المستريح الذي في عقله جناني

**معلومات** **العضو** · 11-10-2010, 04:24 PM

بسم الله الرحمن الرحيم

مساكم الله بالخير جميع . يشرفني تسجيلي وتواجدي مع بني عمي في محل الجميع

وهذي قصيده قديمه لي واطرحها بين ايديكم من باب التواصل

صلوا على النبي

البارحه ساهرن والنوم ماجاني = مطلع قصيده تكرر قبل ذالمره
لكن انا كاتبه والضيق يملاني = والجفن كنه يغمض له على جمره
والليل نصفه طويل وكيف بالثاني؟ = ذالليل عيا عليه لايجي بكره
اركى سواده في عيني ثم تبلاني = وان رحت ابي النور ياخوفي من العثره
ياسعود شب القصيد وعذب الالحاني = وان كان صوتك حزين فودي بجره
لعلها عن براد الليل تصلاني = ولا تسلي خفوقن ياكثر صبره
لو كان خصمي شجاعن كان لاقاني =لكن لاشن ولاني وامنن غدره
والطيب يخاصمك لكنه حصاني = ان واجهك واجهك مادور الغره
والناس لابدهم صاحب وقوماني = وماينحذف في الشجر ياكود له ثمره
ياسعود عزمي على الشدات مالاني = وان شفت شيً كبير اقول ياصغره
ياسعود علم بني عمي وخلاني = ماحركن الليالي في الفتى شعره
اصبر وانا حافظن بين العرب شاني = وبعيركم لا ارتكى مايشتكي ظهره
ماهمني لو حكابي فلان لفلاني = تبقى الحقيقه صباحن بازغن فجره
والصاحب اللي مع ضيقي تناسني = قله عن العرف كانه ذاكرن عمره؟؟
قله يعود تراه اقرب من اخواني = لو شفت له زلتن ماينجحد قدره
قله عن اللي حصل واللي بعد كاني = وانا اعرفه مايحب لصاحبه كسره
ياسعود لاتنزعج من كثرة احزاني = وان شفت لي عبرةً ياخوك لاتشره
الضيقه اللي تخلي الرجل وحداني = بتعدي اليوم ولا ضيفتي بكره؟؟؟
وش عاد ابااقول ولا ينطق لساني؟؟ = ياكود بيتن تكرر قبل ذالمره
بيتن لابو زيد خال النايب الثاني = في مرقبه يوم حس الصدر له زفره
المستريح الذي في عقله جناني = ماطاولنه هجوسن ترث الحسره

وسلامتكم

**معلومات** **العضو** · 11-10-2010, 04:40 PM

اشكرك جزيل الشكر على الامانة الشعرية باول بيت
والشعر الرائع صح لسانك ملايين والله يحييك ياشاعرنا العذب
في محلك وبين بني عمك

**معلومات** **العضو** · 11-10-2010, 04:41 PM

فارس الفصام

أغبطنا على الشعر حين يولد بين كفيك يجي كمفاجات القدر غير محسوبه في تواريخنا
وأشعر بربيع حافل يبدا معك لا ينتهي

فارس الارتباط الكبير
بين الصوره والنص ....!!
جعلني اتساءل وبصدق ,, هل كتب النص بأيحاء من الصوره
أم الصوره حضرت بعد اكتمال النص , لتكون خير من يمثله !
صح قلبك يا فارس .

نصك بعثرني هنا وعجزت أجمع بقاياي
ماهذا النص الذي جمعت بع مشاعرا أتعبتنا
حزنك مسني وأعجزني ان ارد بالرد الذي يجمل

تحاياي

**معلومات** **العضو** · 11-10-2010, 06:03 PM

صح السانك يافارس عزالله وفيت وكفيت والشاهد الله هذي وراها اجمل بدون مجامله مبدع تقبل مروري..

