راع الوفاء

[معلومات العضو المتوكل]

راع الوفاء

للشاعر/ ابراهيم علي الصيخان

الليل مسرى والمواقف تجاريب
............والشمس نوره مايقدي لعميان


والسيف حدبه مايجيله عذاريب
............والرمح نصله حامل الموت بسنان


الراي شور ٍ والتجارب تهاذيب
............والعقل حكمه والشدايد له اركان


للعين شوفه دون سمعك مقاضيب
............والقول دون الشوف ماهو بوكدان


الضن عصمه والبغي له محاريب
............والخوف واضح للفتى فيه حقران


النفس روض ٍ والكرم له مكاريب
............الطيب وبله والبخل فيه نقصان


الجود صهوه واللزز له معازيب
............بـالمد عــند الــعسر للرجل برهان


الحر طير ٍ للحباري مناديب
............ومندوب نفسه للجيف دوم غربان


القول دون الفعل ماله مهاريب
............والفعل دون الهرج عزه بنيشان


الطيب حصن ٍ والردى له تواليب
............لاجاد فيه الرجل عيبه لمنان


الوقت عسره والرخى له دواليب
............والبيت رفعه بالوطى فوق سيسان


الخيل ماهي للحرابه مهاذيب
............يوم الجحش لاطاب ركضه بخذلان


راع الوفاء بالكون زبن المحاديب
............ولا الردي حفاظ مال ٍ مع الظان


وصلاة ربي عد شمس ومغاريب
............على النبي الهاشمي خير من كان


منقوول

 

 

 

 

[معلومات العضو شافي بن راشد النتيفات]

المتوكل شكرا على النقل ولاهنت وبداية مميزة

 

 

 

 

[معلومات العضو عبدالله الحافر الغييثي]

الراي شور ٍ والتجارب تهاذيب =والعقل حكمه والشدايد له اركان

صح لسان شاعرها ولاهان ناقلها انتقاء رائع وذوق رفيع

 

 

 

 

[معلومات العضو نايف الخييلي]

قصيده مليئه بالحكمه

لاهنت على طرحها

وصح لسان قايلها

 

 

 

 

[معلومات العضو خيالية]

صــــح لســااان الشاااعر ،، ويعطيك العااافيهـ على النقل ..

 

 

 

 

[معلومات العضو المتوكل]

المشاركة الأصلية كتبت بواسطة شافي النتيفات

المتوكل شكرا على النقل ولاهنت وبداية مميزة

لاهنت اخوي على المرور

والاطراء الرائع

تحياتي

 

 

 

 

[معلومات العضو المتوكل]

المشاركة الأصلية كتبت بواسطة خميس مطر الغييثي

الراي شور ٍ والتجارب تهاذيب =والعقل حكمه والشدايد له اركان

لاهنت اخوي على المرور الرائع

والرد الاروع

تحياتي

 

 

 

 

[معلومات العضو المتوكل]

المشاركة الأصلية كتبت بواسطة نايف الخييلي

قصيده مليئه بالحكمه

لاهنت على طرحها

وصح لسان قايلها

لاهنت اخوي على المرور

تقبل فائق تحياتي

 

 

 

 

[معلومات العضو المتوكل]

المشاركة الأصلية كتبت بواسطة خيالية

صــــح لســااان الشاااعر ،، ويعطيك العااافيهـ على النقل ..

لاهنتي اختي على الرد الرائع

والمرور اروع


تحياتي

 

 

 

 

[معلومات العضو العنووود]

صح لساااانك ولسان شاعرها...ذائقه شعريه متميزه..

 

 

 

 

[معلومات العضو ناصر بن فهد]

صح لسان الشاعر
وصح لسانك
ولاهنت على النقل

 

 

 

 

[معلومات العضو المتوكل]

المشاركة الأصلية كتبت بواسطة العنووود

صح لساااانك ولسان شاعرها...ذائقه شعريه متميزه..

لاهنتي على المرور الرائع

تحياتي

 

 

 

 

[معلومات العضو المتوكل]

المشاركة الأصلية كتبت بواسطة ناصر فهد الدوسري

صح لسان الشاعر
وصح لسانك
ولاهنت على النقل

لاهنت اخوي ع المرور

الرائع

تحياتي