// زماننا هذا للأنذال جنـــه .. ! //

[معلومات العضو ريتآل]

{.. آلًسٌٍلآٍمٌ عًلْيٌكُمِ
••-------------------------------------------------------♥--

قصيدهـ رااائعه لـلشاعر / مهذل بن مهدي الصقور

▫▪▪▫

زمانـنـاهـذا لـلانــذال جـنّــه=مدهالهـم مالـذ منهـا ومـا طــاب
وغـدى لعطـران الشـوارب مجـنّـه=الحـي منهـم فـي كفـن ذل وتـراب
والـعـز الاول راح مـاعـاد مـنّـه=الاكـتـاب الله ومسـجـد ومـحـراب
والمنهـل الطـاهـر وروده مشـنّـه=هزلت حبالـه بيـن مرخـي وجـذّاب
والمتقـي عـوج الليـالـي ضـونّـه=وازروه بهـروج القفـى كـل كــذّاب
والمدّعـي تخبـرك دعــواه عـنّـه=يوم الردي في نـص دعـواه مرتـاب
ارخـو علـى خيـل الضلالـه لعنّـه=ناس(ن)على ساداتهم صـاروا احـزاب
ياطـول ماقامـوا بفـرض(ن) وسنّـه=وياما قـروا خيّبهـم الله مـن كتـاب
خـابـوا ولايستاهـلـون المحـنّـه=والنار مثواهم مـع كـل مـن خـاب
يالله تعيـن اللـي همـومـه كـونّـه=وتسوق رزقه وانـت للـرّزق جـلاّب
ياللي رزقت الطيـر مـن غيـر منّـه=رزقـه تساهيـل(ن) بلامـن واتعـاب
وافرج لمن هو خاب في النـاس ظنّـه=واحتار في الرّبـع القرايـب والاجنـاب
احتـدّ يطلـق نيّتـه وايـقـن انّــه=في لعاقبه يجني الخسايـر والانشـاب
وشبـاك هـرّاج القـفـى صايـدنّـه=طقّـن جنـاح العـز وارتـد منصـاب
ونّيـت عـرض وطـول ونّـه بونّـه=يلـج معهـا كــل وادي ومـرقـاب
يـوم العقـول العـارفـه مستجـنّـه=واصـدق صديق(ن)للخيانـات كسّـاب
مـن سرّتـه بيـض الليالـي دهنّـه=سـود الليالـي والزّمـن لـه تقـلاّب
لاتامـن الدنـيـا وهــي مستكـنّـه=تـراك مابيـن ام شبريـن والــداب
يوم(ن)هنوف(ن)بـا لجواهـر مرنّـه=ويوم(ن) عجوز(ن)عودة(ن)راسها شاب
وان راحـت الدنيـا بقـرم(ن) تحنّـه=فاصبر وقد راحت بابـو زيـد وذيـاب
لاتسفـه العاقـل علـى صغـر سنّـه=ولايغـرّك تايـه الــراي لـوشـاب
واللـي مهازيـل السنـيـن ادبـنّـه=افرح بقربه لي حضر وابك لـي غـاب
والخير فـي بعـض العـرب لاتظنّـه=الـلـي لعربـانـه عـدو(ن)وحـراّب
واللي علـى الاجـواد يضحـك بسنّـه=لابد لـه يوم(ن)ويضحـك بـلا نـاب
ون ضايقـك هـمّـك لزوم(ن)تكـنّـه=لايشمتون ابـك القرايـب والاصحـاب
ومن صد من عـوج المقاديـر جنّـه=خلّك لما تملـك مـن المـال وهّـاب
رحّـب وهـل ومـد شبـرك وثـنّـه=والله كريم(ن)مابعدصـك لـه بــاب
يالله بليـل(ن) للرعـد فـيـه حـنّـه=ينـوض برّاقـه قـد الغيـم سـكّـاب
مخايلـه فـي كــل قفر(ن)سقـنّـه=ويسقي لاهل الصمان وديـان وشعـاب
من راح عـن تيـك الديـار اشجننّـه=عسى يعود لديرتـه كـل مـن غـاب
عيني غدت كنها على الحـوض شنّـه=تبكي على فرقـى الولايـف والاحبـاب
لي صاحب(ن)ماجـازت الـروح عّنـه=والقلـب مـن لامـاه لليـوم ماتـاب
جـرح القلـوب منـاه والسحـر فنّـه=ومدلّـه(ن) مايعطـي الحـقّ طـلاب
يقـول مـن نجـل العيـون ابتلـنّـه=وزادن على قلبـه مشاريـه واعتـاب
غـارت ملايكتـه مـع جـي جـنّـه=وابليس مـن كثـر التعـوّاذ ماهـاب

▫▪▪▫
وسلامتكمـ
--♥-------------------------------------------------------••

دُمٌتًٍـُـُمْ بَــٍ وٌدٍّ ..}

 

 

 

 

[معلومات العضو الشقرديه]

	صح لسان الشاعروالف شكرعلى النقل الشقرديه

 

 

 

 

[معلومات العضو ريتآل]

الشقرديه

شرفني مرورك يالغلا ومرحبا ومسهلا

 

 

 

 

[معلومات العضو فيصل بن جزاء]

تناهيد

سلمت يداك اختيار رائع وصح لسان الشاعر


وسامحيني على تنسيق القصيده لتظهر بمظهر جميل امام القارئ


تقديري واحترامي

 

 

 

 

[معلومات العضو محمد ال مطيلق]

صح لسان الشاعروالف شكرعلى النقل

 

 

 

 

[معلومات العضو ريتآل]

فيصل بن جزاء

شرفني مرورك والله يسلمك من كل شر

وأشكرك على تنسيقك للقصيده وفعلا طلع بشكل أجمل

الله لايهيـــــــــــنــــــــــــــــــك

 

 

 

 

[معلومات العضو ريتآل]

محمد ال مطيلق

مرحبا بك واسفرت وانووورت