والـــلــــه تــــخــــضـــع أشنــــــاب مــن شــان مــدمــع

[معلومات العضو حمد ابن فهد]

بـــسم الله الرحمـــــن الرحـــــــــيـــــــــم

هذا واحد كان يحب اخته وعلاقتهم قويه مع بعض متعود على ضحكتها وفرفشتها وخفة دمها بعد ماتزوجت اخته وراحت مع زوجها اخوها سافر واتصل عليها بعد فترة ولاحظ اخته ماتضحك كأنها حزينة وصوتها مو طبيعي وكل ما يسألها وش فيك تقوله مافي شي عرف ان زوج اخته يهين اخته ويسيئ معاملتها وتبون الصحيح قلت هاذي النوعية من الرجال كلن همه زوجته أو نفسه
وكتب هذي القصيدة

لاتنثرين الدمـع قولـي لـي وش فيـك... تخالطت عبرات صوتـك وانـا اسمـع
تقطع خطوط الجو والصـوت مغريـك... ودمعك غدى نيـران بالجـوف واقشـع
ووقف شعر راسـي ودكـن دواكيـك... وضرب اخماس اسداس بالشك واجمـع
ويبسن عروق القلب وصـارن مهاليـك... مغيـر اغـص بخافـي الريـق وابلـع
وشلـون مابـه شـي يرحـم اهاليـك... تدريـن بغيـر الصـدق لايمكـن اقنـع
انا عهـدت الضحـك يعشـق اشافيـك... وعيـون ماخلقـت علـشـان تـدمـع
سلامـة الـي كـل ابوهـم عزاويـك... وليـا انتخـوا بالحيـز نيـران واشنـع
وليا وضح صوتـك باذانـي عزاويـك... (حيزا حيزا !)ساعـة الصفـر ترجـع
تكفـخ حرار(ن)ماسبقـوهـا ممالـيـك... وترسي جبال(ن)مانـوت يـوم تخضـع
وتـارد فهود(ن)ماتهـاب الشرابـيـك... وتهـوي نجوم(ن)لارمـت جـال تفنـع
من اقصى الجزيرة اعصار توحي اذانيك... مـن هيبتـه يرتـج حفـره ويـركـع
ومن اقصى الاحساء بركان تونس اياديك... مـن هيبتـه صميدع القلـب يـربـع
لا والله الا اجيك وشلـون مـا اجيـك... شفني عليه اقرب من الموت واسـرع
اللي ازعلك يمكـن نسـى انـي اخيـك... ولا تخيـل لاتغربـت مــا ارجــع
لاتنثريـن الدمـع حـيَّـن محاكـيـك... والله تخضع اشناب مـن شـان مدمـع

وسلامتكـــم أتمنى تنال أعجبكم

 

 

 

 

[معلومات العضو شوق خالد]

تحيه وتقدير لهذا النقل الرائع
قصيده رائعه ومؤثره
تدل على ان للاخت مكانه
بحياة اخوتها ممهما ابتعدت
الله يحفظ اخواني يارب
اختيار جميل وانتقاء يدل على ذوق
واحساس رائع بالكلمه يعطيك العافيه
اتمنى لك مزيد من التوفيق
تحياتي وتقديري لك ياحمد على هذه الرائعه .

 

 

 

 

[معلومات العضو سيف2013]

قصه مؤثره جداً
وتدل علئ الوصل بين الاخ والاخت
و في يومنا هذا الذي قل في الوصل بين الافراد

شكراً حمد

 

 

 

 

[معلومات العضو حمد ابن فهد]

المشاركة الأصلية كتبت بواسطة شوق خالد

تحيه وتقدير لهذا النقل الرائع
قصيده رائعه ومؤثره
تدل على ان للاخت مكانه
بحياة اخوتها ممهما ابتعدت
الله يحفظ اخواني يارب
اختيار جميل وانتقاء يدل على ذوق
واحساس رائع بالكلمه يعطيك العافيه
اتمنى لك مزيد من التوفيق
تحياتي وتقديري لك ياحمد على هذه الرائعه .

تشرفت بمرورك اخت شوق مشكورة

 

 

 

 

[معلومات العضو حمد ابن فهد]

المشاركة الأصلية كتبت بواسطة سيف2013

قصه مؤثره جداً
وتدل علئ الوصل بين الاخ والاخت
و في يومنا هذا الذي قل في الوصل بين الافراد

شكراً حمد

هلا بك اخوي سيف تشرفت بمرورك

 

 

 

 

[معلومات العضو محمد بن حمد الشكرة]

يابو فهد الحين يالله الواحد يواجه قرايبه في المناسبات الزمان تغير والنفوس تغيرت الله يعطيك العافية على نقل القصة الحزينة

 

 

 

 

[معلومات العضو حمد ابن فهد]

المشاركة الأصلية كتبت بواسطة محمد بن حمد الشكرة

عسى الله يرحم الحال وهلا بك يابوحمد وبمرورك

 

 

 

 

[معلومات العضو ابو حسين الدوسري]

لاهنت يبو فهد على السالفه الطيبه واللتي
تتكلم على روح الاخوه والمحبه الخالصه
نومستنا جعلك تحيا كل الشكر والتقدير

 

 

 

 

[معلومات العضو حمد ابن فهد]

المشاركة الأصلية كتبت بواسطة ابو حسين الدوسري

لاهنت يبو فهد على السالفه الطيبه واللتي
تتكلم على روح الاخوه والمحبه الخالصه
نومستنا جعلك تحيا كل الشكر والتقدير

مرحبابك وبمرورك اللي شرفني ابوحسين