الامير نايف يـــرد على خاله !!!

[معلومات العضو الهجرس]

بســــــــــــــــــــــــــم الله الرحمــــــــــــــــــــــــــــن الرحيــــــــــــــــــــــــــــم

قصيدة الأمير محمد السديري

انتم حباريكم تخافق بالاقفار=وحنا حبارينا السمك يالسنافي
وبايمانكم شقر سريعات الاطيار= والكل منهن ماضي الفعل وافي
ذكرتني يامير واصبحت محتار=وجاوبت خلج البل حم الشعافي
وذكرت طيب ايامنا سر وجهار=يوم الردي في نومة العصر غافي
مذكور يا نايف ذرا الضيف ومجار=ذكراك في قلب براه الولافي
قلب عن الشدات يامير صبار=ان صد عن طيب الثنا كل هافي

وهذا رد الأمير نايف

يا خال روحتوا لنا ستة اسطار=رفاع المعاني كملتها القوافي
مثايل يختارها كل محتار=مثل الرعاف بجيد ظبي الكشافي
حييت فيها والتحية لها كار=ما غرد القمري بروس الخوافي
ليتك خوي لي الى شبة النار= في مربخ من وقدة الرمث دافي
نبته جديد ما طلع فيه نوار= سقاه مامــور من الوسم ضافي
ممطور أمس ولا مشى فيه دوار=فيه الحباري مقبــــلات مقافي
اشيل فرخ واسهن وقع وطيار=وعلى يسارك اشقر الريش صافي
هذا عدو الخرب للريش نثار=وهذا الى طلع على الجــو شافي
ما كدر الخاطر طويلات وقصار=هروج هزيلة من رجـــال ضعافي
من لابة يردون صعبات الاخطار=ما والفــوا نوم الصفر والعوافي
نقضي لنا وقت وندفن لنا اسرار= الصبــر زين وخير الأيام تافي
عاداتنا نقصر طويلات الاشبار= وعــــدونا نسقيــه سم زعافي
الى عطل الواجب من الناس حبار= نارد ولو ان الموارد عيافــي
نارد حياض وردها حامي حار= وبيماننا مصقلات رهافــــي
لعيون تلع سوقهن ما بعد بار=حديثهن لمجرح القلــب شافي

 

 

 

 

[معلومات العضو الركن]

بيض الله وجهك يالهجرس ولاتحرمنا من جديدك

 

 

 

 

[معلومات العضو العماني]

بيض الله وجهك يالهجرس على هذه القصايد النادرة وقصيدة المرحوم الأمير الفارس الشاعر الكبير محمد الأحمد السديري رحمه الله والتي قالها أيام كان أميرا ً لجيزان

وصح الله لسان صاحب السمو الملكي الأمير نايف بن عبدالعزيز والله يطول بعمره ويعطيه الصحه والعافيه

تقبل تحياتي،،

 

 

 

 

[معلومات العضو ابومبارك الدوسري]

الهجررررررررس

قصائد نادرة .. آعجبتني كثييييييير

تسلم يالغـالي

على إختـيارك الممـيز

دمـتـ

بهذا العطـاء الرااااقي

تحيتي لك

 

 

 

 

بيض الله وجهك يالهجرس ولاتحرمنا من جديدك

 

 

 

 

[معلومات العضو عبدالرحمن الشرافي]

من لابة يردون صعبات الاخطار=ما والفــوا نوم الصفر والعوافي
نقضي لنا وقت وندفن لنا اسرار= الصبــر زين وخير الأيام تافي
عاداتنا نقصر طويلات الاشبار= وعــــدونا نسقيــه سم زعافي
الى عطل الواجب من الناس حبار= نارد ولو ان الموارد عيافــي
نارد حياض وردها حامي حار= وبيماننا مصقلات رهافــــي

كفووووووو والله


أخوي الهجرس ....

بيض الله وجهك ولاهنت على الاختيار الجزل

والانتقاء الجميل للقصايد الجزلة


وصح الله لسان الامير/ نايف وطول الله في عمره

ورحم الله الامير/ محمد السديري



وتقبل فائق التحية والتقدير

 

 

 

 

[معلومات العضو اليتيمه]

مشكور على القصايد الحلوه.الله يغفر للسديري ويرحمه ويطول عمر الأمير نايف ويديم عليه الصحه والعافيه ويخليه لأولاده يارب.

 

 

 

 

[معلومات العضو الهجرس]

ووجهــــــــــك ابيض اخوي الركــــــــن

ويشـــرفني تواجدك ،،،


دمت بخير ،

 

 

 

 

[معلومات العضو الهجرس]

اررررررحب يا هايف العماني

تواجـــدك يشرفني ،

انت اخونا وكبيرنا ، والخبره والاضطلاع لها دور في معرفة القصائد من قائلها ومتى ، ولماذا

الله يزيـــدك صحه وطولت عمر

والف شكـــر يالغالـــي ،،،

 

 

 

 

[معلومات العضو الهجرس]

الغاليــــــــــــــــــــــــــــــــــــن :

المحبوب الدوسري

سطــــــــام ال بريك

عبدالرحمن الشرافي

اليتيمــــــــه

اشكـــــــــركم من كــل قلبـــــي على التواجــــد المشــــرّف

والله يبيـــض وجيهكم

وابشـــروا بلــي يســــركم ان شاء الله ،،،

 

 

 

 

[معلومات العضو @الجابر@]

بيض الله وجهك يالهجرس ولاتحرمنا من جديدك

 

 

 

 

[معلومات العضو ابوعبدالرحمن الودعاني]

أحسنت على إيراد هذه النادره الجميلة

والله لا يهينك ولا يصغرك

 

 

 

 

[معلومات العضو ابو زابن المسعري]

الهجرس لاهنت طال عمرك

صح الله السنت الشعار

رحم الله الامير محمد السديري

 

 

 

 

[معلومات العضو الهجرس]

الجـــــابر

ووجهـــــــــك ابيــــض يالذيب ،،،

وابشــــر بالسعــــــد مالك الا الي يرضيـــــــك ويرضي الجميع ،،

دمت بخير

 

 

 

 

[معلومات العضو الهجرس]

اررررررحـــب يا مديـــرنا

ابوعبدالرحمن الودعـــاني


مجــرد مرورك فقـط ، فخـــــر لي ، فكيف بإشـــادتك فإنها تزيدني فخر

تقبل تحياتي وتقديري ،،،،