**معلومات** **العضو** · 12-10-2010, 04:46 PM

اقتباس:

المشاركة الأصلية كتبت بواسطة شافي النتيفات

اشكرك جزيل الشكر على الامانة الشعرية باول بيت
والشعر الرائع صح لسانك ملايين والله يحييك ياشاعرنا العذب
في محلك وبين بني عمك

صح بدنك يا شافي واشكرك على هذا الاطراء من شاعر بحجمك
وبيض الله وجهك على مرورك ولاهنت

**معلومات** **العضو** · 12-10-2010, 04:54 PM

صح لسانك وأعتلى شانك ..

قصيده جزله .. يافارس ..

أهنئك عليها ..

**معلومات** **العضو** · 12-10-2010, 10:52 PM

اللهم صلي وسلم على محمد

اخوي الشاعر فارس الفصام مرحبا بك معنا ولنا الشرف في انضمامك لهذا المنتدى الشامخ ويعلم الله ان لك معزه في قلبي لايعلم بها الا الله والقصيده كايفه وسبق ان اطلعت عليها وصح لسانك

لو ان خصمي شجاعا كان لقاني
لاكن لاشن ولا ني وامنن غدره

تقبل تقديري وحترامي وارجو منك طرح كل جديد ,,

**معلومات** **العضو** · 13-10-2010, 12:37 AM

ارحب ياسمي

صح الله لسانك على القصيده الطيبه وماقصرت وبيض الله وجهك على امانتك باول بيت

مرحبابك في محلك ومحل الجميع

تقبل التقدير والاحترام.

**معلومات** **العضو** · 13-10-2010, 12:39 AM

صح لسانك وأعتلى شانك ..

قصيده جزله .. يافارس ..

أهنئك عليها ..

**معلومات** **العضو** · 13-10-2010, 01:14 AM

اقتباس:

المشاركة الأصلية كتبت بواسطة ناصر بن فهد

فارس الفصام

أغبطنا على الشعر حين يولد بين كفيك يجي كمفاجات القدر غير محسوبه في تواريخنا
وأشعر بربيع حافل يبدا معك لا ينتهي

فارس الارتباط الكبير
بين الصوره والنص ....!!
جعلني اتساءل وبصدق ,, هل كتب النص بأيحاء من الصوره
أم الصوره حضرت بعد اكتمال النص , لتكون خير من يمثله !
صح قلبك يا فارس .

نصك بعثرني هنا وعجزت أجمع بقاياي
ماهذا النص الذي جمعت بع مشاعرا أتعبتنا
حزنك مسني وأعجزني ان ارد بالرد الذي يجمل

تحاياي

صح بدنك ياناصر ومشكور على هالسطور الجميله

**معلومات** **العضو** · 13-10-2010, 01:18 AM

اقتباس:

المشاركة الأصلية كتبت بواسطة حسن بن بطحيّه الودعاني

صح السانك يافارس عزالله وفيت وكفيت والشاهد الله هذي وراها اجمل بدون مجامله مبدع تقبل مروري..

مشكور ياحسن وشهادتك اعتز بها والله لايهينك

**معلومات** **العضو** · 13-10-2010, 01:21 AM

اقتباس:

المشاركة الأصلية كتبت بواسطة ا ل ن د ا و ي

صح لسانك وأعتلى شانك ..

قصيده جزله .. يافارس ..

أهنئك عليها ..

مشكور يالنداوي وصح بدنك

**معلومات** **العضو** · 13-10-2010, 01:25 AM

اقتباس:

المشاركة الأصلية كتبت بواسطة محمد بن سالم الخضراني

اللهم صلي وسلم على محمد

اخوي الشاعر فارس الفصام مرحبا بك معنا ولنا الشرف في انضمامك لهذا المنتدى الشامخ ويعلم الله ان لك معزه في قلبي لايعلم بها الا الله والقصيده كايفه وسبق ان اطلعت عليها وصح لسانك

لو ان خصمي شجاعا كان لقاني
لاكن لاشن ولا ني وامنن غدره

تقبل تقديري وحترامي وارجو منك طرح كل جديد ,,

بك البقا يابوسالم والمنتدى هذا منتدانا وغالي علينا وكنا مقصرين في التاخر بالتسجيل

والله لايهينك على الشعور الطيب وما اغليت الا اللي يغليك
وشهادتك اعتزبها
وابشر بالجديد