مختبر الجامعه

[معلومات العضو عبدالله الحافر الغييثي]

الحبيب الذي تعرف على حبيبته من مشيتها في مكان عام ومع ذلك لم تعرفه ..!! ويقول فيها :

شفتها يا سعود صدفه بعد ما غابت سنين = عند قسم المختبـر وسط مشفى الجامعـه
جيتها ثم قلت ممكن في سؤالي تسمحين = ناظـرت فينـي بدهشه نظره متواضعـه
قالت انته تـحسبني من بنات صايعين= تـحسبني في زماني عن طريقي ضايعـه
قلت انا ماراح اطـول كلبوها كلمتين =وابعـدت عني شويه ثم جتنـي راجعـه
قالت اسال واضح انك من رجال طيبين = بس هرجك يالسنـافي كان وشهو دافعـه
قلت انا حبيت وحده يـوم كنا صغيرين= ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايمين = ساهر في طول ليلي لين شـمسي طالعـه
اذكر انه فيه حبه فـوق ثغـره من يمين= واذكر انه لاجـرينا كـن شعـره تابعـه
واذكر انـه عاشـق الورد والياسمين = وصار قلبي بالـورود اللي عشقهـا زارعـه
طابعا اسمه بقلبي فيه (سين) وفيه (عين) = وفيه (الف) وفيه (دال) وسط قلبي طابعه
قاطعتنـي بقولها سبحـان رب العالمين = كـررتـها مـره .. ومرتين .. ورابعه
قلت وشفيك وشبـلاك يابنيه ترجفين = ليش عينك يابنيـه من كلامـي دامعـه
قلت انا بسألك ان كانك انتـي تذكرين=عن مواثيـق ثـمنها من حياتـي دافعـه
قالت ظروف الزمان ماتطيـع العاشقين = بيعونـي غصب حبك لو هو ماني بايعـه
انا في دنياي حالي كنهـا حال السجين = حتـى لو فكـوا سراحه فيه شي ٍ مانعـه
زوجوني غصب واحد وحرموني حاجتين= السعاده فـي زمانـي والحيـاه الرائعـه
والحين انا ام لثلاثه ريـم وياسمين= والولد اسمه على اسمك والمشاعـر جايعـه ...!!

 

 

 

 

[معلومات العضو عبدالله الحافر الغييثي]

شهد ياهلابك والله ومرحبا وتشريفك نور القصيده لاهنتي

 

 

 

 

[معلومات العضو م/ سيف الجماعيين]

لاهنت ياخ خميس على النقل والاختيار الرائع. وياليت تقول من قال هالقصيدة؟

تحياتي.

 

 

 

 

[معلومات العضو أمـــيرتـــهم]

قصيده رووووووووووعه
تســـــــــلم يمينك ابن غــــــــياااث...يعطيك الف عااافيه




أمــــــــيرتـــــــــهم

 

 

 

 

[معلومات العضو عبدالله الحافر الغييثي]

سيف اميرتهم ياهلابكم والف شكر على المرور بالنسبه لشاعرها للاسف لا اعرفه