مرثية الشاعر ناصر بن سحمي بن هتيل في والده

[معلومات العضو حمد بن هتيل]

السلام عليكم ورحمة الله وبركاته

هذي مرثية الشاعر ناصر بن سحمي بن هتيل في والده الشاعر سحمي بن سعد بن هتيل رحمه الله






تدمع حروف الشعر من حر فرقاه
وحزنت قوافي الشعر تبكي وتنعيه
وجزل البحور اللي تباهت بملقاه
لبست ثياب الحزن بموتت أمانيه
فلو دمع عيني خط الأشعار ماأوفاه
ولو تنزف جروحي دمها ماتوفيه
مرحوم ياعودن علي الطيب مرباه
منهاج ساس الطيب عودن موصيه
ثلاث فا لدنيا بها العود و صاه
الدين الاول والكرم عاش موفيه
وله بالشجاعه صروح عز مبناه
زبن الدخيل اللي من الموت منجيه
سيرت وفا لأهل الوفا تعشق خطاه
خطوات عزن ذكرها دوم يحييه
عشق المراجل من نشا صغير يهواه
مجدن بناه العود و العز حاويه
باسمه حروف المجد تزها بذكراه
في قمت الا مجاد بالفعل يزهيه
سحمي رقا للمجد من فعل يمناه
الطيب عنوانه و ساس ومباديه
طيب الفعايل مع اهل العز يزهاه
وافي القروم اللي بوفاها تباريه
نبع الكرم والجود من جود مولاه
كف الصخا ماهو علي البخل مضريه
كف الكريم اللي علي الجود ضراه
عند اللوازم فا للوازم تلا قيه
منصا النشاما اللي عنت له وتنصاه
مكرم جناب الضيف لا جاه ناصيه
وجهه علي الطولات بالعز ممشاه
و كلن علي فعله يعزه ويغليه
حكيم راي ولا يتوهك با رياه
وله بالقبايل شان وقدرن يعليه
وللحق سيف ومخطي الدرب يخشاه
قاسي علي العدوان وقلبه يقسيه
صخيف قلب والوصل ماتناساه
برن بشيبانه و ربع و عوانيه
ينصا القريب ومن بعد جاله وجاه
ويفرح بشوف اللي عنوله حواليه
كفاء ووفاء وصرح الا مجاد علاه
مامات من ذكره مع الناس يكفيه
وافي الخصال وسمعة الطيب تكساه
يكفيه ذكره حي لو كان نرثيه
زيزوم ربعه في المواجيب تلقاه
لا كبرت القالات رأيه يقديه
حرآ على للمجد من طيب مجناه
نسل الحرار اللي عريبه مجانيه
وحنا عيال العود نمشي بممشاه
درب رسمه العود للعز نمشيه
وحنا على عهد الوفا نتبع خطاه
عزن بناه العود نكمل مبانيه
ويبقا مع الأيام سحمي وطرياه
رمز الوفاء رمز الكرم عهدن نوفيه
فيا الله يااللي تسجد الخلق لرضاه
منزل كتاب الحق ماخاب راجيه
يا الله عساه بجنة الخلد مثواه
تدخله في رحمتك من النار تنجيه


وسلامتكم

 

 

 

 

[معلومات العضو محمد بن حمد الشكرة]

الله يرحم الشاعر العلم/سحمي بن سعد بن هتيل المساعرة ويسكنه فسيح جناته وصح الله لسان الشاعر/ناص بن سحمي بن هتيل المساعرة على المرثية الخالدة ولاهنت ياحمد على نقل القصيدة والله يجبر عزاكم في فقيدكم تقديري,,,

 

 

 

 

[معلومات العضو ناصر بن فهد]

الله يرحم : سحمي بن هتيل المساعره الدوسري
ويسكنه فسيح جناته .

وصح لسان الشاعر : ناصر بن سمحي بن هتيل المساعره الدوسري

ولآهنت يا حمد على النقل وبيض الله وجهك

 

 

 

 

[معلومات العضو حمد بن هتيل]

صح ابدانكم

وجزاكم الله خير


ولا هنتو وبيض الله وجيهكم على المرور الطيب والمشرف