ياموزع النعـــــــــــــم

**معلومات** **العضو** · 01-06-2005, 02:39 AM

السلام عليكم ورحمه الله وبركاته

مساكم الله بالخير

اخواني الاعزاء أضع بين أيديكم هذة القصيدة المتواضعه

وإن شاء الله تحوز على رضائكم وستحسانكم

أقول فيها

النعم ياموزع النعم ماهي بالكلام= النعم له راعي وصاحب يستاهله
النعم ماهو كلام يوزع والسلام= كلمه مستهلكه طالعه يانازله
والنعم ياموزعه ماتقدم للخمام= البخيل الخايب اللي علومه خامله
والنعم لاقلتها للردي ظلم وحرام= الثعل راعي نوايا الردى لاتجامله
النعم معناه غالي وله شرط ونظام= مايحوزه طافي الظو ولا ينساقله
النعم تعطى لراع الكرم ابن الكرام= مجلسه عامر ومعروف كل داهله
الدلال الدور والعود يقدم للحشام= والعشا دايم يصوت لمن هو يأكله
والنعم للي ليا صار في الصف انقسام= مايطاوع في ربوعه عذول عاذله
امحبوب من جماعته يحظى بحترام= نفعته لصغيرهم قبل الاكبر شامله
والنعم للي ليا تاهت الاريا وقام= حلها حلال عقد الحلول الشاكله
رايه يقدي كما الجدي في عتم الظلام= يرشد الساري ويبلغ مناه وياصله
والنعم للي على عز نفسه مايسام= عايش عف عزيز حياته كامله
عن صغيرات الدنايا رفع نفسه وشام= كل عاقه جنبه وتركه ومجادله
والنعم للي ليا ثارت الهيجا وحام= في السما طير الفنا ساق روحه عاجله
في القدا عند القاء كنه السيف الحسام= صيرميا يرعب القوم وقع مقاتله
والنعم للي عهوده يوفيها قوام= لاوعد يوفي كلامه بدون اماطله
الوعد للحر كالدين يلزمه التزام= والوفا يحسب حساب الخصال الفاظله
وسبعه انعام لمن هو جمع ذي بالتمام= كايد نادر تحصل مثيل أيعادله
النعم يفخر وياخذ من اعلومه وسام= لايق بالنعم والنعم فعلا جازله
سمعته ذعذع نباها كما ريح الخزام= سيرها في الارض سير الهبوب الباتله
كالحيا لاحل قامت تباشربه الانام= والحياء يحيي جذور النبات الهازله
عادته بالطيب كالغيث هتان دوام= مادرت يسراه ويش بيمينه باذله
ذا لامنك قلت له نعم مالحقك ملام= المراجل باخره والنعم هو ساحله
البلا لا قلتها وانت لك قصد ومرام= مثل من خلا صلاته وجاب النافله
ياصلاة الله على محمد المرسل أمام= عد زخات المطر يوم سكب وابله

**معلومات** **العضو** · 01-06-2005, 04:15 AM

وسبعه انعام لمن هو جمع ذي بالتمام=كايد نـادر تحصـل مثيـل أيعادلـه
النعم يفخر وياخذ من اعلومه وسـام=لايق بالنعـم والنعـم فعـلا جازلـه
سمعته ذعذع نباها كما ريح الخـزام=سيرها في الارض سير الهبوب الباتله

صح الله لسانك يابو وليـــــــد ((الوحيد))

جيتك ثمينه ومدتك سمينه

القصيده هذي عن مليون قصيده أرجو انها ماتكون اليتيمه

تحياتي لك ،،،،

**معلومات** **العضو** · 01-06-2005, 04:29 AM

صح السانك يابن بطحيه علي القصيده الرائعه والنعم كايد

**معلومات** **العضو** · 01-06-2005, 08:11 AM

الشاعر الكبير إبن بطحيه

كما عهدناك يالقرم مبدع مبدع

لله درك من شاعر إذا قال أبهر المتلقي

سلمت يمينك وصح الله لسانك مليون × مليون ولايكفون

تقبل الود والتقدير

أخوك دغش البطي

**معلومات** **العضو** · 02-06-2005, 02:11 AM

صح الله لسانك اخوي حسن وصراحه تعجز الكلمات عن وصف ابداعاتك

تقبل تحياتي،،

**معلومات** **العضو** · 02-06-2005, 03:24 AM

والنعـم ياموزعـه ماتقـدم للخمـام = البخيل الخايب اللـي علومـه خاملـه
والنعم لاقلتها للـردي ظلـم وحـرام = الثعل راعي نوايا الـردى لاتجاملـه
النعم معناه غالي وله شـرط ونظـام = مايحوزه طافـي الظـو ولا ينساقلـه
النعم تعطى لراع الكرم ابـن الكـرام = مجلسه عامر ومعـروف كـل داهلـه
الدلال الدور والعـود يقـدم للحشـام = والعشا دايم يصوت لمن هـو يأكلـه
والنعم للي ليا صار في الصف انقسام = مايطاوع في ربوعه عـذول عاذلـه

صح لسانك على القصيدة الجزلة

وعز الله إن ذا القصيد ولا سلملي على الشعر

تقبل خالص تحياتي.

**معلومات** **العضو** · 02-06-2005, 05:32 AM

صح الله لسانك

ثم صح الله لسانك

عز الله ان ذا الابيات من احسن واجزل ماقريت

ننتظر منك مثلها

اخوك الحـــــر

**معلومات** **العضو** · 04-06-2005, 01:54 PM

البراق شكراً على متابعتك ويسلم راسك

**معلومات** **العضو** · 04-06-2005, 01:55 PM

الاخ تركي الله ليهينك ويكثر من امثالك

**معلومات** **العضو** · 04-06-2005, 01:57 PM

دغش البطي شكراً على مرورك لك تحياتي .

**معلومات** **العضو** · 04-06-2005, 01:58 PM

العماني سيادة الرئيس شكراً من القلب.

**معلومات** **العضو** · 04-06-2005, 01:59 PM

شكراً لك ياراشد ارجوا ان اكون عند ظنك.

**معلومات** **العضو** · 04-06-2005, 02:00 PM

الحر شكراً لك ياسم على مسمى

**معلومات** **العضو** · 04-06-2005, 09:27 PM

بسم الله الرحمن الرحيم

السلام عليكم ورحمة الله وبركاته

تحية طيبة :

صح الله لسانك على الابيات الجميلة والجزله وفي انتظار المزيد وشكرا

[img]

اخوك ابوضي من باكستان

[/img]

**معلومات** **العضو** · 04-06-2005, 11:45 PM

اقتباس:

والنعم للي على عز نفسـه مايسـام
عايش عـف عزيـز حياتـه كاملـه
عن صغيرات الدنايا رفع نفسه وشـام
كل عاقـه جنبـه وتركـه ومجادلـه
والنعم للي ليا ثارت الهيجـا وحـام
في السما طير الفنا ساق روحه عاجله

صح لسانك أخوي وبيض الله وجهك على ذا القصيد الجزل...

النادره

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية