نـاقـتـي يـا نـاقـتـي لاربـاع ولاسـديـس (( ناصر الفراعنة )) ... صوت ...

[معلومات العضو المستشار]

ناقتي ياناقتي لارباع ولاسديس=وصليني لابتي من وراء هاك الطعوس
حائلاً رابع سنه من خيار العيس عيس=خفها لادرهمت كنه بالنار محسوس
في دجى خالي خلا لاحسيس ولانسيس=تدوخك من شدة البرد طقطقة الظروس
في عيوني يكفخ الطير ويطيح الفريس=وانتهض جساس من دون خالته البسوس
وفي خفوقي فرخ جنيتاً يضرس ضريس=يوم اوردها هجوس واصدرها هجوس
ديرتي دار ابن ضاري وابن غثلم جريس=ديرة اللي دوجوا في فيافي نجد جوس
ديرتي يابنت شيخاً ومعدنها نفيس=عيطموساً دونها دثرتني عيطموس
جادلاً مطرق جسدها مع الغربي يميس=طينتاً من تربة الخلد والدم محموس
نقشت خمساً من الخمس في يوم الخميس=ليت شعري ما ارادت بهذا دختنوس
كم تمنا إن معه مثلها فتنه بليس=كان يمكن قد قلب نصف إمتنا مجوس
كن دماث الصدر منها كنيسه او كنيس=صومعة رهبان ديراً يؤدون الطقوس
آتقوس مع تقوس نواهدها وإقيس=قبتين قاب قوسين قوساً جنب قوس
خصرها يحكي لنا واقع القوم التعيس=وردفها عن غطرسة بوش يعطينا دروس
وبالرغم من قصرها مايجالسها جليس=تصبح أطول نسوة الارض في وضع الجلوس
العروسه ماتبي غير ابو تركي عريس=العروسه نجد ماهيب حي الله عروس
نجد بنت المجد ونسة مونسة الونيس=ماعسفها الا معزي ضحى اليوم العبوس
كل اهل نجد هلي من إجاء حتى الخميس=في ذراهم بــ التجي عن مجففة الرسوس
وعيشتي مابين أسوداً ولو ماني رئيس=(خير من كوني رئيساً على شلقة تيوس)
وليس عيباً إن خدعني بمكره كل هيس=لان مايفهم بمكر الهيوس الا الهيوس
مصطفى في مأدبة عمه البابا لويس=كبر اللقمه تحت ضؤ حمراء الكؤوس
وطسم حدتها على حائط المبكى جديس=يوم شقت ثوبها بنت عفار شموس
سيدة هاك القصر أسمها الاول لميس=دونها سمر الحناجر بترها حد موس
قسقسة لاحرارهم.قيس.قيس.قيس.قيس=والبستهم من مهانتهم انواع اللبوس
بين خدعة كعب اخيلاً ومولد ادونيس=درسونا الالهه والمدرس هنا روس
ويش لاقوا من قناة السويس اهل السويس=وويش لاقوا من تلمسان قوماً من سنوس
كلهم من شدة الجوع راحوا خندريس=بين غيبوبة مخدر وصحوة عرق سوس
ثورة راحوا سببها بتوع الاتوبيس=وش نبي فيها وهي ماتهز الا الغروس
آفة المرء اثنتان الف كاس وحب كيس=والنفوس اليا بغيت اتعرفها ارم الفلوس
ينكشف زيف الشعارات الى حمي الوطيس=ترجع الاذناب إذناب وتبقى الروس روس
صدق لاقال العرب مايحوص الا الخسيس=ولايوط الروس شئياً مثل ضعف النفوس

 

 

 

 

[معلومات العضو أبونواف الدوسري]

جزاك الله خير أخي المستشار

أتحفتنا في هذه القصيده

وفقك الله

 

 

 

 

[معلومات العضو نايف الخييلي]

المستشار


الله يعافيـــك على هالقصيده الرائعه للشاعر الكبير ناصر الفراعنه لاهنـــت على ماقدمت

 

 

 

 

[معلومات العضو فيصل الشكري]

المستشار


الله يعافيـــك على هالقصيده الرائعه للشاعر ناصر الفراعنه لاهنـــت على ماقدمت

وتقبل وافر التقدير ,,

 

 

 

 

[معلومات العضو محمد السلمان]

جزاك الله خير وافزعوله

 

 

 

 

[معلومات العضو بخيت بن ناجي]

انا اشهد انه شاعر

 

 

 

 

[معلومات العضو محمد الحوشان]

انا اشهد انه شاعر .
ايه والله ونعم وفاله المليون.
مشاء الله عليه .
تسلم يال مشتسار

 

 

 

 

[معلومات العضو ريميه]

المستشار.............جزاك الله خير ........ على القصيده

المستشار........لو سمحت ابي رابطه القصيده..........وجعله الله في موازين اعمالك

 

 

 

 

[معلومات العضو ابو المثنى التركي]

صراحة مبدع ناصر صدق شاعر الثقلين

ومشكور على الابداع

 

 

 

 

[معلومات العضو ابوهادي الودعاني]

صح لسان ناصر الفراعنه ... وتسلم يدك يالغالي
وبيض الله وجهك على النقله الطيبه
ننتظـــــر جديدك يالغالي...



تقبلو حياتي
ابو هادي الودعاني .

 

 

 

 

[معلومات العضو المستشار]

المشاركة الأصلية كتبت بواسطة ريميه

المستشار.............جزاك الله خير ........ على القصيده

المستشار........لو سمحت ابي رابطه القصيده..........وجعله الله في موازين اعمالك

رابط التحميل

اضغط الماوس يمين ثم حفظ الهدف باسم


ريميه أشكرك على مرورك المشرف

ولك مني كل الإحترام والتقدير

ودمتي بحفظ الرحمن

 

 

 

 

[معلومات العضو المستشار]

المشاركة الأصلية كتبت بواسطة أبونواف الدوسري

جزاك الله خير أخي المستشار

أتحفتنا في هذه القصيده

وفقك الله

تسلم على ردك الجميل يا ابو نواف

الله يرحم والديك عن النار

وشكرا

 

 

 

 

[معلومات العضو محمد العاطف القحطاني]

الله يبيض وجهك يالمستشار على نقل القصيده .

 

 

 

 

[معلومات العضو غلا نجد]

بارك الله فيك على النقل الاكثر من رائع

صح اللسان شاعرها وحفظه الله من كل مكروه

سلمت ولاهنت

احترامي وتقديري استاذي الكريم

 

 

 

 

[معلومات العضو محمد ال مطيلق]

المستشار


الله يعافيـــك على هالقصيده الرائعه للشاعر الكبير ناصر الفراعنه لاهنـــت على ماقدمت