اذا فيه احد من الشعار يقوم الشايب جاكم

**معلومات** **العضو** · 13-01-2009, 12:06 AM

سلام ردبة قامة تقادح شرار = الشايب اينادي الشعار في الملعبه
نبغي نغني ايلين ايبين نور النهار = واللي يمسمس شناباته نقص شنبه

**معلومات** **العضو** · 13-01-2009, 01:09 AM

صح لسانك يالشايب المطنوخ على البداية الحماسية وبانتظار اقرب شاعر يشاركك وليتك منسق مع أحد الشعار من أول الليل عشان تطلع محاورة بحضور جماهيري طيب. وتقبل ودي وتقديري ،،،

**معلومات** **العضو** · 13-01-2009, 01:14 AM

الي به شاعر تالي ذا الليل فيقوم على الشايب المطنوخ انتم توحون يالشااااااااااااايب تبيني اصحيهم لك هههههههههههه ارش عليهم ماء ولا نخليهم يمسون ذا الليل هههههههههههههههههههههه يازقنك زقناه يذا الشايب

**معلومات** **العضو** · 13-01-2009, 01:55 AM

السلام عليكم

صح لسانك يا عم ووين الشعار

الليل الليل

**معلومات** **العضو** · 13-01-2009, 02:20 AM

يا مرحبا بك تراحيبٍ عليها الحمار = أكرب حزامك و ندك محزمه يكربه
نبغى نغني أيلين النور يجلا السمار = و الحر سر الفرايس قيل في مخلبه

**معلومات** **العضو** · 13-01-2009, 02:53 AM

دام البقا والطريق ايمين ماهو يسار= ياراعي المركبه لا تقلب المركبه
يا الحر لشقر معي لاتفرح اب لنتصار= منوخين البعير شعيل في المقصبه

**معلومات** **العضو** · 13-01-2009, 02:58 AM

ياسلااااااااام
صحت السنتكم شعارنا على هالطاروق
سجلوني
متااااااااابعه
اللللللللللللللللليل

**معلومات** **العضو** · 13-01-2009, 03:01 AM

يا الشايب بس معليش فيه خطأ في القافيه

يا ليت تعدله وسجلني في صفك يا عم

**معلومات** **العضو** · 13-01-2009, 03:02 AM

صح بدنك يا نجديه

ولاهنتي على التشجيع

الله يطول عمرك

**معلومات** **العضو** · 13-01-2009, 03:08 AM

وش فيك يا العود رغت و ضعت وين المسار = يا سرع ما حلت العله بجوف ركبه
الحر قسمه تعرفه ما جهلت الحرار = سج القدم و أنتبه سج القدم و أنتبه

**معلومات** **العضو** · 13-01-2009, 03:10 AM

ياكل فيها الشويب ويلعب=كانه حمير عاطل فسقاني

هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه ماتعلمني وش اسوي يالشايب ترى البيت هذا مدري كيف جبته لكن لاتزعل وانا اخوك تراني امزززح معك هههههههههههه لاتذمني ثم علي الحرام اني لاخبطك بمخباطي هههههههههههههههههههههههههههههههههههههههههههههههههه ههه

**معلومات** **العضو** · 13-01-2009, 03:14 AM

كفوووووووووووووووووووووووووو يامصعب السعد جعلني والله مابكيك ايييييييييييييييييييه يمال الغنيمه عليك بالشايب تراني في صفك اسمع اذا شفته ذمني فذمه تراني خويك يمال الشحم لاتخلي الرجال يقطع فيني وانا مانيب شاعر هههههههههههههههههههههههههههههههههههههههههههههههههه هههههههههههههه

**معلومات** **العضو** · 13-01-2009, 03:19 AM

لو ميلت تعتدل ونجيبها باختصار = والعود يتعب ولاكن ما يضيع تعبه
انا بحلقك يبن لجواد مثل الزرار = اولع النار واحطك طعام الهبه

**معلومات** **العضو** · 13-01-2009, 03:29 AM

اقتباس:

المشاركة الأصلية كتبت بواسطة الشايب المطنوخ

لو ميلت تعتدل ونجيبها باختصار = والعود يتعب ولاكن ما يضيع تعبه
انا بحلقك يبن لجواد مثل الزرار = اولع النار واحطك طعام الهبه

الله الله يا هالشايب

روح وانا معاااااك في صفك تقول وتطول

**معلومات** **العضو** · 13-01-2009, 03:34 AM

ابو زايد انت تكفي عن الف رجل

طال عمرك

لاهنت وبيض الله وجهك

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية