الموقع الرسمي لقبيلة الدواسر العريقة يهنئ شعراء الفائزين بالمراكز الأولى بـ مزاين أم رقيبة ..

**معلومات** **العضو** · 23-02-2010, 08:20 PM

الحمد لله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أبناء قبيلة الدواسر وأعضاء وزوّار الموقع الرسمي للقبيلة

أعدّ التقرير :
عضو مجلس إدارة الموقع : فهد بن هادي الغريري

ضمن مهرجان جائزة الملك عبدالعزيز لمزاين الأبل بأم رقيبة كان هناك حضور شعري من جميع القبائل ضمن جائزة الملك عبدالعزيز طيب الله ثراه لـ الشعر النبطي المصاحبة لمهرجان أم رقيبة 1431هـ .

وقد كان حضور قبيلة الدواسر متميز كـ العادة بالمسابقة الشعرية ، وقد تأهل من ضمن الأربعين المتأهلين لهذي المسابقه ممثلي القبيلة في هذا المسابقة هم :الشاعر معيوف بن مبارك المسعري الدوسري و الشاعر عبدالله بن فهد الصخابرة الدوسري والشاعر زابن بن محمد آل عمار الدوسري والشاعر سعد بن محمد المصارير الدوسري .

وقد أختير العشرة الأوائل من الأربعين المتأهلين والذين قاموا بإلقاء قصائدهم أمام صاحب السمو الملكي الأمير مشعل بن عبدالعزيز رئيس هيئة البيعة رئيس اللجان العليا لجائزة الملك عبدالعزيز لمزاين الإبل بالحفل الختامي لجائزة الملك عبدالعزيز لمزاين الإبل بـ أم رقيبة .

وقد حصل الشاعر : معيوف بن مبارك المسعري الدوسري على المركز الثالث ، وقد حصل الشاعر : عبدالله بن فهد الصخابرة الدوسري على المركز الثامن .

ويسرنا أن نستعرض لكم عبر الموقع الرسمي لقبيلة الدواسر قصائد الشعراء الفائزين ضمن المراكز العشر الأولى :

الشاعر : معيوف بن مبارك المسعري الدوسري

قصيدة الشاعر معيوف بن مبارك المسعري الدوسري الحائز على المركز الثالث :

يالله ياللي عليك العزم والإتكال=أنك تجمّل لساني للكلام الجميل
أنت الرجا والذرا والعز وأنت الكمال=وأنته كفيل النفوس ولا لوجهك كفيل
بعده ياهاجوسي اللي تنتسب لي تعال=ازهمْك وأنته عميلٍ مايخون العميل
والحمد لله ما عنّزها بجالٍ هيال=ارقابها فوق نجم الجدي وألا سهيل
اليوم يوم الملوك اللي تهزّ الجبال=يوم انها تطّحن من فوق جيشٍ وخيل
اعظم حدث في البلد واكبر من الكرنفال=قل ليه ؟ لأنه بسم عبدالعزيز المهيل
اسطورة العصر للتاريخ واهله مثال=لو نكتب امن القصايد في جنابه قليل
كن نجد تزهمْه وتعدّ الشهر بالليال=قال ابشري بي وأنا والله زبن الدخيل
أنا اخو نوره ليا من صك جالٍ بجال=من غيري اللي بيبري كل قلبٍ عليل
وبعده عياله عيال العز في كل حال=ملوكنا اخوان نوره جيل من بعد جيل
والحين في عهد ابومتعب ولابه جدال=حبيب شعبه ومسقي شعبه السلسبيل
أي والله أنّا نحبّه حب فوق الخيال=وأي والله أنّه يحب الشعب حبٍ جزيل
وأي والله أنّه اعز انسان يلبس عقال=تمييلة عقال أبومتعب شموخ ودليل
صقر العرب مطفي الفتنه كريم السبال=الهيلع الصارم النادر ووزنه ثقيل
والحمد لله عزيز الجاه رب الجلال=سلامتك ياسمو المجد تشفي الغليل
ارحب يامشعل تراحيبٍ تسوق الخيال=وتهلّها فوق راسك من حقوق المخيل
أي والله أنك فقيده ياصعيب المنال=الراس شامخ وظلّك في المواقف ظليل
والله مايجحدون فعولك اهل الحلال=في مزاينٍ في العروبه مايجي له مثيل
وتباشري يابلاد العز دار الجمال=وتلحّفي بالسعاده كل صبحٍ وليل
على سلامة كريم الكف واف الخصال=سلطان ابو خالد اللي يعشق المستحيل
ولي عهد البلاد اللي يحلّ الحبال=داحم متون الفقر والفقر منّه ذليل
يادارنا دونك ارجالٍ اتدوس الرجال=نعيل من دون حقك فوق من هو يعيل
لاصاح حدّ الجنوب يثور حدّ الشمال=ونشوش ونطوّع العاصي بحدٍ صقيل
بجيوش ابومتعب اندكّ الحصا والرمال=وفعولهم في جبل دخان نار وفتيل
لكنّ يالحوثي ابشر مالك ألا الزوال=لو تنسحب ما انسحبنا ياقليل الحصيل
ماقدمك ألا الرجال اللي تحب القتال=من مات منًا شهيد ولايسمى قتيل
واليوم ياهل الحفل من بعد جالي مجال=تمسّكوا بالتراث تراث نجد الأصيل
البل عطايا الله اللي ذكرها لايزال=في محكم الذكر والله فوق خلقه وكيل
الله يعزّ الوطن ويشتّت اهل الظلال=على الشريعه ولانرضى بدلها بديل
في ظل حكامنا رمز التقى والعدال=الصف واحد ولايمكن نحيد ونميل

