قصة وقصيدة الخييلي والسبيعي الشهيرة( تنازل عن دم )

[معلومات العضو راشد المسعري]

قصة قديمة حول حسن الجيره بين العرب ، منها ما جرت بين دحيم بن برمان العزه السبيعي وجاره عبيد بن حويل من الخييلات من قبيلة الدواسر الشهيرة ، حيث كان الاثنان جيران ، وقدر الله ان يقوم ولد الدوسري بقتل ولد السبيعي ، فجاء الولد الى ابوه الدوسري ، وقال : انا قتلت ولد جارنا دحيم بن برمان ، وكان السبيعي لايعلم عن ماحصل حيث كان مسير على عرب بعيدين عن بيته وبيت جاره الدوسري ، فلما رجع السبيعي واقبل ناحية البيوت فاذا جاره عبيد بن حويل الدوسري واقف وهو ممسك بولده وفي رقبته حبل ويشد الحبل بيده ، فقال له دحيم السبيعي : علامك يا عبيد وش سوى ولدك عسى ما شر ، قال عبيد : فالح ذبح ولدك صالح وهذا ولدي اذبحه بدلا من صالح ، قال دحيم السبيعي : الذي مات ولدي والحي ولدي يا عبيد ثم راح وقبل رأس جاره عبيد الدوسري ، قال : ابشر بابنك وانحنى على الولد وقبله وقال : ابشر بأمك ، واستمرت جيرتهم وتبادلهم الجميل والموده والمحبه والمعروف والصداقة ، وبهذه المناسبة قال عبيد بن حويل الخييلي الدوسري ابيات يثني فيها على جاره دحيم بن برمان السبيعي الذي تنازل عن دية ابنه يقول رحمهم الله جميعا :


ياراكب هجن مراديم وسمان
عيرات الانضا مايرقع حفاها

ياراكبين الهجن نصوهن اعمان
ومروا على رفحا وروحوا وراها

في كل ديره جددوا لابن برمان
قصر من البيضا رفيعن ابناها

ثم اجنبوا من عندكم يم نجران
دار المذاكر دوجوا في اقراها

حطوا له البيضا على راس مابان
راع الفعول اللي طرى نباها

ومروا على الخرمه وحطوا به اعلان
اعلان بيضا كل من جا قراها

ونصوهن الحاير عسى دربكم زان
ديرة سبيع امتيهين اقصراها

وابنوا بدار سبيع بيضا لها شان
من مر ديرتهم يشوقه ابناها

يالله عسى ديرة دحيم بن برمان
لاجا سحاب الوسم يسقي جباها

اللي عطا جاره عطا ما بعد كان
يبغي الجزاء من عند رافع سماها

ماهيب لا غرس ولا ابل ولا ضان
ولا عطا دنيا ايدور جزاها

يبغي العلوم الطيبه مثل ما كان
قصيرته عطيت ولدها وجاها

يافاعل الحسنا جزاك الله احسان
فعلت لك حسنا على الله جزاها

رحمهم الله جميعا أجزل لهم المغفره والرحمه والثواب

 

 

 

 

[معلومات العضو فهد الغريري]

بيض الله وجهك يابومحسن على طرح هذي القصه التي بين حسن الجيره بن العرب ولاهيب غريبه عليهم فعل الطيب فعل السبيعي وافي ولا يستغرب الطيب من منبعه وفعل الخييلي وافي ولا يستغرب الطيب من منبعه والله يديم الموده والمحبه بين العرب تقبل تقديري واحترامي

 

 

 

 

[معلومات العضو حمد ابن فهد]

بيض الله وجهك للنقل يابومحسن ورحمهم الله جميعا فعلا كانت الجيرة لها عندهم قدر وحشمه لن يتكرر زمانهم الطيب


تقبل مني أطيب التحايا

 

 

 

 

[معلومات العضو راشد المسعري]

المشاركة الأصلية كتبت بواسطة فهد الغريري

هلا يابو راشد

يستاهلون سبيع العلم الغانم وهم أهل له

والتاريخ يشهد لهذه القبيلة العريقة ولهم قصص يخلدها التاريخ في مثل هذه القصة

هنيئاً لهم بالأجر

وكذلك الخييلي كان له قسم وافي في هذه القصة بتسليمه ابنه لغريمهم وهذه قل أن تحصل إلا في قصص تعد على الأصابع على مدى التاريخ

تقبل ودي وتقديري ،،،،

 

 

 

 

[معلومات العضو معجب الشرقي]

احداث عصر جميل شكرا اخونا راشد للنقل

 

 

 

 

[معلومات العضو فهد الخريم]

الله يعطيك ألف عافية
أبو محسن

دائماً رائع

شكراً لك

 

 

 

 

[معلومات العضو عبدالله الفاران]

الله يعطيك ألف عافية
أبو محسن

 

 

 

 

[معلومات العضو مبارك بن شافي النتيفات]

الله يعطيك العافية على النقل الرائع

والعلوم الطيبة ماهيب غريبة من اهلها

دمت بحفظ الرحمن

 

 

 

 

[معلومات العضو راشد المسعري]

المشاركة الأصلية كتبت بواسطة معجب الشرقي

احداث عصر جميل شكرا اخونا راشد للنقل

هلابك يامعجب

الشكر لله عز وجل ثم لمرورك العطر

تقبل ودي وتقديري ،،،

 

 

 

 

[معلومات العضو عبدالرحمن بن فلاح آل بريك]

قصة وفاء رائعة خلدها التاريخ . بالأمس القريب تمسك الرشيدي بحق القصاص من عبدالله فندي الشمري . رغم انه مسجون لأكثر من 30 عام وفي عدم تنازله رغم طول السنين دليل على ان الوفاء مات وان الجاه أيضاً مات !! رحم الله السبيعي والشمري . لا هنت أبو محسن على الطرح الجميل والحمد لله انني دوسري .

 

 

 

 

[معلومات العضو ابن غزه]

يسلم ايدك موضوع جميل بارك الله فيك