هذه القصيدة اهداء الى الاخ/ ناصر بن قريع

[معلومات العضو فهدالمحيسن]

هذه القصيدة اهداء الى الاخ/ ناصر بن قريع ال بريك بمناسبة فوزه في مزاين ام رقيبه لفئة المغاتير بالمراكز الرابع

الشاعر / سعد بن فهيد ال بريك

يا ناصر بن قريع ما عندي أعذار = مدحك وجب وأنا على الله اتكالي
من عقب فوزك يا بن عمي أبختار = جزل القصيد الي يجمل مقالي
لني فرحت و زانلي بدع الإشعار = والشعر ناديته وفي الحال جالي
شاعر ولي شعرن غزيراَ ومدرار= أنقي أبياته وجيب الجزالي
الله يبيض وجهك (2000) مليار = الفوز فوزاَ للدواسر وغالي
ياليت عندي جيب نوعه (VX-R) =(2007) لونه أبيض خيالي
كنه اليامنه مسك خطه وثار = قرماَ تعزوابه رفيقاَ اموالي
في ذمتي ذمه لنشه على (القار)=حتي أصلك وشوف زولك أقبالي
واقوال مبروك يا طيب الكار= كلي تحت امرك ابحالي ومالي
فوزك بوضح غالية قدر وأسعار = أنشهدنها كايدات وغوالي
وضح مثل غيم ترزم على الدار= وألا زبيديات وسط المفالي
بيض كما حب البرد فوق مخضار=وألاكما النويروقت الزوالي
لادرهمت درهام يالله ياستار = يطربلها راع الولع والحلالي
أخشومها هنف وعرانينها أشبار= كنك تفاجحها و الارقب طوالي
اذونها خرغن وجبرات وكبار= والحيها طفاح ياهملالي
تتبع هواها لو توردك الاخطار = عندك غلاها من غلاة العيالي
تحبها حب الرجل لبنه البار= والامحبة حضرمي للريالي
اقسم برب البيت قلته وانا بار= ابلك اليامن شفتها كنهاالي
لله درك كاسبن طيبك اجهار = ماهوب عاريه ولاهوسؤالي
كنك اتدربل للمراجل بمنظار= ثمن أتناديها تعالي تعالي
مجلسك مدهال الكريمين الاخيار=ضوك تشب ومركين الدلالي
متسلسلن من نسل شجعان واحرار= أمعرباَ مابين عمن وخالي
موقفك ثابت صار ما صار ما صار= راسي كما ترسي رواسي الجبالي
رديت ابل من جاتك تصيح ياجار= وسجلتلك فعلن يعد ويقالي
وهذي شهادة شاعر بختم واقرار= تراك ف (ال بريك ) شيخن وغالي
سلام احلا من لبن در الابكار =واغلا من الصافي القراح الزلالي
يا صل بني عمي صغيرين وكبار= الي تنومس لا لفاهم مقالي
أجبنهم الي ينطح القوم الاشرار= وارداهم الي للثقيلات شالي
حزامي ال بريك وافين الاشبار= قومن اتدك الكايدات الثقالي
اعلومنا بانت ماهي ضمن الاسرار= ظفرين في الماضي وظفرين تالي
ما نرضخ الصكات بقعا والاقدار = وطموحنا نرقي على كل عالي

 

 

 

 

[معلومات العضو العضوالمنتدب]

لله درك كاسبن طيبك اجهار= ماهوب عاريه ولا هو سوالـــي
كنك تدربل للمراجل بمنظـار= ثــــمن تناديـــــها تعالــي تعالــي

 

 

 

 

[معلومات العضو نايف بن مسرع]

شكراً فهد المحيسن على نقل هذه القصيدة الرائعة من الشاعر الأروع/ سعد آل بريك

وابو فهيد شاعر غني عن التعريف لكن كان الأجدر بك أخوي فهد أن تبين اسمه في مقدمتك لاهنت


سلمت وسلم سعد بن فهيد ويستاهل ناصر ابن قريع كل علم طيب

تقبل وافر محبتي ،،،

 

 

 

 

[معلومات العضو الـ(حسن)ـبريكي]

بيض الله وجهك يا فهد المحيسن على النقل الأكثر بكثير من قولة رائع

والشاعر سعد بن فهيد آل بريك وافي ولا يجي منه ألاَ وافي

و ناصر بن قريع آل بريك يستاهل المدح لأنه أهل ٍ له .

 

 

 

 

[معلومات العضو فهدالمحيسن]

الاخوه الاعزاء العضو المنتدب , نايف بن مسرع , حسن البريكي
تحية عطرة
السلام عليكم ورحمة الله وبركاته وبعد
بالاصاله عن نفسي ونيابه عن الشاعر المبدع الغالي على قلوبنا / سعد بن فهيد ال بريك
نتقدم لكم بالشكر الجزيل على مروركم و اطرائكم نسال الله لكم التوفيق والنجاح

وتقبلوا مني اخواني وافر المحبة والتقدير

 

 

 

 

[معلومات العضو البدراني نت]

محجوز

 

 

 

 

[معلومات العضو فيصل بن جزاء]

لاهنت يافهد اختيار رائع

وصح السان الشاعر الجزل سعد بن فهيد ال بريك

ويستاهل المدح ناصر بن قريع ال بريك

تقبل التقدير والاحترام

 

 

 

 

[معلومات العضو فهدالمحيسن]

الاخوه الاعزاء البدراني وفيصل سلمه
تحية عطرة
السلام عليك ورحمه الله وبركاته

مشكورين على مروركم

تقبل مني اخواني وافر الاحترام

 

 

 

 

[معلومات العضو البدراني نت]

بيض الله وجهك فهد
ووجه الشاعر القائل
وتقبل شكري ومروري ،،،،،

 

 

 

 

[معلومات العضو فهدالمحيسن]

نشكركم على مروركم