قصيدة للشاعر/دخيل بن سعد الودعاني

[معلومات العضو حمد دخيل الودعاني]

انا شف بالي ياهل العرف لي نوقات=على شان ماتتعب لمنهو يجربها
عشرين لقحات غير عشراً بعد خلفات=ومعها الفحل مع طيبها قام يجذبها
ناخذ بها وقت المرابيع لي سجات=والى غلق المرباع ننزل مشاربها
الى من وردنا العد نرفع لها الاصوات=تعدي ورود العد غصبن مناكبها
قلبي يحب الشقح والسود هي بذات=طويلة مزَر الورك مانيش غاربها
راعي الصنف الى من شافها جر بالونات=سمح مالفلوس اللي مع بنك حسبها
طوال الرقاب رقابها مالحم عاريات=تحدر من العرنون شبرين شاربها
عراض الفقاير كم شجاعن سببها مات=الى من حظرنا طامع البل يجنبها
مثل ماحصل بين القبايل بعصراً فات=ظهر صيت ربعي في الجزيره وشاعبها
الى من زهم في زايد جاتك الفزعات=قضى عمر الاعدى مقتضت في مطالبها
يازين شوف البر والعشب له زافات=عند اطراف ذود ماتفصخ جنايبها
تحلب لضيفانن عليها لفوا الابيات=والى مرها الطرقي لزومن نحلبها
الى قاله الله رحتنا وابعد الشدات=نمشي على الاقدام والرجل نتعبها
قبل مايروح العمر يافارج الضيقات=وتركز على الروح العزيزه نصايبها
ترا ليت مرجع على الشخص شين فات=عليه يتغانم باقي الروح طيبها
قبل مايقولون العرب مرض ولا مات=ترا كل نفس ٍ تنتظر دور غايبها

 

 

 

 

[معلومات العضو أبونواف الدوسري]

الأخ حمد بن دخيل الودعاني تسلم يمناك بما خطت .

وصح ألسان الشاعر دخيل بن سعد الودعاني.

تقبل تقديري وأحترامي.

أخوك أبو نواف الدوسري.

 

 

 

 

[معلومات العضو ابو زابن المسعري]

الاخ العزيز حمد الودعاني

صح السانك وصح السان الشاعر

بيض الله وجهك

لك جزيل الشكر

اخوووك

ابوزابن

 

 

 

 

[معلومات العضو العماني]

صح الله لسان الشاعر القدير دخيل بن سعد الودعاني

والله يطول بعمره ويعطيه الصحه والعافية

وبيض الله وجهك يابودخيّل على ايراد هذه القصيدة الجميلة والجزله وبيض الله وجهك ، وحنا طامعين بمثل هذه القصائد الطيبه

تقبل تحياتي،،

 

 

 

 

[معلومات العضو عبدالرحمن الشرافي]

عراض الفقاير كم شجاعن سببها مـات=الى من حظرنـا طامـع البـل يجنبهـا
مثل ماحصل بين القبايل بعصـراً فـات=ظهر صيت ربعي في الجزيره وشاعبها
الى من زهم في زايد جاتـك الفزعـات=قضى عمر الاعدى مقتضت في مطالبها

كفوووووووو


ابن العم / حمد دخيل الله


الله لا يهيينك يالمنعور على إيراد هذه القصيدة الجزلة والوافيه

وصح الله لسان الشاعر وبيض الله وجه على

هذه القصيدة الجزلة




وتقبل فائق التحية والتقدير

 

 

 

 

[معلومات العضو تركي ال فنيس]

بيض الله وجهك يابودخيل علي ايراد قصيده من قصائد الشاعر الجزل دخيل بن سعد الودعاني الله يطول عمره

 

 

 

 

[معلومات العضو حمد دخيل الودعاني]

الاخ /ابو نواف الدوسري
ياهلا ومرحبا ولاهنت على المرور
والاخ/ابو زابن المسعري
مرحبا والله لايهينك على كلامك الطيب
والاخ العزيز/هايف العماني
مرورك شرف لنا والله لايهينك
والاخ /عبدالرحمن الشرافي
مرحبا ولاهنت على مرورك
والاخ /تركي ال فنيس
مرحبا بك ياتركي ولاهنت يالغالي




اسف على التاخير ومرحبا يعيال العم ومروركم شرف لنا