قصيدتي في مدح خطلان الايدي

[معلومات العضو هادي ابن مطلق ال عمار]

جعل السحاب الي قنوفه مزابير
ينشي على العارض ويسقي دياره

من مزنتن يسنى سنا برقها عصير
حقوق صيفن مدلهمن سماره

منزال ربعي محتمين المضاهير
الي حمو جار السعد من جداره

دواسرن تارد على جمه البير
سقم العدو الي براسه سطاره

افعالهم من وقت ابوزيد والزير
يوم الزمان الي تقادح شراره

صبيهم فارس وشايبهم امير
كلن خذاها غصب ورث اوجداره


كم عايلن جاهم حدته الاشاوير
يبغى الطمع والفيد تغري ثماره

من ضربهم ناحت عليه الغنادير
واصبح فقيد وللمقرد عباره

بسيوف هند تظرب الراس وتعير
كم واحدن قصت فصايل فقاره

ولضيف ربعي ماتحسب المخاسير
يوم ان ولد الاش بخله صقاره

يلقى الشحم عقب الدلال المباهير
والعود الازرق مايوقف غباره

ويلقى جنابن زين مع حسن تقدير
ويقضى لزومه مابدى بعتذاره

سلام ياربعي هل العز والخير
ياعزوتي تاج الفخر وافتخاره

سلامن احلى من حليب المصاغير
والذ من طعم الشهد في حظاره

واكبر من ابانات واثقل من النير
وانقى من الالماس وثقل عياره

سخرت مدحي في فعول المناعير
لاقيل غيري راح مدحه خساره

 

 

 

 

[معلومات العضو راشد المسعري]

الله الله

صح لسانك يالنبراس

جزل والدواسر من فضل ربي يستاهلون المدح ويفخرون بمثلك وشرواك

تقبل ودي وتقديري ،،،،

 

 

 

 

[معلومات العضو فيصل السديري]

رائع جداً ما خطته يداك

تستاهل لابتي المدح وهم اهل الطيب و الشجاعه

ولا قصور بباقي القبائل الكريمه الأصيلة

شكراً على هذه القصيدة الرائعه و صح لسانك

 

 

 

 

[معلومات العضو شافي بن راشد النتيفات]

صح الله لسانك واسمحلي اقول شاعر مثل هذه القصيدة ودي انه
يطلع باسمه الحقيقي لانه فخر للدواسر كافة
تقبل تحياتي وتقديري لشخصك الكريم

 

 

 

 

[معلومات العضو بتار المسعري]

لاهنت يالقرم وانا اشهد انهم يستاهلون بدون قصور فالقبايل
تقبل تحياتي
اخوك محمد المسعري

 

 

 

 

[معلومات العضو ساقان الدواسر]

تستاهل لابتي المدح وهم اهل الطيب و الشجاعه

ولا قصور بباقي القبائل الكريمه الأصيلة

شكراً على هذه القصيدة الرائعه و صح لسانك
أخوك ساقان الدواسر

 

 

 

 

[معلومات العضو بومطلق]

صح الله لسانك ياخوي النبراس.