محاورة شعرية جرت لي مع قلبي

[معلومات العضو مبارك بن الجوير]

الله يا قـلـبٍ من الشوق درهمت=ضاعت حياته ما لحق شفه بيوم
وش عاد ياحظن على الشين لزمت=مقرود بخت/ وْلا قضى حظه لزوم
والليل ياليلن على محجري نمت=عزّي لجفني ماعرف لذة النوم
من ضيقتن في خاطري ماتكلمت=والهم لاعبـّي و ذا طيره يحوم
وكله على شانك ياغرون تفهمت=نويتني عزام وأشواقك عزوم
والله ياترفٍ على سيرتك قمت=القلب عاندني بوالله ما أقوم


قلتله:
ياقلب أنا طالبك عن حب له شمت=ودي أعيش العمر ‏عشاق مغروم
لا تتفق ياقلب مع همي أبرمت=عقد الشقا مدفوع ‏صافي على السوم


رد القلب:
يا مبارك إن وقفت معك وتولمت=لوعتني ويّا الغضي ضيق وهموم
كم لي معك فالحب عشت وتألمت=كم طحتنا منصاب كم جتني سهوم


قلت:
ياقلب ياخفّاق/ أناآ طآلبك هِـمّت=أدخل على الله ‎من شرايينك تلوم
ياما على درّ الولافه تحكمت=متربعن عرشه كما قيصر الروم


قال القلب:
لويوم تزهمني وحتى إيش لوّ مت=بأسوقها لوّ صرتنا منك مرحوم
مانيب انا كافر/ وْعلى يدك أسلمت=موّمْنّ ولوّ مانيب أصلّي ولا أصوم


قلت:
‏أنا أشهد اني ياآ خفوقي تحزمت=كفوّ يا شيخٍ بين الأضلاع شغموم
أدريبك ادري لآ تزهلت عزمت=صبرك على حبن مقدر ومقسوم


وقال:
ياصاحبي لو تطلب الصعب تممت=تعشق وانا مع لوعتّ الحب مظلوم
ارجوك تسمح لحظتن تلزم الصمت=و أسمع صدى الدقات من دوم إلى دوم


فقلت:
ياخافقي وش حيلتي ماتعلمت=ما للهوى شرعٍ ولاّ لْغدره سلوم
له لذتن حتى بعذابه توسمت=بوسم العنّا / وسط المعاليق ماسوم
وكم مرتن عند الوجع قلت حرمت=وألّقـا اللذي ما جرب الحب محروم
هذا الهوى ياهلَّ الهوى فيه ما اجرمت=ولاني بِرْيّ! وإن كنت بالجرم محكوم
كلّه على من غار بالصوت سلّمت=إعلووم مرَّت والهوى كله علوم
‏واليوم ياحظي عسى مآ تندمت=لا زان بختي فِالسعد يقضيّ لزوم
اقنعت قلبي و جيت وياه درهمت=ياآ علّ شَفيّ فـالعُمر يْنلحِق يوم

 

 

 

 

[معلومات العضو خالد المشاويه]

‏أنـا أشهـد انــي يــاآ خفـوقـي تحـزمـت

كفـوّ يـا شيـخٍ بـيـن الأضــلاع شغـمـوم

صح السانك يامبارك قصيدة رائعه سلمت يمناك وبيض الله وجهك

ولاتحرمنا خواتها

 

 

 

 

[معلومات العضو شافي بن راشد النتيفات]

مبارك بن الجوير

صح لسانك ولسان قلبك وكلك والله مبدع مبدع يابن الجوير سر الى الامام والله يوفقك

 

 

 

 

[معلومات العضو عبدالله الحافر الغييثي]

الله الله يابن الجوير صح لسانك واعتلى شانك وعز الله ان قلبك كفو اللي وقف معك ...الله يسلم قلبك ويهدي بالك ويستقر قلبك وتريحه من كثر حبك هههه

 

 

 

 

[معلومات العضو ابو زابن المسعري]

محاوره جميله بينك وبين قلبك

قلبك جزل وانت اجزل

صح الله السانك والسان قلبك وبيض الله وجهك

 

 

 

 

[معلومات العضو فارس الدبالين]

مبارك بن الجوير .. ماشاء الله عليك

صح لسانك يامبدع .. ولاهنت على القصيده الرائعه

وعزالله انها رديةٍ كايفه بينك وبين قلبك يالجزل

وترا القلوب خضر ونا اخوك لاتحرمنا من هذا الابداع المتواصل ياذيبان

تقبل التقدير والاحترام.

