قبيلة الحرارشة الرجبان

[معلومات العضو صقر الوادي]

أسرة آل الخضاري شيوخ قبيلة الحرارشة الرجبان عُرفت بالشجاعة والكرم والفروسية فمنهم الأمير الفارس راجس بن مفرج الخضاري شهد كثيرا من معارك الرجبان من أهمها وقعة الجمل التي انتصر فيها الرجبان و لقب بعدها الرجبان بمقيدة الجمل بالحديد .. ويقول فيه الشاعر :

شفي مع ابن قويد والا ابن سفران .. والا الخضاري لاظهر من بلاده
.
ومن مشاهيرهم الأمير الفارس مفرج بن راجس الخضاري الذي يقول فيه شاعر بني هاجر الشاعر ابن عفيشة حيث كان جارا له في الهضب عدة سنوات ، فقال عندما رحل هذه القصيدة ، يذكر فيها ما تعرض له من قحط وسوء حال متمنيا لو أنه أطاع الأمير مفرج وبقي معه في الوادي ، وفيها يمدح الدواسر ويثني على الأمير مفرج :

يقول الصبي الهاجري فوق حرّة
عليها عقيليٍّ وزين وثور
.
فجٍّ مذارعها وساع زغونها
وجْنا على وطي الحفا صبور
.
أول مماسيها بدار ال زايد
ما بين كرمانٍ وبين حبور
.
وليلٍ بالفرحه بلاد مريّه
فيها مرّب الصيد هي والخور
.
وليلٍ بتثليث سقا داره الحيا
وسقاه قنف من الربيع يجور
.
فجحدرية وقفت في موقف السخا
والله بخصات العباد خبور
.
وليلٍ بعقلة عمير بن هاجر
اللي غشاها بد لراض نور
.
وليل بسنحان طوال المباني
اللي كساها للحريم وزور
.
عينت في سنحان غمرٍ مجرّب
هادي الجحالي بالسخا مذكور
.
قرب لنا الكن والفرش والذرا
وحيلٍ تغالى في كبار قدور
.
شبهته سهيل اليماني لابدا
وعنده لضيفان الضحى بشور
.
وليلٍ مداهلنا بدار ال عايض
اللي ولاها عقبه الطابور
.
وليلٍ بسرا لاعاد عيدها
لعلها عقب السرور ضرور
.
أوي ذودٍ ثمانين وزملٍ ثمانيه
وفرق يميّن والزمان مطور
.
ياليتني خاويت الخضاري مفرّج
ولد راجس اللي يروي المسمور
.
أهل رباعٍ وسعوا في بيوتها
تلقى بها دلالٍ وصك نجور
.
وهل غروسٍ ركزوها في الفضا
ما حط من دونهن حظور
.
ثمان سنوات وانا جار لهم
حيشانّا يوم الدهور خشور
.

ومن مشاهيرهم الأمير الفارس راجس بن مترك الخضاري وهوشاعر مشهور له كثير من القصائد ومن قصائده المشهورة قصيدة يفتخر فيها بقبيلته الدواسر ومناسبتها.. أنه رأى برقا يلوح في أقصى جهة الشمال وكان ذلك في آخر الليل حيث يقول فيها :
.
عـــــــز واليك يا برق سمـــــــر
صوب دار الشمال اقفـــى وراه
.
يا الله اليوم يا عـــــــدل النظــر
قـــــــــد لنا يم ديـــــــــرتنا شفاه
.
مــــن ذقانٍ ليا حــــــد القهــــر
دارنا وآل زايـــــــد للعصاه
.
أهـــل بيوت زمَت مثل القـــــور
نشرهم مايردد مــــــن هــــــــــواه
.
وأهل نجورٍ تلاحا في السحــــــر
ضربها من سرى يسمـــــــــع عواه
.
وأهل صحون تجرر في العســـــر
يشبع الضيف واللــــــــــي في قفاه
.
وأهل مهارٍ تلبــــــــــس بالشهـــــــر
فـــــــوقها كل مـــــــن يروي قناه

 

 

 

 

[معلومات العضو حمد ابن فهد]

والله وسبعين نعم بهم رجال معروفين وتفتخر بهم قبيلة الدواسر لاهنت للموضوع ياصقر الوادي

 

 

 

 

[معلومات العضو صقر الوادي]

ماعليك زود يابو فهد

 

 

 

 

[معلومات العضو راشد المسعري]

مرحبا ياصقر الوادي
والله وسبعين نعم بآل الخضاري وبالحرارشة والرجبان عامة
بيض الله وجهك اخوي على الموضوع القيم
ولك ودي وتقديري ،،،

 

 

 

 

[معلومات العضو صقر الوادي]

الله يبقيك اخوي راشد ولاعليك زود طال عمرك

 

 

 

 

[معلومات العضو عبدالرحمن بن فلاح آل بريك]

ونعم بمن ذكرت ..

ويستاهلون بني عمنا .

 

 

 

 

[معلومات العضو نآصر البدراني]

ارررررحب يا الصقـــر

والله ونعم بك وبآل الخضاري وبالحرارشة والرجبان كلهم

لاهنت على الموضوع التاريخي

 

 

 

 

[معلومات العضو صقر الوادي]

ماعليك زود يابو فلاح

 

 

 

 

[معلومات العضو صقر الوادي]

البقى ياناصر ولا عليك زود