من ما إستفدته من لقاء الشيخ أبو عبدالرحمن ، مدير الموقع ، في المجد

[معلومات العضو ذيب آل عريمه]

السلام عليكم يا اخوان
في لقاء اجرته قناة المجد العامه مع مجموعة من إخواننا لم يجمعهم إلا الأخوة الأيمانيه وهم :

الشيخ أحمد بن ضيف الله ، أبو عبدالرحمن مدير الموقع
الشيخ عادل بن هادي العازمي أبو عمر
الشيخ فهد العجمي
والشيخ الشاعر ناصر بن سلطان السبيعي

ما يقارب 30 شخص ذهبوا يغنموا كنوز المعرفه للدورة الشرعية للإمام أحمد بن حنبل في المدينة المنورة ومكة المكرمه ومنطقة عسير وغيرها
نعلم علم اليقين أنه لم يجمعهم سوى الحب في الله وهو من حقوق الأخوة الأيمانيه لجعل المجتمع المسلم من أقوى المجتمعات في أنحاء المعمورة ، هذه نعمة من الله سبحانه من الله بها علينا يا ابناء الأسلام ، فهل إستفدنا منها ؟؟ ورعيناها حق رعايتها ؟؟
قال تعالى (( وإعتصموا بحبل الله جميعاً ولا تفرقوا وإذكروا نعمت الله عليكم إذ كنتم أعداء فألف بين قلوبكم فأصبحتم بنعمة إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون ))
في مجلس ليس كالمجالس يذكر فيها الله سبحانه

وأما أبو عبدالرحمن وسوالفه أغلبها مستنبطة من إذاعة يقولون ههههههههه
عندما ذكر سالفة واحد ووالدته الله يمتعها بالصحة والعافيه ، وسالفة الزوج وزوجته اللي مع الهاتف المصرفي .

الشيخ فهد العجمي وقد ذكر سالفة الخدامه وما ينبغي منا أن نأخذ الحذر من الخدم وعلى العموم الخادمه تستاهل ما جاها .

الشيخ العازمي سوالفه في غاية الإمتاع والأستمتاع وقد شد إنتباهي سالفة المدرب مع الرجال وزوجته وهي تضحك مرره (( لا تفشلني ههههههههه ))
وقد ذكر قصيده فيها (( يا الله انا طالبك يا عالي الشاني )) قصيدة جزله
وذكر بيت أعجبني يقول
وجدي على يوم أبقى فيه وحداني ** في ظلمة القبر بين اللحد وشجونه
وأحلاها آخر بيت ما حفظته والله ، وهو يتطرق إلى الصحبه والخلان الصالحين

وأما الشاعر أبو سلطان الشيخ ناصر بن سلطان السبيعي
قصائده التي ذكرها جزله بما إني لست شاعر ولكن متذوق للشعر أعجبت كثيراً بما ذكر من قصيد .


الله يا حي يا قيوم كما جمعتهم في هذا المجلس وجمعتنا معهم أن تجمعنا يوم العرض الأكبر في جنات الفردوس الأعلى على سرر متقابلين
وسامحوني لم أذكر التفصيل خوفاً من الأطاله , هذا وصلى الله على نبينا محمد


أخوكم // ذيب آل عريمه

 

 

 

 

[معلومات العضو أبوعبدالله الحقباني]

اخوي ذيب الحين المقابله يوم الاربعاء ولا الخميس
وانا كانها الاربعاء متى يجيبون الاعاده
ولاهنت

 

 

 

 

[معلومات العضو أبونواف الدوسري]

أخي ذيب آل عريمه

الأخ الشيخ أبو عبد الرحمن الودعاني شخصيه محببه للجميع..

عسي الله يوفقه ويحفظه في عينه التي لا تنام..

لك جزيل الشكر علي هذا الموضوع.

أخوك أبو نواف الدوسري

 

 

 

 

[معلومات العضو فرحان فهد ال فرحان]

ذيب ارحب

عز الله انها مقابله طيبه

بس انا اكتشفت فيها عده نقاط

اولهن روح الترابط بينهم وقوه اللحمه اللتي تجمعهم وهذا يدل على صفاء السريره
الثانيه مايتمع به الاخ العازمي من طيبه وشخصيه محبوبه وما يكنه من موده لخونا ابو عبدالرحمن
الثالثه روح القياده التي يتميز بها ابو عبدالرحمن بس ودك انه ماقال قصيده اللي يقول فيها مدري ويش مدري ويش
الرابعه الاخ الجار الله بصراحه حاطب ليل كل قصصه ماخوذه من الاشرطه ويقول من حارتنا سالفه الشايب مع السكارى ذكرها الشاعر الجربا في شريطه والخادمه يقول انها جارتنا في الحاره والقصه هذي حصلت في الرياض لكن مقبوله منه
الاخ السبيعي الله الله الله على صوته وخاصه تلحينه الرخيم لقصيده ابن مدعث رائعه جدا

اسعدونا واستفدنا منهم الله يوفقهم ويسعدهم لما يحبه ويرضاه

 

 

 

 

[معلومات العضو سلطان بن دخيل الله]

الله يجعله يبطي حي ويكثرون الرجال
من شكله وبيض الله وجهه عزالله انه
صادق الفعل والقول.

