عشق النصر

[معلومات العضو حسن بن بطحيه]

السلام عليكم ورحمة الله وبركاته.. هذه قصيده في العالمي تقبلوها بروح رياضيه ومنافسه شريفه وتسلمون..

يانصركل من يعشقك والله مايعشق سواك=والنصر مطمح كل فارس يعشق اشعارالنصر
يانصرنا الغالي فداك وكل جمهورك معاك=يشكل امواج الفخر بأسمك ليامنه هدر
يانصر حظك قام بكحيلان يوم الله عطاك=وجه السعدمقدم سعد وجهه يبشر بالسفر
يانصر لاتخشى الزوابع دام ابو تركي وراك=الفارس الي لجل فارس نجد ماهاب الخطر
فيه العوض لنا ولك يانصر ويحقق رجاك=من بعد ابوخالد عسى الفردوس الاعلى له مقر
رمز الشجاعه والوفا والحب من دمه بناك=الشامخ اللي عانق الامجاد باسمك وانتصر
في غيبته شفنا تصاريح هنا مدري هناك=في حضرته ماكان تتجرا على رمي الحجر
يانصرمن صوت القلم اشرف قلم ربي حباك=من دون حقك صوت ابوسليمان بالساحه جهر
يانصر لو شح الزمن بقلوبنا يكبر غلاك=والشمس في عرض السما تخفي إشعتها القمر
اسمك فخر لعبك طرب لون الذهب اصفر زهاك=مسكون بالابداع مدهش فن وتشد النظر
يوم الرياضه بالهوايه مايجاري مستواك=خصم على الميدان والدنيا تجاريب وعبر
ترهب خصومك هيبتك مانافسك هذا وذاك=تملك اساطير يخلد ذكرها طول الدهر
واليوم في عهد احتراف اللعب ماشي خفاك=المسئله حسب الرصيد اللي معا العضو استمر
خلا الصغار اتصادم اكبار العزايم بالعراك=هذاك يبرم صفقته هذاك مستأجر شهر
المال ميزان التفوق والولاء سمي هلاك=حيث الفلوس اتغير انفوس الالوف من البشر
ممكن تشكل منتخب بسبوع ويحقق مناك=والمال هو عصب الحياه يهد دوله ويعمر
يأمة النصر العظيم النصر موعود بوفاك=يامجلس أعضاء الشرف نبغي العلوم اللي تسر
مدام فارس ناجد حبه مالك الكل امتلاك=قومولدعم العالمي والدعم لاالداعم فخر

 

 

 

 

[معلومات العضو راشد المسعري]

السلام عليكم ورحمة الله وبركاته..
ادري ان هذه الصفحه ليست للشعر ولكن لكل قاعده استثناء ولانه النصر لازم يستثنى بوضع قصيدته هنا تقبلوها بروح رياضيه ومنافسه شريفه وتسلمون..

حسن بن بطحيه

والله إنك مبدع في كل اتجاه

إن جيت للمدح لك بصمة وإن جيت للحكمة لك بصمة وإن جيت للغزل لك بصمة

وحتى الرياضة لك بصمة يالغالي

في غيبته شفنا تصاريح هنـا مـدري هنـاك
في حضرته ماكان تتجرا على رمـي الحجـر

الله يرحم ابو خالد

تقبل ودي وتقديري ،،،،

 

 

 

 

[معلومات العضو ناصر بن فهد]

صح لساااااااااااااااانك واعتلى شاانك
وقصيده رررائعه واعجبتني وبيض الله وجهك يا القرم
وان شاء الله ناخذ االبطوله باذن الله
ولاهنت وتقبل موروري

 

 

 

 

[معلومات العضو عبدالله الحافر الغييثي]

والله مدري وش اقول يابومحمد لكن صح لسانك والله يخلف عليكم ويثبتكم اشوفك شيبة قبل حلك اثرك نصراوي هههههههه فيه قصة قصيرة ارجوا ان تقبلها هههههههه

يقول لك فيه واحد خطب من شايب بنت له فقال الشايب وش تشجع قال الشاب اشجع النصر قال الشايب تمام الامور تبشر بخير قال الشاب ليش؟ قال دامك نصراوي ومتحمل كل هالسنين اجل بتحمل بنتي ههههههههههههه

 

 

 

 

[معلومات العضو خيالية]

صح لساااااااااااااااااااااااااااااااااااااااااااااااا نك واعتلى شاااااااااااااااااااااااااااااااانك ،،

وقلهـــــــــــــــــــم جمهور النصـــــــــــر مب جمهور أي كلام ، مع فريقهـ على الحلوه والمره

والله يوفق النصــــــــــــــــــر ..

 

 

 

 

[معلومات العضو حسن بن بطحيه]

المشاركة الأصلية كتبت بواسطة راشد المسعري

حسن بن بطحيه

والله إنك مبدع في كل اتجاه

إن جيت للمدح لك بصمة وإن جيت للحكمة لك بصمة وإن جيت للغزل لك بصمة

وحتى الرياضة لك بصمة يالغالي

الله يرحم ابو خالد

تقبل ودي وتقديري ،،،،

ارحب يابومحسن جعلني ماعدم هالطله مرورك تشريف وتكريم اي والله لاهنت..

