يا خوي دنياك مـا تتـرك مشاكلهـا *** في كل ساعه تزيـد ولا لهـا داعـي

[معلومات العضو صالح الجعيدي]

بسم الله الرحمن الرحيم
السلام عليكم ورحمة الله وبركاته

اشتقت لكم يالنشاما ،،
هذه قصيدة للشاعر/ خليل المطيري
أتمنى أن تنال إعجابكم ورضــــــــاكم

يا خوي دنياك مـا تتـرك مشاكلهـا=في كل ساعه تزيـد ولا لهـا داعـي
إن جيـت أعلـل بلاويـهـا وأحللها=تشتت والهمـوم اشكـال وانواعـي
إليا تفكرت فيهـا قلـت مـا اهبلهـا=وإليا تفكـرت فينـا زادت اوجاعـي
لو جيت احاول مع الميـلات اعدلهـا=تصير مثل الهبوب وتخلف اشراعـي
ما اخبلك يا اللي مع دنياك تجهلهـا=الصبح غير المساء والوقت مرياعـي
لو استقرت ثـلاث ايـام بـا كملهـا=تقلب كما الذيب في ليله ليا جاعـي
تعـال خـل المشاكـل لا تخايلـهـا=وتصير مثل الجبل خطرٍ على الراعي
إن كان لي زلةٍ فـا القلـب شايلهـا=عز الله إن الفراق اقرب من اذراعـي
لا لا تشيـل المشاكـل واتحايلـهـا=أحيان تجلب مـن الأغـراب فزاعـي
النفس للشر تمشـي فـي حبايلهـا=لا قادهـا ابليـس نزعهـا تنزاعـي
العين بعض العرب لا جـاء يكحلهـا=سبب لها بالعمـى وابليـس بتاعـي
أبواب كـل المشاكـل قـوم قفلهـا=خل الزعل ما يفيد الراشـد الواعـي
ادمح لي الزلة اللـي كنـت فاعلهـا=وانا بعـد بأدفـن الـزلات بالقاعـي
تعـال صـف القلـوب ولا تزعلهـا=عطني يمينك وعهد الحب ما ضاعي
النفس تحتاج عزم وبـأس يصقلهـا=يا خوك لا ترتخي وتصيـر سماعـي
لا ترخي اذنك عن الـزلات عطلهـا=اعرض عن النمه اللي سوقها ذاعـي
واحذر من الوسوسه نفسك تشكلهـا=والظن سوءٍ على من كـان تباعـي
هاذي رسالـه وفكـر فـي معاقلهـا=واحذر من اللي مع الشيطان منصاعي
الناس يا خوك يـا مكثـر مشاكلهـا=بعض المشاكل فراق ولا لها داعـي

وسلامتكم ،، مع خالص التحية و الاحترام ،،

 

 

 

 

[معلومات العضو نايف الخييلي]

الغالي صالح الجعيــدي

حنا اللى أشتقنا لك يالسنافي وأتمنى انك ماتقاطعنا مهما كان العذر يابو محمد
والله يعافيــكـ على هذا الاختيار الرائع ولاجديد فالابداع ميزتك المعهوده . صح
لسان الشاعر خليل المطيري. وتقبل خـــــالص التقدير والاحترام

 

 

 

 

[معلومات العضو صالح الجعيدي]

المشاركة الأصلية كتبت بواسطة نايف الخييلي

الغالي صالح الجعيــدي

حنا اللى أشتقنا لك يالسنافي وأتمنى انك ماتقاطعنا مهما كان العذر يابو محمد
والله يعافيــكـ على هذا الاختيار الرائع ولاجديد فالابداع ميزتك المعهوده . صح
لسان الشاعر خليل المطيري. وتقبل خـــــالص التقدير والاحترام

الله يغليك يا أبو فهاد ،، تشتاقلك العافية وأنا أكثر يالسنافي.
الظروف اللي تجبرنا والا حنا معكم قلباً وقالباً ،،
صح ابدانك. مرورك يشرفني ،،

 

 

 

 

[معلومات العضو شافي القويسي المخاريم]

عز الله اعجبتني


لاهنت على الطرح

 

 

 

 

[معلومات العضو السيف دايـم]

لاهنت يالغالي على طرحك المميز تقديري لك