الشاعر : محمد بن سوعان الربيع (قصيدة)

[معلومات العضو ساقان الدواسر]

((ابحث عن اللي خوته ترفع الهام))

يالله تقطع من سعى لقطع الارحام ,,,
,,,,, ويالله اتجازي من مشى بالخديعه

ويالله اتغـربل كــل كــاذب ونمام ,,,,,
, اللـي بهــم قلــب الحقايــق طبيعه

والرجــل لازم شـــوفته دوم قــدام ,,,,,
,, مـا يلتفــت للنــاقصــه والوضيـعه

يرفــع ابنفسـه عن مخـواة الاقزام ,,,,,
,, اهــل النفـــوس الهابطه والدنيعه

حيث المراجل مهي بكبر الاجسام ,,,,,
,, ولاهــي بحجـم وزود رقـم الوديعه

ولاهيب كبـر السن مع كثـر الاقوام ,,,
,,,, وكم شيخ قومً ظل درب السنيعه

وكم شـايبً جاهل ولا عنده إلمام ,,,
,,,, بسلم العرب واركان دين الشـريعه

تقصر يمينه عن مناهيج الاكــرام ,,,,
,,, غـورب عليه ابليس وامسى يطيعه

وش لون احط النوع هذا لي احزام ,,,,,
,, واللاش وقـت الضيق ما به نفيعه

ومن فارق الانــذال ماهـوب ينــلام ,,,,
,,,, يلقـى البدايل بالفجـوج الوسيعه

ابحث عـن اللــي خــوته ترفـع الهام ,,
,, قـرمً اسنافي والمجــاني رفيعه

واليوم وينــه ياعريبيــن الاعمـــام ,,,,,,
,,, ينـدر ابوقــتً شـفت منه اللكيعه

فيــه المصالـح ترتقي روس الاقـزام ,,,,,
,, ولا ظنـي البـواق يُـحمـد صـنيعه

اعمى البصيره والبصر حجم الارقام ,,,,,
,,, وصار الجشع عاده وسلم وطبيعه

ويالله تهـــديهم الى نهــج الاســـلام ,,,,
,,, وتـــردهــم يــاللـــه ردّه سـريعه

ادعيـك انا يالله في مسك الختـام ,,,,,
,, تجعـل لنــا عنـدك منـازل رفيـعـه



محمد بن سوعان الربيع