تسجيل حضور لقرب شاعر

**معلومات** **العضو** · 14-10-2010, 01:40 AM

ليلة خميس وحاضر لقرب شاعر بس فكونا من الموال

لنه حلات الموال فالصوتي او فالملعبه على الوقع

وماله اي جدوى بالنت يقوم الواحد يصايح من خلاه في خلاه

**معلومات** **العضو** · 14-10-2010, 02:43 AM

وصلتني رسلتك يامسفر المصارير وتشرفني
استلم لاهنت

من هجوس اشاعر اللي مايخونه قافه=ياسلام الله عليكم ردتن مثنيه
كان مسفر ياادواسر يحتمي ميقافه=علموه يولم خيوله بنات عبيه

**معلومات** **العضو** · 14-10-2010, 02:54 AM

الشرف لنا طال عمرك

من هجوس الشاعر اللي نادرات أوصافه = مرحبا ترحيبةٍ يا أصحابنا مبنيه
المعرفه مالها ألا العالم العرافه = حدد اليمه وتعرف ما تحوش ايديه

**معلومات** **العضو** · 14-10-2010, 03:05 AM

جعل تبقا والحصان اليا عطا محرافه=مانقول الا ترا زين العمل فالنيه
كم وكم تاجر يعيش وتجرته بأسلافه=ولو نفتش عيبته مايمتلك ربيه

**معلومات** **العضو** · 14-10-2010, 03:11 AM

طيب طيب

صافي النيه تعلا من على مشرافه = ومن يقدم طيب لا يمكن يسمى عيه
البعير اللي ما شال الحمل فوق اكتافه = يأخو بدوا جعله أفدا السيف والجنبيه

**معلومات** **العضو** · 14-10-2010, 03:13 AM

والجنبيه ياسلام ياسلام

**معلومات** **العضو** · 14-10-2010, 03:19 AM

من دخل سوق النحاس وشاف مابه عافه=والذهب فيه السلع مبيوعه ومشريه
والحرامي لو يلد العين شاف خلافه=عسكري الدوله برشاشه على ادوريه

**معلومات** **العضو** · 14-10-2010, 03:33 AM

التجر فالسلعه اللي طيبه صرافه = والرخيصه مالها موقع ولا مبغيه
والله ان ذنب الحرامي يا العميل لحافه = والغرامه ما تلحق غير راع السيه

**معلومات** **العضو** · 14-10-2010, 03:42 AM

السليماني يامسفر شيخن ابمخلافه=ولا حضر فالعاصمه مايلبس الطاقيه
ونته ليا انك بغيت الصوره الشفافه=لاتجاملني ولوّح في يدينك ليّه

**معلومات** **العضو** · 14-10-2010, 03:54 AM

ما عرف نهجه يا خو بدوا يا كود احلافه = وألا أنا ما اعرف عن اللي تذكرونه شيه
مال مثلك يالسنافي من علينا رافه = وان كلتك الشمس تلقى في ذرانا فيه

**معلومات** **العضو** · 14-10-2010, 04:07 AM

مازبن جوف الذرا الا العالم الخوافه=والا انا قلبي حديد مجربن فالهيه
بدوري الديره ترا مالك هدف واهدافه=كلها بسم اجنبيّن جا مع الطرقيه

**معلومات** **العضو** · 14-10-2010, 04:28 AM

الشجاع اللي خذاها ورثه من أسلافه = فالرخاء رفقه وطيب وفالعسر قطعيه
صاحبك ذيبٍ ورجم الطايله قد نافه = كم خصيمٍ ذاق كدر الماء حرم صافيه

**معلومات** **العضو** · 14-10-2010, 04:46 AM

لو نصدق كل سولفجي معه سولافه=كان يكسبها الصعيدي راعي الطعميه
والكتاب اعرف مضامينه بشوف غلافه=والعرب بمجادها مكتوبه ومقريه

**معلومات** **العضو** · 14-10-2010, 04:48 AM

اخوي الكريم مسفر نبا نلحق الصلاه صح لسانك ولاهنت

**معلومات** **العضو** · 14-10-2010, 04:54 AM

البحر حاول تغرفه يا بو الغرافه = والعرب تعرف مزوح الهرج والجديه
اخو بدوا عام الاول وين هو مصيافه = ما يموت الذكر لله فالقلوب الحيه

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية