ونيت ونت من ضنا الوقت مهزوم=ونه تهد الشامخات المنيفات

[معلومات العضو ماجد الشرافي]

البارحه يحرم علـى عينـي النـوم =سهران هايم في دجى الليل ما بـات
كني الوحيد إلـي معـذب ومحـروم =وكني ملكت الحزن ذا الليـل بـذات
همً على قلبي مثـل قلعـه رعـوم =شاب الشقى في وسط ذاتي ولا مات
ونيت ونت من ضنا الوقت مهـزوم =ونـه تهـد الشامخـات المنيفـات
ونـت يتيـمً فاقـد امـه ومحـروم=من حب ابوه الي خـذوه الجميـلات
ويضحك ونبره صوته احزان بـدوم=وفي نظره عيونه دمـوع وحكايـات
الحزن فصل له على اجسادنا هـدوم=وكلاً له حكايـه وروحـه وجيـات
يا كم وجيهً فوقها الحـزن مرسـوم=ولا سلـم منـه كبـار القـيـادات
حتى الغني الي من المال لـه كـوم=ولا يركب الا مـن جديـد المديـلات
لا تحسبه مرتـاح فيهـا ومنعـوم=ما تسعده دام الحزن جاءه شيكـات
اما انا جاني على الكـاش مختـوم=والحمد للخالق علـى كـل حـالات
ولي لفاني لـو تقسـم علـى قـوم=يكفي قبائـل ! لا يكفـي حضـارات
والرجل يجتـاز الصعيبـات بعـزوم=يصمد ولو جارت عليـه المنيبـات
ولو كنت تبغا تشوف رجال زيـزوم=لا تقيـم انسابـه وكثـر الريـلات
عندي الشجاع الي عطا غيره علوم=يضحك وفي وجهه دموعً وعبـرات
يا جعل ذا الضيقه على الحال ما تدوم=وتعـود ايـام الفـرح والمسـرات
البارحه يحرم علـى عينـي النـوم=ومديـت كفينـي للـرب السمـوات
يا الله فرجهـا علـى كـل مهمـوم=يا عالم اسـرار القلـوب الخفيـات

 

 

 

 

[معلومات العضو شافي بن راشد النتيفات]

ماجد الشرافي بيض الله وجهك على هذه القصيدة ولا ادري هي لك والا لا

 

 

 

 

[معلومات العضو ماجد الشرافي]

وجهك ابيض اما القصيده لصديق عزيز على وشكرك على مرروررك

 

 

 

 

[معلومات العضو ابومبخوت الدوسري]

صح لسانك ياماجد ولسان صديقك على هذي القصيده الجزله والجميله و تسلم يمناك على طرحها في الموقع ولا تبخل علينا في مثل هذي القصائد الطيبه والمعذره منك يالغالي على تنسيق القصيدة تقبل تحياتي

 

 

 

 

[معلومات العضو نايف الخييلي]

صح لسانك

وقصيده رائعه وجزله

تسلم على الطرح

 

 

 

 

[معلومات العضو محمد بن حمد الشكرة]

صح لسانك وقصيده رائعه وجزله تسلم على الطرح