 

 

 

 

[معلومات العضو ناصر بن فهد]

صح لساانك وعتلى شاانك
ولاهنت على القصيده يا ابن جوير

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة خالد المشاويه

‏أنـا أشهـد انــي يــاآ خفـوقـي تحـزمـت

كفـوّ يـا شيـخٍ بـيـن الأضــلاع شغـمـوم

صح السانك يامبارك قصيدة رائعه سلمت يمناك وبيض الله وجهك

ولاتحرمنا خواتها

اررررررحب ياخالد
صح الله ابدنك ومرورك الغالي
ووجيهكم بييض يا صبيان المشاوية
والله لايحرمنا وياك ياخالد من الجنة
حضورك للمتصفح يشرف المشاركة وكاتبها
داام عزك ولاهنت..

 

 

 

 

[معلومات العضو الهاج ـري]

يــا مـبـارك إن وقـفــت مـعــك وتـولـمـت

لوعتـنـي ويّــا الغـضـي ضـيـق وهـمــوم

كـم لـي معـك فالحـب عشـت وتألـمـت

كـم طحتنـا منصـاب كـم جتنـي سـهـوم

صح الله لسانك ملياار ولايسدون

وافي ومتمكن يالغالي والقصيده جزله ماعليها كلااااااااااام.

أحترامي لسمو شخصك الكريم

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة شافي النتيفاتمبارك بن الجوير

صح لسانك ولسان قلبك وكلك والله مبدع مبدع يابن الجوير سر الى الامام والله يوفقك

ارررررحب ياشاااافي
وصح الله ابدنك وعمرك وانا اخوك عني وعن قلبي
والابداع انت منشأءه الاصلي وإنّا لك فرووع
والى الامام وياااك وعسى الله يوفقنا ياشافي..
اسعدني مرورك الغالي لاهنت..

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة خميس الغييثي

الله الله يابن الجوير صح لسانك واعتلى شانك وعز الله ان قلبك كفو اللي وقف معك ...الله يسلم قلبك ويهدي بالك ويستقر قلبك وتريحه من كثر حبك هههه

ارررحب والله يا بومطر
وقولة الله.. الله.. على طلتك لاهنت
فقدنا مرورك الغالي عسى مانفقد لنا غالي وانا اخوووك
والقلب ان جت على الوقفات عزتيله ولا عزا له ان تردى هههه
والله يقبل دعاك الطيب ولا يحرمك الاجر ياخمييس
اضاءت المشاركة بمرورك الغالي واسعدت قلب كاتبها
عسى الله يسعد اياااامك.. ودام عزك يابوشيخة...

 

 

 

 

[معلومات العضو محمد العبداللطيف]

صح السانك اخوي مبارك وعتلا شانك على النبع العذب

 

 

 

 

[معلومات العضو دغش محمد الصخابرة]

صح لساانك وعتلى شاانك
ولاهنت على القصيده يا ابن جوير

 

 

 

 

[معلومات العضو فهد بن بداح الدوسري]

محاوره جميله بينك وبين قلبك

لبى قلبك الجزل يا جزل

 

 

 

 

[معلومات العضو مبارك بن الجوير]

اقتباس:المشاركة الأصلية كتبت بواسطة ابو زابن المسعريمحاوره جميله بينك وبين قلبك

قلبك جزل وانت اجزل

صح الله السانك والسان قلبك وبيض الله وجهك


اررررحب يابوزابن
وصح الله ابدنك لييييييين ترضى
والجزالة تقراها عيناااك لاهنت
ويسلم مرورك الغالي ولاهان حضورك والله
ووجهك ابيض يابوزااابن
ويسعد ايامك وانا اخووك مثل ماسعدني مرورك لاهنت..