 

 

 

 

[معلومات العضو حسن بن بطحيه]

المشاركة الأصلية كتبت بواسطة ناصر فهد الدوسري

صح لساااااااااااااااانك واعتلى شاانك
وقصيده رررائعه واعجبتني وبيض الله وجهك يا القرم
وان شاء الله ناخذ االبطوله باذن الله
ولاهنت وتقبل موروري

ارحب يابوفهد والله هالمنظر اللي بتوقيعك ودي اردبه على الرد اللي تحت ياخوك قهرني بذا القصه بنت الشايب والخطبه لكن هين ياخميس... لاهنت ودام نصرك..

 

 

 

 

[معلومات العضو سلوة الخاطر]

المشاركة الأصلية كتبت بواسطة حسن بن بطحيّه الودعاني

ارحب يابوفهد والله هالمنظر اللي بتوقيعك ودي اردبه على الرد اللي تحت ياخوك قهرني بذا القصه بنت الشايب والخطبه لكن هين ياخميس... لاهنت ودام نصرك..

شاعرنا القدير صح لسانك حتى ترضى
ملاحظ أنت ان اللي بتوقيع ناصر جماهير الاتحاااااد أصفر وأسود
أقصى اليمين فيه شعار الاتحااد موب نصر

 

 

 

 

[معلومات العضو برنسيسه الريــــاض]

يانصرمـن صـوت القلـم اشـرف قلـم ربـي حبـاك من دون حقك صـوت ابوسليمـان بالساحـه جهـر
يانـصـر لــو شــح الـزمـن بقلوبـنـا يكـبـر غـــلاك والشمس في عرض السما تخفي إشعتها القمر
اسمك فخر لعبك طرب لون الذهـب اصفـر زهـاك مسكـون بـالابـداع مـدهـش فــن وتـشـد النـظـر
يــوم الـريـاضـه بالـهـوايـه مـايـجـاري مـسـتـواك خـصـم عـلـى المـيـدان والدنـيـا تجـاريـب وعـبــر
ترهـب خصـومـك هيبـتـك مانافـسـك هــذا وذاك تمـلـك اساطـيـر يـخـلـد ذكـرهــا طـــول الـدهــر

<< وين المصممين هذي الأبيات تصلح توقييع

شااااااعرنا الـمميز,, صح لسـانك واعتلى شانك .
رااائعه جدا, كانت قصيدتك معاني
ساميه وقويه لاعدمنا منك هذا الابداع دمت متألقا وشامـخا

 

 

 

 

[معلومات العضو حسن بن بطحيه]

المشاركة الأصلية كتبت بواسطة سلوة الخاطر

شاعرنا القدير صح لسانك حتى ترضى
ملاحظ أنت ان اللي بتوقيع ناصر جماهير الاتحاااااد أصفر وأسود
أقصى اليمين فيه شعار الاتحااد موب نصر

هلا ياسلوة الخاطر الظاهر الشمس تجهركم ماتميزون الالوان.. العلم اللي يتدلى من فوق ازرق والكلام عن النصر.. ثانيا من سر هذا الاصفر انه محبوب الكل الكل بستثناء من يلدغ منه ههههههههههه.. يكفي مرورك لكي اتقبل ماجا منك الله لايهينك

 

 

 

 

[معلومات العضو حسن بن بطحيه]

المشاركة الأصلية كتبت بواسطة خميس مطر الغييثي

ارحب ياخميس كلامك صحيح لكن يمكن ماتدري بان جماهير النصر(يعتمد عليهم وثقه لقوة بأسهم.. اشداء على الاعداء لطفاء بالاحباء.. اما جماهير(يازبده لاتميعين) محد مجوزهم اكيد .. وتسلم..

 

 

 

 

[معلومات العضو عبدالكريم العماري]

صح لسانك أخوي حسن بن بطحيه
قصيدة رائعة عن نادي النصر

 

 

 

 

[معلومات العضو مبارك بن الجوير]

يانـصـر لوشح الزمن بقلوبنـا يكبـر غـلاك
والشمس في عرض السمـا تخـفي إشعـتها القمر

صح الله لسااانك ملاييين والله ياحسن
توّ مازااد غلااااك يا خال زود ٍ عن اول
النصر يستاهل ومحبينه يستاهلووون
بس ياخال تكفى
شمس العالمي نهااار ولييييل
الصبح بشعاعه والليل بعكسته ضوء القمر
والقمر منه البدر و(الهلال+لووول)
ويحمد ربه ذا القمر بضياء نورنا
ولاهو كوكبن ميّت <<خخخخخ>>
تمنيتك تقووول
الشمس في عرض السماء وتعكس اشعتها القمر


هذا راي وانت الشيخ
والشيوخ ابخص ياخال ..
ما قووول الا صح الله لسااانك عدد جماهير
النصر مضروبتن في مثلها.. يعني
يطلع الناتج = [فاي] عدد لامنتهي هههه
وفاااالك وفالنا اغلى الكوؤوس
.......... كــأس ..........
خـادم الحـرمـين الشـريفـين

استمتعت والله يابن بطحية
بالشعر سطر سطر وجزل الفكر وعز النصر..
مع استمتاعة المرور تقبله لاهنت..
داااام عزك وابداعك يا حسن..

 

 

 

 

[معلومات العضو أبو ريم]

صح لسانك ويستاهلون النصراويه

 

 

 

 

[معلومات العضو محمد بن سالم الخضراني]

صح لسانك لين ترضى ياحسن

بحر متدفق ومبدع في جميع اغراض الشعر

لله درك