الشاعر : عبدالله بن فهد الصخابرة الدوسري

قصيدة الشاعر عبدالله بن فهد الصخابرة الدوسري الحائز على المركز الثامن :

الشعر ضيف وداخل الصدر ملفاه=يقلط وجزلات المعاني دلاله
يطرب ويسمو مع هل المجد والجاه=إلى حوى المضمون فكر وجزالـه
في مدح من لا جابت البيض حلياه=كنه طلع فـوق البسيطـه الحالـه
بعد النبي والصحب مامثله أشبـاه=يالله عسى الفـردوس فيهـا مآلـه
عبدالعزيز اللي على الحق ممشـاه=قضا على عصر الفتـن والجهالـه
واليوم في عهد الرخا والمسـاواه=عهـد التقـدم والبنـا والعـدالـه
عهدٍ شلع جنح الدجا مـن محيـاه=ياخذ من الممدوح روعـه جمالـه
حب الملك كيفـا وشعبـه تقهـواه=واعطا الـولا لله ثـم الـولا لـه
لو كان اعدد ميـزه مـن مزايـاه=الشعر موفى خصلةٍ من خصالـه
بحرعطا والدار جـزره ومرسـاه=رمز السخى تسبق يمينـه شمالـه
مفتوح قلبـه للمواطـن ودعـواه=يعطيه مطلوبـه ويسمـع سؤالـه
والحمد للـي مالنـا غيـره ايـلاه=الحمـد لـه والشكرلـه والثنالـه
سلم لنا مشعـل وسلطـان عافـاه=نعمه من اللي مـا تعـدد فضالـه
عودا حميدا زفـت الـدار بشـراه=وعم الفرح باقصا الجنوب وشماله
مشعل سليل المجد والعـز يزهـاه=رمز الفخر والطيب رمز الشكالـه
وسلطان نهرا بالعطا ربـه أجـراه=من جود كفـه كـل حـي دعالـه
يوم العدو بالحـد يـزرع خلايـاه=والحرب تبـرم خطتـه بالوكالـه
سير لهم جيش الفخر يرهب عـداه=ودك الخنادق في مخابـي جبالـه
جيش على التوحيد ممشـا سريـاه=والمنهج الطاهـر عقيـدة رجالـه
الحـد مـن دم الأعـادي سقينـاه=ونفدا الوطن بالروح حب وبسالـه
هذا الوطن شامخ ولا زعزع بنـاه=يبقى على الطامـع عسيـر منالـه
عسى السحاب إلى نشا ونتثر مـاه=يمطر على شبة الجزيـرة خيالـه
أيام عقب السيـل تشبـع رعايـاه=تقطف ثمر نبته وتطـرق ازلالـه
البـل لهـا مجـد قديـم ورثنـاه=ورب البشر في محكم الكتب قالـه
حمر النعم يلقابهـا البـال سلـواه=من شافهـا يرتـاح فكـرة وبالـه
البانهـا طـب لمـن ضيـع دواه=ماخاب من حرش العراقيب مالـه
كم فرحت من واحد تاهـت اريـاه=رجل قناهـا بيـرق العـز نالـه
يالله ياسامع دعا من ترجاه= تحفظ لنا دار الفخر والرساله

وقد تشرف الشاعرين معيوف المسعري و الشاعر عبدالله الصخابرة بالسلام على صاحب السمو الملكي الأمير مشعل بن عبدالعزيز رئيس هيئة البيعة رئيس اللجان العليا لجائزة الملك عبدالعزيز لمزاين الإبل بالحفل الختامي .

وبهذه المناسبة فإن الموقع الرسمي لقبيلة الدواسر العريقة ليهنئ الشاعرين الفائزين من ضمن المراكز العشر الأولى بفوزهم متمنين لهم دوام التوفيق والسداد .

وقد شارك الشاعر نايف بن مسرع المسعري في أولى أمسيات هذا المهرجان ، وكما شارك الشاعر معيوف بن مبارك المسعري في الأمسية الثانية من ضمن هذا المهرجان ، وقدموا فاصلاً جميلاً من القصائد المميزة التي حازت على رضى الجمهور ومتذوقي الشعر وذلك ضمن الامسيات التي اقامتها الجنة الشعرية لمزاين أم رقيبة لعام 1431هـ .

وفي الختام يسر الموقع الرسمي لقبيلة الدواسر العريقة أن يتقدم بالمباركة لصاحب السمو الملكي الأمير مشعل بن عبدالعزيز رئيس هيئة البيعة رئيس اللجان العليا لجائزة الملك عبدالعزيز لمزايين الابل راعي الحفل الختامي على النجاح الكبير لمهرجان مزاين أم رقيبة لهذا العام ، متمنين كل التوفيق والنجاح لجميع ممثلين قبيلة الدواسر في كل محفلٍ شعبي أو رسميّ .

(صوت قبيلة الدواسر)
منتدى قبيلة الدواسر الرسمي
www.alduwasser.org/vb

**معلومات** **العضو** · 23-02-2010, 08:34 PM

بيض الله وجهك يابوراشد على هذا التقرير المفصل,,وصحت اللسنتهم على هذه القصائد الرائعه
تقبل مني فائق الاحترام والتقدير

**معلومات** **العضو** · 23-02-2010, 08:45 PM

ألف ألف مبرووووووووك للشعراء:

1-عبد الله بن فهد الصخابرة -الحاصل على المركز الثامن

2-معيوف بن مبارك المساعرة الدوسري الحاصل على المركز الثالث

ضمن جائزةالملك عبدالعزيز للشعر النبطي المصاحبة لمهرجان أم ارقيبة1431هـ

والتشرف بالسلام على صاحب السمو الملكي الامير/مشعل بن عبد العزيز ال سعود-رئيس هيئة البيعة-

وكل التوفيق والنجاح ولجميع شعراء قبيلة الدواسر الغالية متمنين للجميع النجاح والبروز وتمثيل القبيلة والوطن خير تمثيل

والشكر لإدارة منتدى قبيلتنا العزيزة على المتابعة المستمرة ,,,
سائلاً الله العلي القدير أن يسدد رأئيهم ويوفقهم في الدنيا والأخرة,,,

**معلومات** **العضو** · 23-02-2010, 10:24 PM

بيض الله وجهك يابوراشد على هذا التقرير المفصل,,وصحت اللسنتهم على هذه القصائد الرائعه
تقبل مني فائق الاحترام والتقدير

**معلومات** **العضو** · 23-02-2010, 11:35 PM

ابو راشد بيض الله وجهك ودايم سباق بالعلم الغانم

ويستاهلون شعراء الدواسر الفائزين بالمراكز

وحض اوفر للذين لم يحالفهم الحق

**معلومات** **العضو** · 24-02-2010, 12:48 AM

بيض الله وجهك يابوراشد على هذا التقرير المفصل,,وصحت اللسنتهم على هذه القصائد الرائعه
تقبل مني فائق الاحترام والتقدير

**معلومات** **العضو** · 24-02-2010, 01:48 AM

ماشاء الله تبارك الله

بيض الله وجهك يابوراشــد على جهدك الجبار

ونحن بدورنا نبارك لشعرائنا الأفذاذ الشاعر معيوف بن مبارك

والشاعر عبدالله بن فهد كما نشكر كل من شارك بفاعلية وحاز على الأولوية

دمتم ودام التميز حليف لهذه القبيلة

**معلومات** **العضو** · 24-02-2010, 01:58 AM

ماشاء الله تبارك الله

بيض الله وجهك يابوراشــد على جهدك الجبار

ونحن بدورنا نبارك لشعرائنا الأفذاذ الشاعر معيوف بن مبارك

والشاعر عبدالله بن فهد كما نشكر كل من شارك بفاعلية وحاز على الأولوية

دمتم ودام التميز حليف لهذه القبيلة

**معلومات** **العضو** · 26-02-2010, 01:45 PM

بيض الله وجهك يابوراشد على هذه التغطيه والمميزه
والله يعطيك العافية على جهودك الجباره في متابعة كل مايخص
ابناء القبيله من شعراء وباحثين واكاديميين ومبدعن ومثقفين
فلك عميق الشكر والعرفان على ماتقوم به من جهُد مشكور .

وبيض الله وجه شعراء القبيله :

الشاعر معيوف بن مبارك المسعري الدوسري و الشاعر عبدالله بن فهد الصخابرة الدوسري والشاعر زابن بن محمد آل عمار الدوسري والشاعر سعد بن محمد المصارير الدوسري على علومهم الطيبه اللي ترفع الراس ونفخر نحنُ به وكلهم كفو ويحرون بالامور الغانمه صحت السنتهم وبيض الله وجييهم كلن بأسمه .

وتقبلوا تحيااتي وتقديري

**معلومات** **العضو** · 26-02-2010, 01:58 PM

ماشاء الله تبارك الله

بيض الله وجهك يابوراشــد على جهدك الجبار

ونحن بدورنا نبارك لشعرائنا الأفذاذ الشاعر معيوف بن مبارك

والشاعر عبدالله بن فهد كما نشكر كل من شارك بفاعلية وحاز على الأولوية

دمتم ودام التميز حليف لهذه القبيلة

**معلومات** **العضو** · 27-02-2010, 01:35 PM

بسم الله الرحمن الرحيم

اهنئ الشاعرين القديرين أبو مبارك لحصوله على المركز الثالث وكذلك ابو فهد لحصوله على المركز الثامن من بين 40 متأهل لهذه المسابقة.

أسأل الله أن يوفق جميع شعرائنا لما فيه الخير والتوفيق وتقديم الشعر الجزل.

**معلومات** **العضو** · 28-02-2010, 05:10 AM

شاعرين اعلام

وهم

كالعينين في الراس

والفائز منهم يمثل الثاني

وبيض الله وجيههم عل ما قدموه

خلال هذهالسمابقة وسواها

الف الف مبروك

يستاهل معيوف بن مبارك المركز الثالث
ويستاهل عبدالله بن فهد المركز الثامن

والله لايهين الجميع

**معلومات** **العضو** · 28-02-2010, 02:57 PM

ابو راشد بيض الله وجهك ودايم سباق بالعلم الغانم

ويستاهلون شعراء الدواسر الفائزين بالمراكز

**معلومات** **العضو** · 02-03-2010, 04:37 PM

جعلهم للمعزة ماقصروا شعرانا ابدعوا وتالقوا بقوة

ابو مبارك السباعي
وابو فهد الصخيبري

صح السانكم ودمتوا وكل شاعر دوسري مبدع

**معلومات** **العضو** · 04-05-2010, 11:32 AM

مشكورين على التغطية الاكثر من رائعه

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية