ناح الحمام

[معلومات العضو سلمان ال بريك]

غزليه رقيقة ومحسن يعتبر مؤسس لمذهب خاص في الشعر اثر على جيله ومن أتى من بعده :




ناح الحمام وقلت لا حول مكنون
صبر وهل الدمع ساعة له أوحيت

حج الحجيج وكلهم له يلبون
وانا بدار مورد الخد لبيت

فإلى لجوا بأركان بيته يطوفون
والكل منهم لاهي بموادع البيت

وادعت من دارة حجاجه كما النون
وابكي وباطراف الجدايل تلويت

فإلى جو الكعبة بنصح يحبون
لنجال وارد ضافى القرن حبيت

فان كانهم من كل مالاح يشرون
بايعت له بأقصى الضماير وشاريت

ذا شارب خمر وهذاك غليون
فانا لريق مبيسم الترف مزيت

فإلى خذوا يشرون مما يبيعون
أخذت غرضان الحبيب وشاريت

احرمت يوم الفوز ألبى لمزيون
صافي البياض وغفر ما كان زليت

حدرت بطحا النوم والقلب مشطون
وذكرت انا عالي المداين وحنيت

ياعاذليني لا تتموا تعذلون
في حب مجمول لسده توليت

فان جو حسادى بهرج يقولون
ما اسمعهم إلا ان يسمع النايح الميت

قبلى "عرار" قالوا الناس مجنون
مع ذا وظن انى بطرياه أوحيت

اسهر إلى أوحيت النياما يفخون
واقول ليت بلذة النوم ياليت

اسهر طوال الليل واهلي يحسبون
إني إلى ما طبق الجفن غطيت

لاني معلمهم ولا هم بيدرون
من شى باقصى الضماير قد أخفيت

إلى جو للمسجد بليل يصلون
فانا لمجمول الحلايا توليت

قامت تواعدني بشهر يصومون
ساعة يصلون التراويح فانت ايت

امس نطحني عقب هجران وشجون
واخضرعودي يوم للعذب وافيت

وقبلت مطواح على الغرو وقرون
حلفت ماخليه انا يوم شديت

وان كان عمال البرايا يشحون
فانا الذي ما مرة عنك شحيت

فإن كان في الغد المقابيس يوضون
فانت الذى نورك يقبس هل البيت

أحيان ماجروا وقاموا يمسون
معصوم يد قال وصباك ياشيت

أنت الذي في بعض الاطفال مفتون
من به بليت من الملا ؟ قلت ب"قويت"

غرو بريمه طول فترين أو دون
والخد قنديل يوقد من الزيت

ما اسمع ولا ابصر من هوى اللى تعرفون
لو رفعو لي روس الارماح ما اوحيت

أصبحت باد للملا فيه مفطون
وأبديت سد ما بعد قبله افضيت


محسن الهزاني

 

 

 

 

[معلومات العضو إبراهيم التميمي]

لا هنت
روعه