عظم سلام وخل ربعك يحيون(ل عبدالله الفصام)والدواسر كافه

**معلومات** **العضو** · 12-04-2009, 03:36 AM

بسم الله الرحمن الرحيم

اسعد الله جميع اوقاتكم ابناء عمومتي وزائري هذا الموقع المشرف ويسعدني ويشرفني ان اصافحكم بهذه القصيده التي لها مناسبتها وهي عند اللقاء الذي اجرته قناة الواحه مع الشيخ/عبدالله الفصام متعه الله بالصحة والعافيه اثار حفيظتي احد المتملقين فما كان مني الا ان اجبته بهذه التي ارجو ان ترتقي لذائقتكم .
كما لا يفوتني ان اشكر الأخ/محمد الغريري سلمه الله لتفعيل معرفي والاهتمام بذالك

لا شفت من يركب على قب الافراس=عظم سلام وخل ربعك يحيون
هذا ولد فهاد في يوم الادماس=اهل الشكاله علمهم له يردون
من لابة للجود تاج ونوماس=كم حلقة في درع الاعدا يحلون
لا عسعس الوقت وطغى جوس عساس=وصاح المنادي يا الدواسر يلبون
تطوي ركايبهم فلاهم من الباس=ما ريحو لين المعادي يهجدون
وان دارت الدنيا رحاها للتعاس=دارو عليها لنشايب يفكون
خطلان الايدي لابة ترفع الراس=دخيلهم دونه سيوف يسلون
دواسر ماهم بيخشون الافلاس=سباقةٍ من خير ربي يمدون
في ظلالهم يحمد لهم طيب الانفاس=محد ذكر عن قرب اهلهم يشدون
فيهم كرم فيهم تميز عن الناس=من طيبهم للجار قسمه يبدون
منصى الذي رايه تخطرا بلاغلاس=منهم يحسبونه ودربه يقدون
واليا نخاهم من شكى الوقت محتاس=بوجيههم تلقى الجماعه يلدون
نفائس تلقى بها در والماس=شواهق من عهد الاول يبنون
تاريخهم ما يجحده كود الانجاس=والا هله مبطي في اثرهم يخطون
وعبدالله الفصام ساس على ساس=ماخذ جميع اللي قديم يسنون
له قيمة ماهيب تحصى بمقياس=ناره مناره فوق طود يشلون
ومنقيته عيس قليلات الاجناس=عوص النضا له والنوادر يشرون
خذ علمهم وافهم ترا العلم نبراس=ولا خير فيما لا التوارخ يقرون
ولا شفت ابن فهاد قطاع الارماس=دق التحيه خل ربعك يدقون

**معلومات** **العضو** · 12-04-2009, 03:51 AM

محمد الدايل

اولاً احييك وارحب فيك اخ وابن عم في المنتدى الرسمي للقبيله
وهذي اطيب الاوقات وابركها ,,, وصح لسانك على هذي القصيده الرائعه والجزله في حق من يستحقها

وتقبل تقديري

**معلومات** **العضو** · 12-04-2009, 08:00 AM

وصح لسانك على هذي القصيده الرائعه والجزله

في حق من يستحقها

**معلومات** **العضو** · 12-04-2009, 08:09 AM

صح الله لسانك على ذا القصيده الجزله في معانيها

ويستاهلون الدواسر ويستاهل الفصام راعي العلم الغانم

تقبل تحياااااتي

**معلومات** **العضو** · 14-04-2009, 11:24 PM

اخي الكريم نايف الخييلي سلمه الله
اشكر لك حسن ذاتك ومرورك المشرف

**معلومات** **العضو** · 14-04-2009, 11:29 PM

اخي الكريم /عبدالرحمن النتيفات سلمه الله
اشكر لك هذا المرور وصح بدنك ويستاهل اكثر ولا تهون

**معلومات** **العضو** · 14-04-2009, 11:50 PM

صح اللسانك واعتلا شانك ورفع الله مقدارك

ويستاهل بو فهاد المدح

اخوك / ابو زيد

**معلومات** **العضو** · 20-04-2009, 01:35 PM

القدير/محمد مناحي الودعاني
تحية طيبة
اشكر لك مرورك الذي وشحتني به ولك مني اطيب تحيه

**معلومات** **العضو** · 20-04-2009, 01:40 PM

اخي الكريم /ابو زيد الغييثي
تحية طيبه
وصح بدنك وتشرفت بهذا المرور المشجع
تقبل اطيب تحياتي

**معلومات** **العضو** · 26-04-2009, 12:48 AM

الشاعر محمد الدايل صح لسانك وبيض الله وجهك على ماقدمت ويستاهل الفصام العلوم الطيبه

**معلومات** **العضو** · 26-04-2009, 01:00 AM

ارحب يابوعبدالعزيز
والساعة المباركة
والجزل مايجيب الا الجزل
وصح لسانك واعتلى شانك

**معلومات** **العضو** · 14-05-2009, 05:19 AM

اخي الفاضل/محمد الولامين سلمه الله
اسعد الله جميع اوقاتك وتشرفت بمرورك الكريم ويستاهل اكثر ابو فهد
تقديري التام

**معلومات** **العضو** · 14-05-2009, 05:22 AM

اخي الكريم/خميس بن مطر الغييثي حفظه الله
مرورك شرفني وترحيبك اسعدني والكريم ما يجيب الا العلوم الجزله شرواك
تقديري التام
وفي رعاية الله

**معلومات** **العضو** · 14-05-2009, 09:06 AM

صح لسانك يامحمد ابن عبد العزيز على الطرح هذا

ولاتحرمنى من ابداعتك يالغالي

ولاعدمناكـ

تحيااااااااااتي

نايف ابن شميعان

**معلومات** **العضو** · 14-05-2009, 09:10 AM

السلام عليكم

ارحب فى محلك وعند ربعك

لله درك على الحميه والغيره

صح الله السانك

ولاهنت

قصيده تحاكى الفخر والنومايس

اشكرك على الابداع

تقبل

تحياتى

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية