(رد) (محمد بن باني المخاريم الدوسري على الكويتي طلال السعيد)

[معلومات العضو فيصل بن جزاء]

لقد ألقى عضو مجلس الأمة الكويتي ((((( السابق )))))الشاعر طلال عثمان السعيد قصيدة ترحيبية بالرئيس الأمريكي السابق جورج بوش الاب وذلك أمام جلسة مجلس الأمة ولقد أثارت حفيظة الشعار بالكامل وبالأخص الشعار السعوديين لأن طلال السعيد أخذ في سب العرب ومدح بوش ومن ضمن اولئك الشعار الشاعر البارع محمد بن باني بن مدعث المخاريم الدوسري

وقصيدة طلال السعيد الذي يقول في مطلعها:

يابوش مااسمك بوش اسمك كحيلان=البوش والله والتخاذل عربنا

وهذا رد الشاعر الكبير/ محمد بن باني بن مدعث المخاريم الدوسري .

عزمت أولف لي من الشعر قيفـان=من جوهر الشعـر إنتقينـا وجبنـا
وليا قصدنا نقول صـحٍ وبرهـان=وليا رمينا روس الأهـداف صبنـا
قول بن مزعل شب بالقلب نيـران=وعزالله إنـه فـي كلامـه شذبنـا
عضو الفشل علمه لكل الملا بـان=وحنَـا سمعنـا غلطتـه وإغتربنـا
خبـل(ن) يثـور بندقـه دون نيشـان=اللي مـدح بـوش(ن) وحنَـا لسبنـا
طلال مدحك بوش ظيعه ونقصـان=ياليت منته مـن فصايـل عربنـا
ماتمدح آل سعود ذربيـن الأيمـان=اللي لهم فـي قمـة المجـد مبنـا
نسيت وقفات الفهد ياابـن عثمـان=يـوم إعتزينـا دونكـم وإنتدبنـا
وأنته بأشيقر ياأبن عثمـان سكَـان=تبكـي وحنَـا للصعـاب إنتصبنـا
يامـا وقفنـا وقفـةٍ شانهـا شـان=وياما على راس المعادي ضربنـا
وياما خسرنـا بالمياديـن شجعـان=وياما خسرنا المـال وأنتـم سببنـا
جيتو لنا بقلوبكـم خـف وإجنـان=نسمع صدى صرخة نداكم وأجبنـا
قمنا بعزم وجزم وإخلاص وإيمـان=وبعروة الديـن الحنيـف إقتضبنـا
يوم إختلط نـار وقذايـف ودخـان=خضنا الحروب الطاحنه مآإرتهبنـا
خضنا المعارك يوم زوغات الأذهان=ونزبَـن اللـي هـاربٍ ماهربنـا
يوم الفهد درعٍ حصيـن(ن) للأوطـان=وجاب التحالف كلهـا فـي طلبنـا
عنكم رفعنا ظلـم ظالـم وطغيـان=وقمنا بوجـه الطاغيـه مآأنسحبنـا
وجازيتو المعروف صدَه ونكـران=ماكنَنـا معكـم وفيـنـا وطبـنـا
من ينكر المعروف والفضل حيوان=برتـوْ وللـي بـايـر(ن) ماحسبـنـا
لولا الله ثم الفهد مانفعوك المريكـان=جاك العـراق وزوَد الغبـن غبنـا
هذا الفهد رجل المواقـف بليهـان=اللي يشيـل حمولنـا لـو تعبنـا
ابن الزعيم اللي قطع راس عجلان=وعز البـلاد وذل منهـو حربنـا
ويعيش عبدالله لنا طيـر حـوران=من هيبته جـض العـدو ماقربنـا
لاهان عبـدالله ولاهـان سلطـان=زحول الرجال اللي تفـرج إكربنـا
حنـا سعودييـن بالفعـل شجعـان=نصفي مع الصافي وسـمٍ غضبنـا
وحنا سعوديين لـو كـان ماكـان=بالمعركه نكسـب ولاأحـد(ن) كسبنـا
وحنا الرجال أهل الوفاء سر وإعلان=وحنا الرجال اللي عريـب(ن) نسبنـا
وليا تلاقى الجمع في كـل ميـدان=نشب نار وروس الأعـداء حطبنـا

 

 

 

 

[معلومات العضو ابو زيد الغييثي]

الشاعر الكبير : فيصل بن سعد آل جزاء

بيض الله وجهك على ماسطرت يمناك

وصح اللسان ابن باني

اما طلال السعيد ماعليه شرها


محبك ابو زيد الغييثي

 

 

 

 

[معلومات العضو بعيدالهقاوي]

بيض الله وجهك على النقل وصح الله لسان الشاعر
وطلال السعيد من الحقد اللي في قلبه لايحب الخير للسعودية

 

 

 

 

[معلومات العضو أبو سعود الودعاني]

ابو جزاء

بيض الله وجهك على هذا النقل

وصح الله لسان الشاعر الكبير

محمد بن نابي

وتقبل خالص ودي

 

 

 

 

[معلومات العضو العضوالمنتدب]

مشكوريبن جزاء عاى النقل وصح لسان ابن باني وبعض العرب مهوب كلهم ماكذب السعيد فيهم بوش قليله في حقهم المفروض بوشات

 

 

 

 

[معلومات العضو سالم بن صمهود]

: فيصل بن سعد آل جزاء

بيض الله وجهك على ماسطرت يمناك

وصح اللسان ابن باني

اما طلال السعيد ماعليه شرها

 

 

 

 

[معلومات العضو ولد ودعان]

الشاعر الكبير فيصل بن جزى
الله يبيض وجهك على هل القصيده الأكثر من رائعه
ويعلم الله اني رحت ابعيد معها
شكرا جزيلا لك على الموضوع وانتظر جديدك
اخوك ولد ودعان

 

 

 

 

[معلومات العضو صبي الملازيم]

لاهنت يابن جزاء
وبيض الله وجهك
وصح لسان الشاعر
الفحل بن باني

 

 

 

 

[معلومات العضو خلف التميمي]

قصيده رائعه وجميله ورد قوي ومفحم لطلال السعيد

 

 

 

 

[معلومات العضو فيصل بن جزاء]

الله لايهينكم جميع على مروركم المميز

وصح السان شاعرنا الكبير محمد بن باني المخاريم الدوسري

لكم خالص التقدير والاحترام

 

 

 

 

[معلومات العضو ناصر آل جزاء]

صح لسانك يابوجزاء ولسان الشاعر محمد المخاريم عزالله انه كفى ووفا ..

ولاهنت يابوجزاء على إيراد القصيده بيض الله وجهك .. وسلمت يمناك ..

وتقبل تحياتي .. أخووووك .. ناصر آل جزاء

 

 

 

 

[معلومات العضو فيصل بن جزاء]

لاهنت يا ناصر على المرور الكريم

تقبل خالص التقدير والاحترام

 

 

 

 

[معلومات العضو محمد مناحي الودعاني]

صح لسانك يابوجزاء ولسان الشاعر محمد المخاريم عزالله انه كفى ووفا ..

 

 

 

 

[معلومات العضو عبدالرحمن الشرافي]

لاهنت يا ابو جزاء على النقل



وبيض الله وجه ابن باني



على هالقصيدة الجزلة والوافيه




تحياتي

 

 

 

 

[معلومات العضو فيصل بن جزاء]

بعيد المدى صح بدنك ولاهنت على مرورك الكريم