الوجد

[معلومات العضو بناخي الخلاوي]

البناخي كل ماهبـت نسانيـس الشمـال=يتوجد وجـد عـودٍ حاذفينـه فالرعـاه
احتمى باول زمانـه بالبنـات وبالعيـال=وماتوقع من حديهم بالزمن يشقر عصـاه
اجحدو كل الجماله واقطعو حبل الوصـال=ماوفو باللي عليهم ماشرو لحظة رضـاه
في هناهم ماتهنـا بالمبيـت وبالظـلال=رافق لحر الهجير وسامرٍ(ن) نجمة سماه
راجيٍ شبلٍ يعينه يسقـي الشربـه زلال=ويتسند في مسيره ياعسى ربـي ياقـاه
عاش يومه في نكاده والشقا يفتل حبـال=ماتجزع بالمصايب والزمـن يطـوا وراه
ماذرف دمع الغبينه ولاشكى حمل الجبال=ولامشى درب النذاله مع القريب ولااخوياه
مال وقته للتعاسه والحزن جالـه مجـال=يوم ناظر فالكراسي ضاقت الدنيـا عـلاه
ياذهولٍ في غبينه يادمـوع وسـط جـال=احتواه الحزن كله ياخسارة مـن رجـاه
غابت البسمه وضاعت كل لحظات الدلال=فاقد صوت اللطافه فاقـد حـب الجبـاه
ايتذكر مامضى كيف القمر عـود هـلال=وكيف صبح مرتجينه ألتحف ظلمة مساه
يادموع هلها الشايب على ذيـك العبـال=يوم رجله داجت القفر المخضر في ربـاه
مابقى زهرة سعادة مابقـى شـي يقـال=ولابقى يومٍ يسجل فـي ملـذات الحيـاه
يتحرا للممـات وينتظـر شـد الرحـال=ياعسى يومه قريب ويجبر المولى عـزاه

 

 

 

 

[معلومات العضو شافي بن راشد النتيفات]

صح لسانك يالبناخي مبدع

 

 

 

 

[معلومات العضو فارس الدبالين]

صـــح لــســـآنـــك يالبناخي

ولاهنت على هذه الرائعه

وفي انتظار الجديد

تحياتي..

 

 

 

 

[معلومات العضو مبارك بن شافي النتيفات]

صح لسانك واعتلى شانك

وفي انتظار جديديك

تحياتي وتقديري

 

 

 

 

[معلومات العضو عبدالله المصارير]

صح لسانك يالخلاوي

مبدع يالبناخي

تحياتي

 

 

 

 

[معلومات العضو بناخي الخلاوي]

الف شكر لكم على الاطلاع والردود الطيبه اخواني وتقبلو تحياتي

 

 

 

 

[معلومات العضو محمد مطلق آل بريك]

صح لسانك واعتلى شانك

شاعر مبدع

تقبل تحياتي ~~

 

 

 

 

[معلومات العضو بناخي الخلاوي]

مشكور يالنداوي على الاطلاع والرد الطيب