

بسم الله الرحمن الرحيم
أخواني الكرام
السلام عليكم ورحمة الله وبركاته
يسرني مشاركتكم بهذه القصيده البسيطه
والتي أرجوا من الله أن تحوز على رضاكم
يقوووووول :

الراس شاب وتوي صغير يا حسين = بسبـاب غــروٍ حـيـل يـذبـح جمـالـه
غروٍ عطاه الله من الحسـن والزيـن = سبحـان مـن هـو زينـه وعـطـا لــه
لا هنـد لا هيفـاء ولا هيـب نسـريـن = ولا هيـب لا حصـه ولا هـي أصالـه
مزيـونـةٍ غـطـت جمـيـع المـزايـيـن = لا العسـكـري زيـنـب ولا البرتقـالـه
الله خلقهـا مـا خـلـق مثلـهـا اثنـيـن = مثـل القمـر لا صــار يــوم اكتمـالـه
اليـا بعـدت الله عـلـى بعـدهـا يعـيـن = يا سقم حالي آه يا عزتاله
لبيه يا ظبيٍ يساوي ملايين = القلب عيا لا يطاوع بداله
يا خوخ يا رمان يا توت يا تين = يا عيون ابو نايف وقلبه وماله
يـا زيـن يـا جـذاب يـا داعـج العيـن = يا سعد من هو صرت يا زيـن فالـه
لا من ذكرت الزين سيد المحبين = العقل يسرح دام خلي طراله
أسهر طوال الليل والناس ممسين = ويسج فكري والعقل دوم داله
أهل المحبه فالمحبه مساكين = يا حيث ما فالحب قاضي عداله
لعيونها قمت اتبع البيت بيتين = شعري و كلي يا جماعه فدا له
في وصفها ما ظن تكفي دواوين = بنت الرجال أهل الشيم و الأصاله
بنت الرجال أهل الفخر أهل الدين = أهل الكرم والطيب و أهل الشكاله
تكفين يا بنت المطاليق تكفين = روفي بحالي و ارفقي يا غزاله

و سلامتكم
تقبلوا تحياتي
أخوكم : أبو نايف

**معلومات** **العضو** · 24-01-2007, 03:20 PM

صح الله لسانك ...

أسهر طوال الليـل والنـاس ممسيـن
ويـسـج فـكـري والـعـقـل دوم دالـــه
لعيونهـا قمـت اتـبـع البـيـت بيتـيـن
شعـري و كلـي يـا جماعـه فــدا لــه

والله يكون في عونك

ننتظر جديدك

**معلومات** **العضو** · 24-01-2007, 05:09 PM

صح اللسانك وبيض الله وجهك
قصيده كايفه في من يستحقها

**معلومات** **العضو** · 24-01-2007, 08:44 PM

مايكبرني لقب

الله لا يهينك على المرور

مشكور وما قصرت

تقبل تحياتي

**معلومات** **العضو** · 24-01-2007, 08:46 PM

أبو زابن

يا مرحبا يا القرم

صح بدنك

ولا هنت على المرور المشرف

تقبل تحياتي

**معلومات** **العضو** · 24-01-2007, 10:35 PM

صح لسانكـ يا شاعرنا ...

قصيدة جزلة ..

**معلومات** **العضو** · 25-01-2007, 12:20 AM

حزام الودعاني

صح بدنك

لا هنت على المرور

**معلومات** **العضو** · 25-01-2007, 12:50 AM

الله الله

صح لسانك يامسفر ، بس ارحم عمرك ياخوك لا يذبحك الغزل كل ذه وصف

مبدع يامسفر واتمنى لك التوفيق يالغالي وشكرن لك .

**معلومات** **العضو** · 25-01-2007, 03:00 AM


	يا خوخ يـا رمـان يـا تـوت يـا تيـن=يـا عيـون ابـو نايـف وقلبـه ومالـه هالبيت جاي من اقصى معاليقك يابو نايف شاعرنا ومشرفنا :: مسفر المصارير قصيدتك رااااااااااائعه وابياتك عذبه واحساسك راقي0 صح كلك 0 تقبل مروري ولك وافر الشكر والتقديررر

**معلومات** **العضو** · 25-01-2007, 06:06 AM

صح اللسانك وبيض الله وجهك

**معلومات** **العضو** · 25-01-2007, 01:21 PM

أخوي : ماجد الدوسري

صح بدنك و لا تخاف الغزل لا يمكن له أن يغلبني

مشكور وما قصرت

الله لا يهينك على المرور

تقبل تحياتي

**معلومات** **العضو** · 25-01-2007, 01:23 PM

الأخت : شوق2

صح بدنك

و مشكوره على هذا الكلام الجميل

و لا هنتي على المرور المشرف

تقبلي تحياتي

**معلومات** **العضو** · 25-01-2007, 01:26 PM

الأخ : أبو فيصل999

صح بدنك والله يطول بعمرك

لا هنت على المرور المشرف

تقبل تحياتي

**معلومات** **العضو** · 25-01-2007, 06:54 PM

أبــو نــايـــف
صح السانك واعتلا شانك
وانت تستاهل كل طيب وعسى الله لا يحرمك منها
وانا مستعد بالي تبي
على فكرة تراني اكبر منك بشهرين
عشان كذا باقولك
أخيك الكبير

**معلومات** **العضو** · 25-01-2007, 07:54 PM

أبو السلاطين
مرحبا وصح بدنك يا الغالي
آميين الله لا يحرمنيها والله يجيبها
ما تقصر طال عمرك
دامك الكبير
أنا بقول
تقبل تحيات أخوك الاصغر
وشكراً

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية