مغزى الحطيم لـ الشيابين في دلقان

**معلومات** **العضو** · 07-08-2005, 09:32 PM

غزوا الغييثات بقيادة الشيخ بداح الحطيم غرب ويوم جاؤا ديار عتيبه لين الشيابين هم الموالين على (دلقان) احد الموارد في نجد .

شرفوا السبور وقالوا البل ياهل البل ويوم كدوا على البل وصفقوها (أخذوها)
لين عليها وسم الشيابين من عتيبه.

قال الحطيم: وطوهاا ، الماء خالي من العرب الحين ،وخلونا نشرب قبل تلحق الفزاع البل ذي بيجي لها طلبٍ عجل(يقصد الابل الماخذوه سيأتي أهلها فازعين).

المهم يوم ظهروا من الماء لا الخيل داقتٍ بهم في مقدمها الشيخ( جهز بن هذال)يزهمونه ربعه وهو على فرسٍ سابق، يقولون له : رد البل علينا.

يوم قرب من الغييثات الغازين ، حول له شبنان بن صليل الغييثي وضربه لهو طول حبالها
ولهي تطحس داقٍ غاربها منكسرةٍ رجله ( رجل جهز بن هذال).

ولوالله ان الشيخ هذال بن فهيد أمير الشيابين لاحقٍ يحدا.

يوم قرب من الغييثات فيحول له زابن المنداع الغييثات ويضرب فرسه لينها على لحويها ( اي عقرها)

ويلحقونه الشيابين ويعطون اميرهم فرس، ويلحق الغييثات ويحول له زابن المنداع ومثل الأوله(عقر فرسه) ، ويلحقونه الشيابين ثالثه ومثل الأوله ويثلث زابن ويقول مخاطبا الشيخ هذال الشيباني:

((ثلاثي اركب خشبةٍ ونا بن غياث ولله لولا شحي(1) بك ان تلحق ولدك(2)))

(1) : لولا شحي بك ، أي ان (زابن المنداع )لم يرد قتل (هذال) حيث ان الأولين يشحون بقتل الرجال الطيبين والشجعان خصوصا أمثال امير الشيابين المشهور هذال.

(2) اعتقد زابن المنداع أن (شبنان الغييثي) ذبح (جهز ابن هذال الشيابين) في ساعتها، وفي الحقيقة تصوّب الشيخ جهز بالمعركة وقد مات على اثر صواب الغييثات له بعد فترة.

المهم ماقصروا الشيابين عند ابلهم والغييثات اقفوا بالبل .

ويوم انفك الطارد من المطرود.

ولين واحدٍ من القوم محزمه مانقص منه ولا طلقه فقال شبنان بن صليل الغييثي
لحقوا هل البل مثل وردٍ محيمين=يومن ولد الاش طارت رياياه
اختف جوفه يوم لحقوا الشيابين=مايدري ان خلاق الأرواح ياقاه
لحقو هل البل مثل دولة سلاطين=من فوق قبٍ بالملاقا مضرّاه
وكثرة عقايرهم وكثرو المثارين=ومنهم (جهز )شرقي( اذقانٍ )طرحناه

وقال الشيخ بداح الحطيم في هذه المعركه

يالله يالمعبود ياعالي الشان=تجعل لنا حظاً نهار الطرادي
انا احمد الله يوم طير السعد بان= رحنا بطرعات العشاير عنادي
يشهد بها يومٍ على جال ((دلقان)) =يوم (اخو هملا) جنب البل وحادي
و(جهز) طريحٍ من مضاريب (شبنان)=وعاداتنا بالهوش جدع العوادي
وخمسة عشر منهن جواد( بن قطنان)=يقطعك ياهرجٍ بليا وكادي
((غييثيةٍ)) لامن علا الجو دخان=نرمي وتالي رمينا بالوكادي

أخو هملا : الشيخ هذال بن فهيد أمير الشيابين من عتيبه
جهز : الشيخ جهز بن هذال بن فهيد
شبنان : الفارس شبنان بن صليل الغييثات
بن قطنان : من فرسان الشيابين عقرت جواده ذاك النهار.

**معلومات** **العضو** · 07-08-2005, 10:21 PM

الله يعطيك الف عافيه

وماقصرت يا ابوسعد

**معلومات** **العضو** · 08-08-2005, 12:41 AM


	بسم الله الرحمن الرحيم الاخ العزيز والباحث التاريخي ابوسعد "مسعود المقيبلي" علمك غانم اول وتالي جعل عمرك طويل اهنيك في اسلوبك المشوق في سردك التاريخ في الهيات الله يبارك في عمرك وينساء في اجلك ويسر امرك. وكفو بالغييثات جعلهم المعزه علمهم غانم وصولاتهم معروفه بين القبايل بالعلم الغانم والذكر الحسن. ونتظر جديدك يابوسعد عسى عمرك طويل. تقبل تحياتي وتقديري واحترامي. اخــــــوك / فـــــهـــــد الـــغــــريـــري,,

**معلومات** **العضو** · 08-08-2005, 12:50 AM

بيض الله وجه يالمقيبلي

وياجعل يسلم غاليك

واشهد ان علومك غانمه

اخوك ابو زيد

**معلومات** **العضو** · 08-08-2005, 01:05 AM

لاهنت يالذيب

تحياتي,,

**معلومات** **العضو** · 08-08-2005, 05:11 AM

كفووووووووووووو يالغييثات فعل يفتخر به الدواسر وبيض الله وحهك يابوسعد علي العلوم الطيبه

**معلومات** **العضو** · 08-08-2005, 06:01 AM

بيض الله وجهك اخوي بوسعد على السرد التاريخي الممتع ، ونعم بالشيابين ،

والله يرحمهم جميع ويتجاوز عنهم

وهذا بيت للفارس الفريد بن خويلد آل عيد في الشيخ بداح الحطيم:

فعل (اخو شيخه) ما شابه كل ساير= طمرته عند الركايب عجرفيّه

تقبل تحياتي،،

**معلومات** **العضو** · 08-08-2005, 08:13 AM

مسعود المقيبلي

بيض الله وجهك ياابو سعد

وجعل يمناك مايجيها العطب

لاهنت على سرد هذه الوقعه المشرفه

واللتي تنومس كل الدواسر

لك مني عاطر الود وأزكى التحايا

محبك دغش البطي

**معلومات** **العضو** · 08-08-2005, 09:46 AM

ابو سعد سلمت يمناك يالقرم وفعول الغييثات تنومس كل دوسري بيض الله وجهك وفعلا اسلوب اكثر من رئع . اخوك ابن غيث الغييثي

**معلومات** **العضو** · 08-08-2005, 10:37 AM

كفوووووووو والله يالغييثات

مسعود لاهنت وبيض الله وجهك على المشاركه الرائعه

تقبل تحياتي ,,,

**معلومات** **العضو** · 08-08-2005, 10:39 AM

بارك الله فيك يامسعود على علومك الغانمة (وأنا أقراها كأني أسمعها من شايب من شيبانا_سردها جميل) ...أفعال الغييثات من أمثال الحطيم وربعه ترفع الراس..جعلك سالم وتقبل تحياتي,,,,,,,,,,,,

**معلومات** **العضو** · 08-08-2005, 11:50 AM

كفوووووووو والله يالغييثات وبيض الله وحهك علي العلوم الطيبه

**معلومات** **العضو** · 11-08-2005, 02:59 PM

سعد المقابله

لاهنت على المرور وماقصرت على كل
حال لك جزيل الشكر

**معلومات** **العضو** · 11-08-2005, 03:00 PM

فهد الغريري

لاهنت على كل حال

ومشكور على المرور الطيب

**معلومات** **العضو** · 11-08-2005, 03:01 PM

ابوزيد الغييثي

الله لايهينك ومرورك شرف لنا

الذين يشاهدون محتوى الموضوع الآن : 3 ( الأعضاء 0 والزوار 3)

		منتديات صحيفة وادي الدواسر الالكترونية