 

 

 

 

[معلومات العضو محمد البليهي]

ليت الإخوان البــارعــين في التقنيـــة ينزلوا المقابلة في المنتدى شاكرين لكم الجهد الكبير00

 

 

 

 

[معلومات العضو ذيب آل عريمه]

المشاركة الأصلية كتبت بواسطة صالح الحقباني

اخوي ذيب الحين المقابله يوم الاربعاء ولا الخميس
وانا كانها الاربعاء متى يجيبون الاعاده
ولاهنت

أخوي صالح الله يحفظك المقابله يوم الأربعاء الليل ( طبعاً فاتت عليك ))

وانا لم اعلم عنها إلا متأخر جداً وفاتني من المقابله يمكن ربع ساعه ، وتمنيت لو علمت بدري كان سجلت المقابله ونزلتها بالموقع

تحياتي لك

 

 

 

 

[معلومات العضو ذيب آل عريمه]

المشاركة الأصلية كتبت بواسطة أبونواف الدوسري

أخي ذيب آل عريمه
الأخ الشيخ أبو عبد الرحمن الودعاني شخصيه محببه للجميع..
عسي الله يوفقه ويحفظه في عينه التي لا تنام..
لك جزيل الشكر علي هذا الموضوع.
أخوك أبو نواف الدوسري

هلا وغلا أبو نواف

آمين الله يوفقه ويحفظه يا رب ومن يكتب ومن يقرأ
هو من الناس إللي أنزل الله لهم القبول في الأرض ، والله العالم
الله يرزقنا القبول يارب

 

 

 

 

[معلومات العضو ذيب آل عريمه]

المشاركة الأصلية كتبت بواسطة فرحان فهد ال فرحان

ذيب ارحب

الثالثه روح القياده التي يتميز بها ابو عبدالرحمن بس ودك انه ماقال قصيده اللي يقول فيها مدري ويش مدري ويش

اسعدونا واستفدنا منهم الله يوفقهم ويسعدهم لما يحبه ويرضاه

ههههههههه أضحك الله سنك أبو فهد ،،، طيب ما عرفت الغرض من القصيده ههههههه

القصيده في واحد من أخوياه ،بسبب قدم أصابها كسر فلم يأتيه النوم وقال قصيدته
وهي في إبن جار الله ، على ما إعتقد إني صادق في ما أقول

وهذا إستفدت منه إن الرجال تلزمه الملازيم يا ابو فهد والخوه ،،
عز الله إن خوته تنشرى وأنا أشهد ،، شروااااااااااك


تقبل تحيات أخيك الصغير ذيب

 

 

 

 

[معلومات العضو ذيب آل عريمه]

المشاركة الأصلية كتبت بواسطة سلطان بن دخيل الله

الله يجعله يبطي حي ويكثرون الرجال
من شكله وبيض الله وجهه عزالله انه
صادق الفعل والقول.

ومن يقول يا أخوي سلطان

شكلي طرحت الميانه مع أبو عبدالرحمن ههههههههه

 

 

 

 

[معلومات العضو ذيب آل عريمه]

المشاركة الأصلية كتبت بواسطة محمد البليهي

ليت الإخوان البــارعــين في التقنيـــة ينزلوا المقابلة في المنتدى شاكرين لكم الجهد الكبير00

أعتبر نفسي من أصغر البارعين ، وما دريت عن المقابله إلا متأخر جدأ
وتمنيت إن الله أكرمني إني أسجلها

للمعلوميه // آمل من أخوي ابو عبدالرحمن يطلب من مخرج اللقاء نسخة من المقابله ويستأذن منه إنزالها في الموقع .

ألف ألف شكر للجميع ،، أخوكم ذيب آل عريمه

 

 

 

 

[معلومات العضو عبدالله بن قويد]

مشكورين ومشكور ياذيب العريمة ...
يأبو عبد الرحمن الودعاني محد قدك مايلقي وجه ... ههههههههههههه ترى أمزح ...

 

 

 

 

[معلومات العضو ذيب آل عريمه]

أرحب يا قيصر الوادي

لا شكر على واجب أخوي

 

 

 

 

[معلومات العضو يحيى الودعاني]

لاهنت يالقرم و يستاهل ابوعبدالرحمن

 

 

 

 

[معلومات العضو ابو زيد الغييثي]

(( يتميز بها ابو عبدالرحمن بس ودك انه ماقال قصيده اللي يقول فيها مدري ويش مدري ويش))


كركركركرركركرركركركر كركركركركركركركركر


ابو عبدالرحمن كان مبدع ولكن بس في هذي ضحكت لما اللي بجنبي قال وجع !


ولاهنت ياذيب آل عريمه