غنيت ما قصدي طرب ( السديري)

[معلومات العضو النايف]

غنيت ما قصدي طرب في حياتي=لاشك في دورات الأيام غنيت
وجاوب ورق الراعبي عن سكاتي=غنا وانا غنيت مثله وونيت
نشدتني عن حالتي يا شفاتي=وأنا مريض القلب لو أني اخفيت
اضحك وونات الحشا موجعاتي=واشرب قراح وكن شربي من الزيت
وبالعين يا خالد نشوف الجناتي=يا عز راسي شفت الاجرام واغضيت
واغيب كني محرمن بالصلاتي=لو هو ندهني رافع الصوت ما اوحيت
محدن يعرف جروحي الخافياتي=واليا نشدني واحدن عنه صديت
اصد وابغض ناقلين الوشاتي=واناجي اللي ما لغيره ترجيت
ما اظن به حي يسوي سواتي=وحيد بالدنيا وأصارع عفاريت
واذكر دروب ايامنا الماضياتي=والحقت مع عبرات صدري تناهيت
ياكثر ما شفنا من العايباتي=واليا زعلت من الخطا قالوا اخطيت
وطاحت عن الكتفين مجة عباتي=وحلقت بالأفكار ثم استجليت
وفكرت في شىء جرا لي وفاتي=حيفٍ يفتت بسرة القلب تفتيت
من جور هوله زلزل الراسياتي=يميت حي وباللحد يزعل الميت
ويشيب طفل ويذهل المرضعاتي=ينسن رضيع الديد صرعا مباهيت
وانا برجوى مجري الكايناتي=وكبرت باسماه العزيزه ولبيت
اللي عصم يوسف عن الخايناتي=ورده على يعقوب عقب التفاخيت
كلن يقول انه بفعله زناتي=والفعل راحوبه هل المجد والصيت
ما ريد دار الذل دار العصاتي=دار الخنا والغدر منها استخليت
متى عليها نسمع النايحاتي=ودار الثنا والجود فيها زغاريت
يالله يللي تعلم الخافياتي=انك تمسيها على ما تمنيت

الأمير / محمد بن أحمد السديري رحمه الله

 

 

 

 

[معلومات العضو الخييلي]

صح لسانك يالنايف وصح لسان محمد السديري الله يرحمه ويرحم اخوانا المسلمين

وتسلم يمناك على هالنقل الطيب .

تقبل تحياتي ..

 

 

 

 

[معلومات العضو نايف]

الله يرحم الشاعر محمد السديري بواسع رحمته

صح لسانك يالنايف وبيض الله وجهك على الاختيار الرائع

تقبل تحياتي ,,,,

 

 

 

 

[معلومات العضو تركي ال فنيس]

الله يرحم الشاعر ويسكنه الجنه بيض الله وجهك اخوي النايف

 

 

 

 

[معلومات العضو أبوفهيد الودعاني]

صح لسانك يالنايف وصح لسان الشاعر محمد السديري الله يرحمه


لا عدمناك يالغالي وننتظر جديدك


تحياتي ،،،،

 

 

 

 

[معلومات العضو العماني]

صح لسانك اخوي النايف ولاهنت على الاختيار الرائع والله يرحم ابوزيد ويسكنه الجنة

 

 

 

 

[معلومات العضو الجوهره]

يا سلامي والله.... كل الشكر لك أخوي على النقل الرائع لشاعر أروع... رحمة الله عليه...

 

 

 

 

[معلومات العضو غياث]

صح لسان الأمير السديري رحمه الله.... وبيض الله وجهك يا النايف