ياطير بلغ له سلامي وقله

[معلومات العضو بومبارك العماري]

أهدء مني للجميع وكل غايب أو تعبان

راقتلي وحبيت أنقلها لكم


ياطير بلغ له سلامي وقله



السلام عليكم



يا طير بلغ له سلامي وقلــّــــــــــــــه


ان العواطف حيل متولعه فيــــــــــــه


قلــّه ترى قلبي معه لا يتلـــــــّـــــــــه


عطني علومه بالغلا وش هقاويــــــه


ادخل عليه وبلغه في محلـــّــــــــــــه


واعطه مراسيلي وانا في حراويـــــه


اخاف من موج الشواطي يشلــّـــــــه


وابقى جريح وخافقي من يداويـــــــه


اللي يبادلنا الغلا مانملــّـــــــــــــــــه


نصبرعسى يومن ٍ تجينا دعاويــــــه


قلــّه يجاوب هاجسي لوحصلــّــــــه


وقلــّه بعد قلبي يحبه ويغليــــــــــــه


بنيت له في داخل القلب فلــّــــــــــــه


والعرش زينته بكامل متاكيــــــــــــه


ما باقي إلا يعتلي قلب خلــّـــــــــــــه


يامر وينهى والمعاليق تفديـــــــــــه


من بادي المده وانا عاشق ٍلــّــــــــه


آموت واحيا بالهوا في معاليـــــــــه


سيف العيون المرهف اللي تسلــّـــه


سدد سهوم الحب في قلب غاليــــــه


شفته مقفيّ ليتني قبلة ٍلــّــــــــــــــه


ياليت وجهه تبتسم لي نواصيـــــــه


يابدر كافي مغرمك لا تذلــّـــــــــــــه


ضيّك ونورك ياهوا من يضاهيــــــه


بالصدر هاجوس ٍ وبالقلب علــّـــــه


محتار من ياخذ سلامي يودّيـــــــــه


يانخل صيفك والبلح زان حلــّـــــــه


اسمح لنا نرقى نخلكم ونجنيـــــــــه


العين تبكيكم غرام وتهلــّــــــــــــــه


والقلب نبضه حبكم يا غلاويـــــــــه


يابو جديل ٍ فوق متنه يفلــّــــــــــــه


والموج ياخذ من جماله ويعطيــــــه


اتخيل اهدابه رموش ٍ مضلــّـــــــــه


واتخيل اني كل ساعه مصافيــــــــه


طلي علينا يالغلا بس طلــّـــــــــــه


يرويبها قلب المعنىّ صحاريـــــــــه


ليته يشوف اعروقي المضمحلــّــــه


يبست شراييني وروحي تناديـــــــه


قلبك عطيني واحتمي تحت ضلــّـــه


عسى هجير الحب تبرد لياليــــــــــه


لا ترمي بحبي على نار ملــّـــــــــــه


والقلب تلعبه بجمرك وتشويـــــــــه


مزن العذوب اللي سحابي يدلـــــــــه


عسا ترازم له رعودي وترويــــــــه




تقبلو أهدائي لكم

 

 

 

 

[معلومات العضو متعب الصخابره]

بو مبارك العماري



صح الله السانك على هذه القصيده الجزله والله يعطيك العافيه

 

 

 

 

[معلومات العضو بومبارك العماري]

صح أبدانك يامتعب الصخابره

لاهنت شرفت على مرورك

 

 

 

 

[معلومات العضو شيهانه بكف صقار]

بنيت له في داخل القلب فلــّــــــــــــه


والعرش زينته بكامل متاكيــــــــــــه


ما باقي إلا يعتلي قلب خلــّـــــــــــــه


يامر وينهى والمعاليق تفديـــــــــــه


من بادي المده وانا عاشق ٍلــّــــــــه


آموت واحيا بالهوا في معاليـــــــــه


سيف العيون المرهف اللي تسلــّـــه


سدد سهوم الحب في قلب غاليــــــه


صح الله لسانك اخوووي ع الابياااااااااات ا لطيبة

وقصيدة قمة في الروعة

لاهنت ع النقل

 

 

 

 

[معلومات العضو العنووود]

قصيده جزله...

صــــــــــح لسانك...ولسان قايلها..

 

 

 

 

[معلومات العضو بومبارك العماري]

يامرحبا لاهنتو

ياشيهانه

والعنود

صح أبدانكم وروحكم شرفتوني فى المرور والتعليق




تحياتي لكم