? ! هايلكس للمكشات !?

[معلومات العضو فهد الغريري]

السلام عليكم ورحمة الله وبركاته

::

::

! هايلكس للمكشات !

::

صور هايلكس للمكشات شفتها

في أحد المنتديات مصوره

راعي الموتر وشارح لكم كل

شي مسويه فيها

قلت لازم أخليكم تشوفونها

يمكن تشترون مثله لكشتاتكم


::


أخليكم مع الصور

::





كما ترون السيارة تايوتا هايلكس 2006

سويت عليها شراع خلفي أو مايسمى

( شد ) ياباني بنظام الأجنحة

أو كما يطلق عليه البعض ( الطيارة )

وهو عملي إلى ابعد الحدود





وهذي صورة للجناح الأيسر والذي

يحتوي على لوحة التحكم

( على بالي لوحة تحكم شركة الاتصالات )

المهم فيها محول كهرباء 220 بالإضافة

إلى افياش ثنائي وثلاثي وفواصل لمبات

وكذلك لمبات في كل من الجناح الأيمن

والأيسر





طبعا نظام الشد هذا أصبح مألوفا

ومشاهد في المنطقة وليس بجديد

ولكن الجدير بالذكر هنا

هذا الدرج المتحرك والذي بإمكانك

سحبه وإرجاعه إلى وضعه الطبيعي

متى ماشئت وهو يحتوي على

قسمين كما يلي





:





كما ترون القسم الأول يحتوي على

أغراض الشاهي والقهوة والطبخ

بجميع أدواتهما

والقسم الثاني خاص بالحطب






وهذي المظلة المتحركة أيضاً

عملتها لتقي من الشمس والمطر

وهي سهلة التركيب والفك

كما ترون مثبته بخمس حلقات في

الجناح وعمودان في الأرض

وفي نفس الوقت غير مكلفة

طبعا كل الكهرباء الخاصة بالقسم

الخلفي ( الشد ) على بطارية أضافية

مشبوك عليها المحول واللمبات

بالإضافة إلى الثلاجة والكنوود

طبعا 80 أمبير



::


اتمنى عجبتكم يا أصحاب

المكشات والرحلات

لاتنسوني من الصيد


::


:

 

 

 

 

[معلومات العضو عطب الضرايب]

أبشر بالصيد لاهنت

 

 

 

 

[معلومات العضو يحيى الودعاني]

صور حلوه

السيارت هذي لواحد من الاصدقاء خالدي


راعي كيف


لاهنت

 

 

 

 

[معلومات العضو أبونواف الدوسري]

بارك الله فيك أخي أبوراشد على هذه الصور....

وعسى الله يوفق صاحبها....

 

 

 

 

[معلومات العضو ابو فهد الغييثي]

هذه السياره اللي تستاهل قيمتها

لاهنت يابو راشد على الصور الجميله

ولاهنت على كل حال

تحياااااااااتي

 

 

 

 

[معلومات العضو بنت الشايب]

عجيبه والله

لاهنت يابو راشد

دمت بود

 

 

 

 

[معلومات العضو نجــــــــــديه]

واااااو والله فكره خطيره ولا اروع مشاءالله
جااااااااااري التطبيق باذن الله
الله يعطيك العافيه يابو راشد ولا يهينك
والله يهنيه فيها
تحياتي لك

 

 

 

 

[معلومات العضو حازب الووودعاني]

وش ذا الحركتاااااات ماعاد خلوووو شي

لااااهنت يابوووهادي عالصووور

تحياااتي

 

 

 

 

[معلومات العضو الزين]

ماشاء اللهـ علي التفكير والابداع الطيب

لاهنت ياخوي وبيض الله وجهك

علي نقل الصور الرائعهـ

 

 

 

 

[معلومات العضو أبن جلوي الشكرة]

لا هنت لا هنت يا فهد
موضوع مميز من شخص مميز

الله يعطيك العافيه وأن قنصت ياخوك لا تنساني

تحياتي وتقديري

 

 

 

 

[معلومات العضو آل شجاع الدوسري]

ما شاء الله يا ابو هادي


عز الله ان راعي الموتر راعي مزاج وراعي كيف


الله لا يضرهـ


الله لا يهينك على الصور يا ابو هادي وجعلك تسلم

 

 

 

 

[معلومات العضو ابو زابن المسعري]

حلوى ياذا الهايلكس

بيض الله وجهك على النقل يابو راشد

 

 

 

 

[معلومات العضو ابوبدر المصارير]

اشهد بالله انه شقردي وحضاب وعزالله انه مهوووووووووووب ارفل

ولونها على جيب او سيارة دبل كان ياسلام معاد يرده شي الله يستر عليه

ويحتاج بس ونش سحب


اعجبتني الدكة والمظله والشغله كلها متمكن

اه بري حالي يجينا البلا من العزبه والجشان والشيل والحط والتغسيل



الرفاله ماتخلي اهلها ههههههه

(( على ظهوررررررها يارجاجيل وكل واحد يسحب فراشه ومبتلش فيههههه))

ونحترم المراويح لكن مع ذا منيب مخلي ديره

قدام اي مكان قدام


والله موتر روضة خريم ...... واي مكان قدام



اربعه نفر مستنسين مع راعي الهيدا

هههههههههههههههه

الله يعطيك العافية لاهنت يابو راشد لاهنت

على ما قدمت وجاري التفكير

ياليت من اللي يعرفونه يزودونا بالمصمم والمكان والعلم الله انه من اهل القصيم

 

 

 

 

[معلومات العضو مبارك ال عريمه]

ماشاء الله تبارك الله

مخ صيني على كيف كيفك

العزبه جاهزه يبو هادي مشينا

تحياتي تقبل مروري

 

 

 

 

[معلومات العضو عبدالله بن قويد]

جعلك تسلم على الصور يابو راشد

ومعاد خلو شيء

بس الله يجيب المطر والخير علشان تزين ولا زلحين البر حر وشمس والارض خاية من

العرب والعشب عسى الله يجيب الخير


..