إلى منقذ الطفله00درعان الدرعان مع التحيّه

**معلومات** **العضو** · 02-10-2009, 10:48 PM

إلى درعان بن عبد الله بن عريعر الدرعان أحد شجعان قبيلة الدواسر العريقة بمحافظة وادي الدواسر ، ذلك الشاب الذي دفعته النخوة والشيمة لإنقاذ طفلة لم يتجاوز عمرة السنة من بين ألسنة النيران المخيفة والتي إلتهمت شقق السلطان بمحافظة وادي الدواسر أنقذ الله هذه الطفلة عندما سخر هذا الشاب لها ولكي يكتب لها عمرٌ جديد بعد أن ظنَ كثيرٌ من الناس أنه ملاقيةً ربها لا محالة وهكذا يريد الله سبحانه وتعالى .

هذا الشاب المقدام ورث النخوة والشيمة والمراجل من أجداده وأبائة (آل درعان الكرام) الذي ضحوا بدمائهم في سبيل توحيد هذه البلاد وفي سبيل حفظ ما تملكة قبيلة الدواسر من قبل التوحيد حتى أصبحت قبيلة الدواسر رقماً صعباً بين القبائل وأستمرت على ما بناه الأباء والأجداد من إنجابٍ لأهل القيم الحميدة وأهل الغيرة والحمية .

قالها بن عجعج عبيد نشّادي= شيخ 00شاعر والمناصب حكوميّه
قاف أمير الشعر لا قيل ينعادي=آل درعان النشاما نداويّه
شبلهم ماضي على فعل الاجدادي=ما نقص بيزود00 والزود ماليّه
شاقني فعلٍ تحاكوا به الوادي=منقذ الطفله 00وهي تلتهب حيّه
موقفه ماهوب بالموقف العادي= فيه ربو(ن) في شعبه الهوائيّه
زاعته نفسه على النار وانقادي=يوم ابوها مع هل الشان في الفيّه
جابها درعان عبدالله زنادي= دايما(ن) وقت المواجيب ماريّه
قالها من هو على العد ورّادي=لابغى الجزلات يختار منقيّه
ما تترجم ما تبرمج 00من فوادي=من صميم الذات ماهيب عمليّه
قلتها يطرب وغنى بها الشادي= في الحنايا يعلم الله منفيّه
يا وجودي وجد من راح طرّادي=هيّةٍ0من بعدها هيّه00 وهيّه
جدي سويدان ماقول من سادي=سيّد الغارات والنفس عاريّه
ساقها سوق المغاوير في بلادي= مالقا نفسه ولا حصّل الديّه
قال بن فراج 00والقول للبادي=آل درعان النشاما نداويّه

**معلومات** **العضو** · 02-10-2009, 11:14 PM

كفووووووو يابن فراج وبيض الله وجهك
وصح الله السانك على هذه القصيده الجزله
ويستاهل درعان بن عبد الله المدح والثناء وهو كفو له

**معلومات** **العضو** · 02-10-2009, 11:29 PM

ارحب يابن فراج تراحيب

المطر وصح لسانك يالقرم

ويستاهل ابن درعان والله يبيض

وجهه عزالله انه نومسنا

**معلومات** **العضو** · 02-10-2009, 11:30 PM

بارك الله فيك _الله يجعلها في موازين أعمالك ياأخ: درعان ابن درعان.................

**معلومات** **العضو** · 03-10-2009, 12:12 AM

صح الله لسانك ويستاهل درعان ال درعان وبيض الله وجه

**معلومات** **العضو** · 03-10-2009, 12:39 AM

صح لسانك يابن فراج....

ويستاهل بن درعان وبيض الله وجهه على الفعل الطيب....

**معلومات** **العضو** · 03-10-2009, 12:53 AM

صح لسانك يابو فراج والطيب من أهل الطيب والله ما هو بغريب
والله أنك غمرتني بالطيب يا كحيلان ومهما كتبت والله ما وفيك حقك يا كحيلان .

تقبل مروري

أخوك / درعان بن عبدالله بن عريعر بن درعان

**معلومات** **العضو** · 03-10-2009, 01:01 AM

الشكر كل الشكر لك الأخوان الذين تفاعلوا مع الموضوع بالرد عليه

لا ولا خلا ولا عدم يالأجاويد

أخوكم / درعان بن عبدالله بن عريعر بن درعان

**معلومات** **العضو** · 03-10-2009, 01:35 AM

صح لسانك يابن فراج....

ويستاهل بن درعان وبيض الله وجهه على الفعل الطيب....

**معلومات** **العضو** · 03-10-2009, 05:31 AM

يستاهل درعان بن عبدالله ماقيل فيه واكثر

اسأل الله ان يجعل ما قام به في ميزان حسناته

صح لسانك يالشاعر ولاهنت على القصيده الجزله وعزالله انها من كريم الى مستحق

**معلومات** **العضو** · 05-10-2009, 11:45 AM

صح لسانك ياابن فراج ياراعي الوقفات ماهيب غريبة عليك

ويستاهل راعى العلم الغانم

درعان ابن عبدالله ال درعان والطيب من راعى المعدن الطيب مايستغرب

**معلومات** **العضو** · 06-10-2009, 10:32 PM

للجميع الود والورد

مروركم نوماس

ويستاهل ابو عبد الله ماقيل وشوش في حقه نال الله العظيم ان يجعله في ميزان حسناته

**معلومات** **العضو** · 06-10-2009, 11:00 PM

كفووووووو يابن فراج وبيض الله وجهك
وصح الله السانك على هذه القصيده الجزله
ويستاهل درعان بن عبد الله المدح والثناء وهو كفو له

**معلومات** **العضو** · 07-10-2009, 06:03 PM

ابوفراج

صح السانك يالقرم

والله يوفقك دنيا و اخره

تحياتي

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية