ذكري ينومس كل ذربين الافعآل ، . .

[معلومات العضو حرآير]

صبآح / مسآء
الخير


آول شي حبيت ابآرك لكم بالشهر الكريم
وعســآكم تعودنه بصحة وسلآمــة
،,


ثآنيآ آبيات رآقت لي اتمنئ إنهآ تنآل إعجآبكم
،,

يالله يامعبـود ياهـادي الـضـال
ياعالمٍ بالكـون عرضـه وطولـه

يامهـئ الارزاق عـلام الاجــال
يامنـزل كتابـه وباعـث رسولـه

اطلبك تغفرلي وتلطـف بالأحـوال
وتجيرني من شـر دنيـا ذهولـه

وتزيـل هـمٍ ماهـدا منّـه البـال
يمضي زماني وانهكتنـي حمولـه

الناس في وادي وانا اهيم فجبـال
بوديان حزنٍ جرفتنـي سيولـه

القلب فيه مـن المعانـاه اهوال
والعين تبكـي والسعـاده جفولـه

اخايل الفرحـه ولا شفـت همـال
متى تشوف العين لحظة هطوله

لا ياقصيدي هات لي عـذب وزلال
مـن القوافـي بيـن الٍ واولــه

جزالتك ماناشهـا نقـص واشكـال
ياكيف تنقص (شيهـانتك) من تقوله

جهزّ سهومك بالمسا تشعل اشعـال
واطلق عنان القاف واسرج خيولـه

صوب الذي رجولته كلهـا اقـوال
هي جعجعه من غير تظهر فعوله

ياهيه يامخطي المراجـل وياضـال
عن دربها مثلـك تخونـه رجولـه

ترسل سهامك ذاه شاربك ماطال
تعجز وانا اسمي فوق لا ماتطوله

ياناكر المعـروف ياخايـب الفـال
ياواطـيٍ لا ماعرفـت الرجـولـه

المرجله عندك شماغٍ مـع اعقـال
ثوبٍ مفصّل بس يحشـاه زولـه

وقفت لك بالعـز والجـاه والمـال
وعلمتك الاكـرام وشهـي اصولـه

شبيت ضوك بعد ماعشت بـ إذلال
واطلقت وجهك ياصغير الحمولـه

من قيض وقتك صرت لك فيَ وظلال
فرشٍ خضر والكل يرغـب نزولـه

ياما انصحوني قلت ماغيـر عـذال
واهم ماقالـو يخـون بسهولـه

رميت كلمتهم على يابـس الجـال
واغلقت يمّـك كـل دربٍ سعوولـه

بانت علومك لي قصيرات وطـوال
وستار عِرفك حان موعد سدوله

ماهمني قولك وانـا بنـت رجـال
عزي جبل تبطـي عظـم ماتنولـه

ارقا سنودٍ وانت مافيـك تحتـال
وعلى القمم كسبت صوله وجولـه

الفخر لي دله لهـا العـز فنجـال
وطيب المبادي نلت فيها البطولـه

عرضي نزيه وسمعتي فخر الاجيال
وابوي شيخٍ وانت تفداء نعولــــه

ذكره بياض الوجه لوغاب فرمـال
ولا انت حيٍ ماوصلت لوصولـه

ذكري ينومس كل ذربيـن الافعـال
وتغتاض منّـه كـل كبـدٍ غلولـه

عسى حياتك كلها بـاارذل الحـال
وحظك تعيس منوخٍ لـك ذلولـه

واشوف عينك تذرف الدمع همـال
ومن عز نومـك ياعساهـا ملولـه

واشوف بقعا عامله فيـك الاهـوال
والوقت يعلن في حياتـك ميولـه

وبين المشافي علَك اقفاي واقبـال
شـرٍ يصيبـك حيرتهـم حلـولـه

والله يحرمك كـل تحقيـق الامـال
وتبقى عيونك فالزمـان امعلولـه

اكبر خطا صرت اصفق يمين بشمال
درسٍ تعلمته واراجـع فصولـه

ظنيت في شخصك تواصيف رجال
ولاانت فــاهي جاهلتـك الرجولـه

 

 

 

 

[معلومات العضو هجاد الزايدي]

تسلمين يأخت حراير

ولاحول ولا قوة الا بالله

 

 

 

 

[معلومات العضو شافي بن راشد النتيفات]

الله الله تسلمين على الاختيار الرلائع ويعطيك العافية

 

 

 

 

[معلومات العضو بنت الذيب]

علينا وعليج يتبارك،،وكل عام وانتي بخير ياحراير

وصح لسان شاعرها

ولاهنتي على اختيارج الرائع

 

 

 

 

[معلومات العضو مبارك بن شافي النتيفات]

علينا وعليك يتبارك ولاهنتي على النقل المميز

تحيااااااااااااااتي

 

 

 

 

[معلومات العضو حرآير]

المشاركة الأصلية كتبت بواسطة هجاد الزايدي

تسلمين يأخت حراير

ولاحول ولا قوة الا بالله

يـ الله حيـا
لا عدمنـا هـالمـرور
منـور

 

 

 

 

[معلومات العضو حرآير]

المشاركة الأصلية كتبت بواسطة شافي بن راشد النتيفات

الله الله تسلمين على الاختيار الرلائع ويعطيك العافية

الله عليـك يـ إخـوي
لا عدمنـا ذوقـك
نــورت

 

 

 

 

[معلومات العضو حرآير]

المشاركة الأصلية كتبت بواسطة بنت الذيب

علينا وعليج يتبارك،،وكل عام وانتي بخير ياحراير

وصح لسان شاعرها

ولاهنتي على اختيارج الرائع

يـ الله حيهـا
ارحــبي ي الغـلا
صـح بدنـج
ولا إنتـي
لا خـلا ولا عـدم

 

 

 

 

[معلومات العضو حرآير]

المشاركة الأصلية كتبت بواسطة مبارك بن شافي النتيفات

علينا وعليك يتبارك ولاهنتي على النقل المميز

تحيااااااااااااااتي

إرحـب ي إخـوي
ولآ إنـت
منــور بـمرورك لا عدمنـاه

 

 

 

 

[معلومات العضو فهد ال راشد]

ياناكر المعـروف ياخايـب الفـال
ياواطـيٍ لا ماعرفـت الرجـولـه

المرجله عندك شماغٍ مـع اعقـال
ثوبٍ مفصّل بس يحشـاه زولـه

الأخت الكريمة حرآير
لله درُكَ على ماكتبتي من أنِيق
لحرفُكَ جمالٌ و إحساسُكَ عُمقٌ
و حروفُكَ كأنَّها من دُرٍ مرْصوف
شكْرًا لكي على هذه المُشَاركة
دمتي بجمال هذا العطاء!!