شاعرة سعودية ترد على ريمية

[معلومات العضو عبدالله الحافر الغييثي]

تناقلت المنتديات والمواقع الإلكترونية قصيده لشاعره سعودية اطلقت على نفسها " بنت المسك " لترد على الشاعرة ريمية التى القت قصيده في مسرح شاعر المليون قبل ايام في ابوظبي الاماراتيه والتى لقيت صدىً واسعاً بين السعوديين مما دفع الشاعرة " بنت المسك"للرد على ادعاءات ومغالطات الشاعره ريمية بقصيده التى هاجمت الشيخ عبدالرحمن البراك حول الاختلاط واليكم قصيدة "بنت المسك ": لاتزال المهـــــازل صادره من كــل هاوي=طـــامعٍ بصوت له ينوحى بين الكـــلام مادرى للدين ذيب صادع له صوت عاوي=نسمعه بكل حين لاحــكوا وسط الظـــلام ياشريدة بالمســارح عايشه دور شقـاوي=تطرد الشهره ولكن كيف بوسط الزحام تنعطف لم المشايخ وتنتقد ذيك الفتــــاوي=زاعمه ماحله الله أصـدروا بحكمه حرام والحقيقة واضحه وإن بغوا الجهال طاوي=الكبير كبـــير ويبقى من تدنى بالحطــــام والفضــل لله وبمثل فضله من نســـاوي=يومه أكرم شيخنا عن سفاسف الكـلام وإن حكى ما خـــاض بحثال الحكـــاوي=مير قـــــال الله ثم يقول خيـــــر الأنــــام حكي لاجانا مأصل صار للعله مــداوي=يطعن أصحاب الهوى مثل طعنات الحسام ما أنثنى خوف ولا أثنته كثر الرجاوي=ثـــــابت مثل الوتـــد يوم ثبت له خيـــــام ونحمد الله عزنا بدين مايلوى برشاوي=قالته بنـــت نذرت شعرها لنصرة إمــــام وكانت ريمية قد قالت قصيدة على مسرح شاطئ الراحة ولمزت في أبياتها إلى الشيخ عبدالرحمن البراك قائلة في بدايتها: شفت شر يتوايق من عيون الفتاوي= في زمان ٍ حلاله ملقحينه حرام عن وجوه الحقايق لارفعت الغطاوي = بان مسخٍ تخفّى تحت ستر اللثام وحشي الفكر ساخط بربري ٍعماوي= لابس الموت لبس وشد فوقه حزام في حزوم السياسة يرعب الناس عاوي= يفترس كل نفس ٍ طامحه للسلام لاذ صوت الشجاعه وانزوى الحق ثاوي=يوم عند المصالح ذل حر الكلام

منقول كماهو

 

 

 

 

[معلومات العضو ابو حسين الدوسري]

بيض الله وجه بنت الرجال تسلم يمناك يبو شيخه

على النقل خالص التقدير لشخصكم الكريم

 

 

 

 

[معلومات العضو نايف الخييلي]

الله يعافيك يابو مطر

والله المستعان صار الإختلاط فيه شكه !! حلال والا حرام

والمصيبه صرنا في زمان الكل يتجراء على الحديث في الدين وفي الاحكام الشرعية

الله يصلح الحال

 

 

 

 

[معلومات العضو راشد المسعري]

هلا يابو مطر

صح لسان الشاعرة والله يقوي من يدافع عن الدين والعلماء

ولاهنت على النقل المميز من المنتدى المميز

تقبل ودي وتقديري ،،،

 

 

 

 

[معلومات العضو محمد بن حمد الشكرة]

لاهنت ياابو مطر وصح الله لسان الشاعرة/بنت المسك على ردها على قصيدة ريمية والله يوفق علمائنا لما فيه خير للامة وصلاحها تقديري,,,

 

 

 

 

[معلومات العضو أبـ ريماس ـو]

والله الشاعره ريميه كان ما سوت هالابيات كان راحت تختلط لين تسمح و كان حذفت عبايتها ولبست جنز
والله العظيم اخر زمن قاموا يعارضون الدين و كلام الله و رسوله
اساسا كلام المشايخ اهل السنه والجماعه ماعقبه كلام
لانهم يبينون لنا و يفسرون لنا كلام الله و رسوله بصيغه مبسطه يفهمها الجميع
مايجيبون شي من عندهم مثل الشاعره ريميه
لاهنت يابن مطر ع طرحك

 

 

 

 

[معلومات العضو عبدالله الحافر الغييثي]

هلابكم جميع وشاكر ومقدر لكم تواجدكم وياليت الاخت سلوة الخاطر والاخ صبي الصمايل التقيد بالنقد الطيب والصريح بعيد عن التجريح

 

 

 

 

[معلومات العضو ناصر بن فهد]

.
.
•


صح لسان الشاعره بنت المسكُ وجعلُ يديهاُ ما يجيهاُ العطبُ ويثبتهاُ علىً الصراطُ المستقيمً
ولاهنتً يا ابوً مطرُ على ُ النقلً وبارك الله فيك

 

 

 

 

[معلومات العضو عبدالله الحافر الغييثي]

هلااااااااااااااااااااابك ياناصر ولاهنت على طيب المرور

 

 

 

 

[معلومات العضو حفيد كحيلان]

.
.
•


صح لسان الشاعره بنت المسكُ وجعلُ يديهاُ ما يجيهاُ العطبُ ويثبتهاُ علىً الصراطُ المستقيمً
ولاهنتً يا ابوً مطرُ على ُ النقلً وبارك الله فيك

 

 

 

 

[معلومات العضو عبدالله الحافر الغييثي]

هلااااااااااااااااااااابك ياحفيد كحيلاااااااااااااااااااان ولاهنت على طيب المرور