ســــاقت مشاوير الشقااااا

**معلومات** **العضو** · 08-09-2008, 02:21 AM

ساقت مشاوير الشقا واردف الليل=وسريت ودروب السهر سرمديه
ازريت اسوق الهم واحط وأشيل=وتعــبـت أكابر والمواجع نــديه
والحيل مل من التعب مابقا حيل=والجفن ماله بالسهـــــر مقدريه
الهبذله والليل صارت غرابيل=ابطال وسنين العمر مسرحيه
والهم والحرمان والحزن والويل=ضيوف وجروح الوفاء شاذليه
والصمت والهوجاس بوح التعاليل=والخوف مسرى والليالي مطيه
يالله عسا درب السنع بالمقابيل=وألا الليالي اللي مضت جرهديه
حرن كفخ واستاسرته المحابيل=وعقب السماء الرحبه هوى للوطيه
حرن غدر فيه الزمن والمداخيل=مقرود وكفوف العطايا رديه
غلطت عمر منها جنيت البهاذيل=وذنوب غيري حطها الله عليـه
غلطه ودحدرها الزمن بالمحاصيل=ورضيت بالمسوم غصبن وجبريه
تناقــــلتها شـلة القــال والقـــيـل=وحطوا عليها لين صارت قضيه
وقامت تناهشني رخوم الرياجيل=اهــل الملامه والعـلوم الرديــه
اللي تجيك أخبارهم بالتفاصيل=ويحرفون الهرج عن سو..نــيـه
بالله قلي يا أسود الوجه ياليل=وضح النوايا كيف صارت خطيه
قل لي من اللي ضلل الحق تظليل =ومن علم الوافي يخون بخويه
ومن بروز الأوهام خدعه وتمثيل=ومن طلسم الواقع وخان الوصيه
ومن قال لي دربك سهود وتساهيل=ومن علم الضحكات تمشي عليه
ومن كفن دموع الوفاء بالمناديل=ومن هو جزاء الحسنه بمليون سيه

**معلومات** **العضو** · 08-09-2008, 02:32 AM

صح السانك وعتلى شانك

ولاهنت على القصيده الجزله

تحيااااااااااااااااااااااااتي

**معلومات** **العضو** · 08-09-2008, 02:34 AM

ابو فهد الغيثي فداك من جهل قدرك يالحصان صح بدنك وصحت لياليك

**معلومات** **العضو** · 08-09-2008, 05:06 AM

الله عليك الله عليك

لاهنت ياجزل القصيد

صح لسانك حتى ترضى اخي سطام

على هذه القصيدة الراقيه الوافيه

ومهما قلت لن تفي كلماتي وصف هذه الدره

تقبل حضوري واعجابي

مع خالص التحية والتقدير

**معلومات** **العضو** · 08-09-2008, 09:45 AM

صح لسانك ياسطام

قصيده رائعه

دمت بود

**معلومات** **العضو** · 08-09-2008, 03:06 PM

سطام الروقي

صح لسانك ملياار على ماقدمت من ابداع وبيض الله وجهك

**معلومات** **العضو** · 08-09-2008, 04:18 PM

مشعل صح بدنك ولاخلا ولاعدم تسلم يالشيخ

**معلومات** **العضو** · 08-09-2008, 04:20 PM

بنت الشايب هلا وشاكر لك على هذا المرور

**معلومات** **العضو** · 08-09-2008, 07:37 PM

من اللي ضلـل الحـق تضليـل

الشطر هذا في كسر اخوي سطام ولا انا غلطان؟؟؟

على العموم قصيده رائعه جدا
صح لسااااااااااااانك
تحياااااااااااااتي

**معلومات** **العضو** · 08-09-2008, 09:03 PM

شافي عليك نور يشرفني ويسعدني انك نبهتني بخطاء كتابي وقع سهوآآآ مني ...

ملاحظتك على هذا البيت صحيحه ..................من اللي ضلـل الحـق تضليـل،،،،،،

والصحيح هكذا ............ قل لي من اللي ضلل الحق تظليل ... فلك كل الاحترام

**معلومات** **العضو** · 08-09-2008, 10:35 PM

اقتباس:

المشاركة الأصلية كتبت بواسطة ســـطام الروقي

شافي عليك نور يشرفني ويسعدني انك نبهتني بخطاء كتابي وقع سهوآآآ مني ...

ملاحظتك على هذا البيت صحيحه ..................من اللي ضلـل الحـق تضليـل،،،،،،

والصحيح هكذا ............ قل لي من اللي ضلل الحق تظليل ... فلك كل الاحترام

تم تعديل الشطر و انت شاعر ما فيك شك
و الخطأ في زيادت الكلمات او نقصها وارد
تحيااااااااااااتي

**معلومات** **العضو** · 08-09-2008, 10:44 PM

شافي تسلم روحك وشهاده منك اعتز بها يالذيب لاخلا ولاعدم استأذي العزيز

**معلومات** **العضو** · 10-09-2008, 06:12 AM

الله الله

الشاعر المبدع سطام الروقي

صح الله لسانك لين ترضى على هذه القصيدة الجميله والرائعه والتي استمعت صراحه بقراءتها والتمعن فيها .

سجل اعجابي بما تكتب

تقبل تحياتي،،

**معلومات** **العضو** · 10-09-2008, 10:54 PM

محمد الولامين ماعاش من ينساك وارجو السموحه وصح بدنك ياتاج الراس

**معلومات** **العضو** · 10-09-2008, 10:55 PM

هايف العماني صح بدنك ولاخلا ولاعدم ياسنام المجد

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية