قصيدة ولا احلى .....مزح بين الشايبة والشايب

[معلومات العضو ابو رداد الدوسري]

الشايب
قلبي شباب ولازم إني أعرس...مابي العجوز اللي توسد على الباب

الخير وأيد وماني مفلس...عندي فلوس تدعم البنك في حساااب

العجوز
ما باقي منك غير خشمك وهالضرس... تبى تعرس وانت كنك غراب

قابل صلاتك الله يشفيك من المس..وإلا ترى باطب ويهك بالترااااب

الشايب
انتي عجوز وأكلك الروب والخس...اما انا ما أكل غير تكة وكباب

ما فيني سكر غير ضغطي نازل بس...دام الهوى فيني ترى كل شي طاااب

العجوز
لا بارك الله فيك يالشيبه يالنحس...ما تجيبك الرمسه ولا يجيبك عتاب

قصرلي صوتك ماابي اسمع ولا حس...عطني طلاقي وانقلع وقضب الباب

الشايب

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عريس...مرتاح بالدنيا بلا هم واعتاااب

العجوز
بطران وراسك كالصخر يابس وعص... مالوم طبعك يوم ربعك هالكلاااب

غادي شرا الاريل ودومك تتحيس... استح على ويهك اصلع ولعااااب

الشايب
فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقة أربع وخمس... شلي طلاقك من ضميري بلا حسااب

العجوز

مشكور يا الشايب ومن دون اي دس... عندي حبيب ماابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذااب

الشايب
يالله قبل لا اموت منك وقتص... طلعتيلي قرنٍِ وراسي بعد شااااب

ياشينه البرقع ترى قدرك اختس... عجوز لك في الدنيا خلان واحباب!

العجوز
مثلك تراني وهذا لك في العمر درس... لاني اميز بين شيبه وشياااب

وإلا نسيت اني على الموضه اللبس...ماعلموك اني بلا شيله وحجااااب

 

 

 

 

[معلومات العضو أبـ ريماس ـو]

هههههههههههههههههههههههههه
محاوره رائعه وفكاهيه الله يسعدك اخوي على الطرح تقبل شكري

 

 

 

 

[معلومات العضو نديم القلم]

ابو رداد تسلم على المجاورة الحلووووووووووهـ

اطيب تحية

 

 

 

 

[معلومات العضو ابو رداد الدوسري]

ابو ريماس اخوي لاهنت على مرورك وماكصرت ..........

 

 

 

 

[معلومات العضو ابو رداد الدوسري]

اخوي نديم القلم اشكر عطر المرور والرد الجميل ممنون منك يالغالي

 

 

 

 

[معلومات العضو المطنوخه]

هههههههه محاوره جميله تسلم الايااااااادي...

 

 

 

 

[معلومات العضو ابو رداد الدوسري]

نورتي بالمطنوخة كلة من ذوقك ما كصرتي

 

 

 

 

[معلومات العضو طلال الحقباني]

ههههههههه
بيض الله وهك وما قصرت وسّعت صدورنا

اخوك
ابونور

 

 

 

 

[معلومات العضو ابو رداد الدوسري]

عسى صدرك واسع دوم اخوي ماكصرت ممنون

 

 

 

 

[معلومات العضو ابن الهيثم الدوسري]

ههههههههههههههههههههه

الله لايحرمنا من جديدك ضحكتنا بنص الليل ^_^