الرد على قصيدة الشاعر القدير خلف العتيبي

[معلومات العضو صالح الصليبي]

بسم الله الرحمن الرحيم

السلام عليكم ورحمة الله وبركاته ... وبعد

هذه القصيده جاءت رداً على قصيدة الشاعر القدير:خلف بن هذال العتيبي

والتي ذكر فيها تفرد قبيلة عتيبه العريقه بسلم وسم العصا

والذي ذكره في هذه القصيده:

يابنت ياللي تطوي الثوب الأرداف=شط الحوار بدر بكرٍ يميحه
في مرتعٍ عشبة تغريف تغرياف=وأمه هجل ماشملوها منيحه
والعنق عنق مذيرٍ عقب ما شاف=بوارديٍ لاقفٍ له بضيحه
والعين عين موحشٍ راس مشراف=يملا عيونه بالفجوج الفسيحه
يابنت مانرضى المهونه والاضعاف=لنا على روس المشاريف صيحه
لاتنشدين عن المنازل والاسلاف=يوم اذكر الماضي تهيج القريحه
فينا صفات الطيب يابنت واوصاف=ما تنطبق في غيرنا يامليحه
دخلينا يرقد ورى الوجه ما خاف=يامن وتحماه السلوم الصريحه
ناسم عصاه ولو يبي حج وان طاف=تحت الحمى ماواحدٍ يستبيحه
وانفوسنا دايم عفيفات وانظاف=وابدانا من كل عله صحيحه
صاحين صافين المشاريب واشراف=ماناكل المتردية والنطيحه
وان ثارت الهيجا لنا وفد واطراف=وجه الحريب نقنعه بالفضيحه
وصلبين في وقت الشدايد وعراف=منا المشوره واختيار النصيحه
واكرام لو يلحق بنا نقص واخلاف=نملى الصحن ونلحفه بالذبيحه
يوم السنين الماضيه حيل واعجاف=ينقل لنا من هبة الريح ريحه
والعيشه اللي تدبل الكبد تنعاف=النفس عن ما تكره مستريحه
دنياً تموج ولا رسمنا لها اهداف=ياما تحتها من فعلون قبيحه
اتجهز الغازي وتسرع بالانكاف=ولا تنكف الا بالفلس والقبيحه

وهذا رد ينفي ما ذكره الشاعر ويوضح الإلتباس:

يالله يامنزل تبارك والاعراف=ياللي نصرت اهل الوجيه الفليحه
طالبك يالمعبود من جودك اسعاف=عقب المحل تسقي الديار الشحيحه
من رايحٍ يسقي الصحاري والارياف=يجعل مزابير العدايم جريحه
سلام ياعتيبه على روس الاشعاف=تسليمةٍ فيها المعاني فصيحه
يا اهل الوفا والطيب في كل ميقاف=واهل الفعول الوافيات المديحه
وان صاح صياحٍ على الهوش هتاف=نطاحةٍ لأهل الوجيه الكليحه
واسلومكم عند المواجيب تنشاف=للطيب تاج وللمراجل وشيحه
لا شك بعض الهرج به زود واسراف=وان جاك من بعض الوجيه السميحه
قولٍ بدابه شاعرٍ يلعب القاف=شاعر وطن ماهوب لعب ومزيحه
قولٍ تقوله ياخلف ظلم واجحاف=سلم الدواسر يا خلف ما تزيحه
سلم الدواسر مروية حدب الاسياف=مطوعين اللي تزايد جميحه
قاسين للمخطي وللصاحب اصخاف=وجدار جار البيت تدي مطيحه
سلمٍ خذيته من هله وانت عراف=ولك حكمةٍ يوم الظروف اللحيحه
وسم العصا للدوسري حق وانصاف=وانشد وتعطيك القبايل صحيحه
تلقى من العراف تحليل واشراف=تنبيك عنه اهل العقول الرجيحه
ياموصف اللي تزهمك وصف مشعاف=في ماقفٍ لابد وجهك تشيحه
جاتك توسل وانت من يزهمك ناف=يامن ولو تثبت عليه الجنيحه
ترى المحنك يجحد الوصف لو شاف=ولا يذيع اوصافها في الشريحه
وحنا تحت حكم الشريعه والاعراف=عوايدٍ بين القبايل وضيحه
ناخذ حقوق ونعطي الحق شفاف=ولا نجامل كان الاخطا فديحه
والهرج ما يرجع على الزور لاطاف=ومن يعترف بالصدق ربي يبيحه

الشاعر : صالح بن محمد بن صالح ال شملان الحقباني

...

 

 

 

 

[معلومات العضو فيصل بن جزاء]

صح السانك ياابومحمد ورد وافي وكافي جعلك على المعزه

وسلم لنا بوحك وقلمك مدافع عن قبيلتك يابن العم

تقديري واحترامي

 

 

 

 

[معلومات العضو سالم بن صمهود]

الاخ والشاعر صالح الصليبي صح الله لسانك وسلم جنانك ولاهنت ياذيبان عاى الرد الوافي الجزل وعوايدك الجزاله تقبل مروري يالقرم

 

 

 

 

[معلومات العضو فرحان فهد ال فرحان]

الله يبيض وجهك اجدت وافدت

عز الله انك رجال وتعرف من اين تؤكل الكتف

كفيت ووفيت ورديت رد يدل على رجوله وعقليه قل ان تجتمع في شاعر يدافع عن حق مسلوب ومن رجل محسوب

الله يوفقك ويصح لسانك ويعلي شانك يابطل ولا هي غريبه على من جده الصليبي

 

 

 

 

[معلومات العضو أبو سعود الودعاني]

ابو محمد بيض الله وجهك وصح الله لسانك

عزالله انك كفيت ووفيت

قصيده وافيه من وافي من وافين

ولاهيب غريبه عليكم يال شملان اعلومكم دائما تبيض الوجيه

جعلكم في الوجود دوم يارب

وتقبل خالص ودي وتقديرير

اخوك // مطلق بن سعود بن محمد الودعاني

 

 

 

 

[معلومات العضو عبدالرحمن الشرافي]

	الشاعر القدير//: صالح بن محمد الحقباني حياك الله يا ابو محمد .. ولاهنت على هذه القصيدة اللتي تكتب بماء الذهب .. فبيض الله وجهك يالسنافي وعزا الله ردً جزل ومن شاعر جزل و وافي .. وقصيدة راقية ومعبره وتعبر عن شعور كل دوسري .. فهي لم تتعرض الشاعر خلف وقيبلته بسوء فلقد مدحتهم وهم اهل للمدح وياليت نراها فالمنتدى صوتية .. واسمحلي بتثبيت القصيدة لاهميتها وتقبل فائق التحية والتقدير أخوك/ عبدالرحمن بن سالم بن عجيم الشرافي

 

 

 

 

[معلومات العضو غربة وطن]

اشهد بالله انك اقديت

وفيت ولاهفيت

رد حكيم للغايه

صح الله لسااانك وبيض الله وجهك

 

 

 

 

[معلومات العضو ابن ذيب الودعاني]

ابو محمد بيض الله وجهك وصح الله لسانك

عزالله انك كفيت ووفيت

قصيده وافيه من وافي من وافين

ولاهيب غريبه عليكم يال شملان اعلومكم دائما تبيض الوجيه

جعلكم في الوجود دوم يارب

وتقبل خالص ودي وتقديري


اخوك ابن ذيب الودعاني

 

 

 

 

[معلومات العضو ولد ودعان]

اخوي صالح حياك الله مشاركه اولى حميله اتحفتنا فيها

لاهنت على الموضوع والقصيده


تقبل تحياتي

ولد ودعان

 

 

 

 

[معلومات العضو العماني]

الشاعر الكبير صالح الصليبي

لله درّك يابومحمد ، كتبت فأجدت ونيابة عن كافة قبيلة الدواسر قاطبة نقول بيض الله وجهك ورحم الله والديك ، وهذا وقتكم ياشعراءنا الأوفياء .

تقبل تحياتي،،

 

 

 

 

[معلومات العضو سلطان بن دخيل الله]

بسم الله الرحمن الرحيم

الشاعر القدير

صالح بن محمد الحقباني


حياك الله يا ابو محمد .. ولاهنت على هذه القصيدة

اللتي تكتب بماء الذهب .. فبيض الله وجهك يالسنافي وعزا الله ردً جزل

ومن شاعر جزل و وافي .. وقصيدة راقية ومعبره وتعبر عن

شعور كل دوسري

 

 

 

 

[معلومات العضو فيصل الشكري]

الشاعر الكبير / صالح الصليبي

صح لسانك ولاهنت على هذه القصيدة الحكيمة والجزلة

وتقبل وافر التقدير ,,

أخوك / فيصل الشكري

 

 

 

 

[معلومات العضو فهد الغريري]

الشاعر لفاضل / صالح الصليبي يامرحبا والله ومسهلا بقدومك وبإنظمامك لقافلة المنتدى ويسرنا ويسعدنا تواجدك بيننا والمحل محلك. حيه وحي ماجاب والخير على اقدوم الواردين يابومحمد صح الله السانك وعتلا شان وزادك الله رفعتٍ في مقامك الحقيقه قصيده جزله من راس جزل كتبت فأبدعت يابومحمد جعل عمرك طويل على طاعته ومن يقراء نهني انفسنا بقدومك الميمون على هذا المنتدى الكريم وعسى الله يطرح في فكرك وقلمك واحساسك المرهف البركه عز الله يابومحمد انها قصيده تجبر القارئ لتوقف عند اسطرها والتأمل في معانيها والمتذوق الشعر الشعبي بالاعجاب في سلاستها ارررررررررررررحب يابومحمد مره اخر وحياك الله وبارك الله فيك وفي مساعيك وتقبل تحياتي وتقديري واحترامي واعجابي في قلمك النير يابومحمد اخـــــوك / فــــهــــد هادي الــغــــريــري,,,

 

 

 

 

[معلومات العضو مبارك الخييلي]

	صح ألسانك وجعل يمينك سالمه بيض الله وجهك تقبل جزيل شكري والتقدير

 

 

 

 

[معلومات العضو عبدالله الدوسري]

أبو محمد



صح لسانك ملايين



و لا يستغرب فعل الشبل في محاكاة الأسد



شهادتي فيك مجروحة



مرحبا بك في منتدى بني عمّك




و مزيدا من الشعر يا شعر،،،،،