|
|||||||
15-05-2005, 05:03 PM
|
#1 | ||||
|
عبدالله بن حمير بن سابر الدوسري
لا مـــــــــــــرحبا لا مسهلاً لا تحيه = بالباير اللي باعث لــــي مراسيل لا مرحبا بك وأنت تكذب عليه = خلاص يا غدار مافيه تطـــــــويل حظك رما بك من قصـــور عليه =من بار حظه شاف دنيا الغرابيل لا رحم نفس تقبل المحقــــــريه = مايقبل الهانات كـــــون التنابيل نسيت يا بوار ما أرسلــــــــت ليه = واليوم ترجع ناسٍ كـــل ما قيل هونت مالي صوب مــــن بار فيه = سمحتنا وانكفت والميــــــل بالميل فنا رفعت النفــــــــس منها الدنيه =رفعة شرف ماهـــــــــوب ذل وتغفيل فاقبلت واقبلنا بنفس هــــــــــويه = وانكفت وانكفنا علـى سابق الخيل فوالله مرخصناك مــــن قبل ذيه =حتى نعذرك يوم عجت المــراحيل فن الرجال لها عزوم قـــــــــــويه = وهذي عوايد طيبين الـــــــرجاجيل لديتني لدك جــــــــــزيل العطيه= وشفيت قلبي فيك يا مرخص الهيل امنولا يا طـــول ليلــــــــــي عليه = كل رقد وأنا منامي علـــــــى الحيل وامنولا لا ناض بـــــــرق بضيــــه= وقفتنا يمه علـــــى شانك أخيــــــــل فالله كريم يسعد الحظ ليــــــــــه = ويعوضني غيـــــــرك بنات المشاكيل لا من عطى محد منع له عطيه =عطيةٍ ماهيب مــــــــــــن مدة ابخيل حظ الفتى ماقدره له وليــــــــــه =والـــــــرزق بالمكتوب عنده منازيل إلى آخر القصيدة والبالغ عدد أبياتها 330 بيتاً ( ياسعود قل لسعود ... ) هذه قصة حدثت للشاعر , كان له رفيقين واسم كل منهما سعود وكان أحدهما كريماً شهماً ورجل بكل ماتحمله الكلمة من معنا , أما الآخر فإنه مكث معنا مده قليلة من الزمن ولكنه لم يستطيع أن يصمد ويجاري الرجال فأخذ يتذمر ويفتعل الغضب ويريد أن يعود كما كان بخيلا ويبور بمعارفه لان الطبع يغلب على التطبع كما قال الشاعر :
لولا المشقة ساد الناس كلهم =الجود يفقر والأقدام قتال
فكان الاثنان متفقين في الاسم مختلفان في الفعل , فذكرني هذا الموقف بقول الشاعر :
شتان مابين اليزيدين في الندا = يزيد ابن عمر والاغرب ابن حاتـــم فهم الفتى الأزدي إتلاف مالـــه = وهم الفتى القيسي جمع الــــدراهم فلا يحسب التمتام أني هجوته= ولكنني فضلت أهـــــــــل الــــمكارم فهاجت قريحة الشاعر من هذا الموقف بهذه الأبيات :
يا سعود قل لسعود كانه نوى البور = يروح رافقه السعد والسلامه وش عاد لو قفى وحط السهل جور= ما شفت نفر من هـــــــــروبه حمامه زعانف الدنيا تــــــــــــرى ما لها دور = الدور لارجال الــــــــوفاء والشهامه خل البخيل بتالي الكشف مستـــور =في خاطري والا أنت تعرف مقامه ماهوب مني وأنت ياسعود معـــذور =زور كلام فيـــــــــه نغمة رخامــــــــه وده يبور ولا عــــرف وجهة البــــــور = قام ايخلط متلعثم فـــــــي كلامـــه يفداك ياللـــــــــي للمعاريف مخبور= عد الرجال اللي تزاخر إجمامـــــه ( كثير المال لا شرف ) يقول الشاعر حدثت هذه القصة أمام عيني , يقول كنت عند أحد الأصدقاء في وليمة , والمجلس ممتلىء بالضيوف فإذا بأحد التجار يدخل المجلس وكان معروف بالبخل واللؤم وليس فيه شيء من صفات الرجولة إلا أنه تاجر , فإذا بالرجال بالمجلس يرحبون به ترحيباً حاراً ويقومون ويقعدون له وكل يقول له تعال هنا في مكاني والآخر كذلك وبعد أن جلس في أحسن مكان , فإذا برجل يدخل المجلس وهو رجل يتصف بالكرم والشجاعة والشهامة والدين وذو حسب ونسب ولكنه فقير لا يملك قطمير فلم يهتم به رجال المجلس ولم يقدمه أحد في مكانه بل جلس في آخر المجلس , فحرك هذا الموقف قريحتي الشعرية ففاضت بهذه الأبيات :
كثير المال لا شــرف ولو أنه قصيــر ايدين =يفزون الجلوس بصاحبه ياهـــــلا وحسن اقبال وقف له من حضر وامباشر ترحيبةٍ واهلين = تعال هنا تعال هنا تعــــــال هنا يا طيب الفال ولامنه دخل حرٍ ولـــــد حر كـــــريم ايمين =رفيع القدر ولد ارجال معــــــروف وهو رجال يسرك في المهمات الكبيرة وافي الجدين =ولكنه رغم هــــــــذا عليم الله قليــــــــل المال جلس كـل ابمقعاده وكنه داخـــل مسكين =قعد بالمقعد الخالي واخر من ياخذ الفنجال غريبه هالحياة احتار منها العارفه واذهيــن= خشع راس الفقير ابها وراس بالدراهــم طال فلا حول ولاقوة يكــــــون الا بحظ زيــــــن = يجيك به الفرج لا من عطا مــن ربنا المتعال لونها باليدين أخذ الأسد حقه جهار وعين = ولكنها الدراهم شوشت مـــــن كثرها النذال ( بعض الملا تغتربه ) يقول الشاعر هذه قصة حدثت لي وتحدث لكثير من الناس وهي : أن فيه رجل لا أعرفه إلا من بعد ولم يقترب بعضنا من بعض وكان جليل في عيني , ذو هيئه حسنة , يتقمص شخصية الرجل وكنت أحسبه كذلك ولكن عندما قربت منه وجربته وتعاملت معه وجدته هيكل رجل فسقط من عيني وتمنيت أني لم أعرفه كما قال الشاعر : وكان من صفاته التي اتضحت لي أنه يأخذ ولا يعطي , ويذم ولا يذكر أحد بخير ولو فعل له أصعب الأمور ويتشدق بالكلام ويقول في وجهك شيء وفي خلفك عكسه , وقد جربته في وجاهه ولم يسعى فيها ولم يحرك ساكنا وعندما جاءت له بعض الحاجات جاء لي مسرعا يناديني بأحسن الأسماء وينسج أحسن العبارات وأجزل الألفاض متناسياً كل ما حصل منه في السابق فقلت هذه القصيدة :
بعض المـــــــــــلا تغتربه حين يلقاك=تقول لا حدثك وش هالــــــوليده فلا من بخصته ما سوى قشر مسواك = عند الشدايد صاحبه مايفيـــــــــده ان شافك المحتاج دبر وخــــــــلاك = وان جت له الحاجه سريع بريده حذراك يا مغتر باللاش حـــــــــذراك = لا يغترك لو قال لك وش تــــريده ياخذ ولا يعطي على الكذب صافاك =رمضا حرارتها دوماً شــــــــــديده لا خير يعطــــــي ولا خيـــــــــــر جاك =تبذل به المعروف ويضيع سيــده ( عزيمة الكرسي ) بين الشاعر وصاحبه محاورة :
إتصل بـي صاحب عنـــــــده عـــزيمه = جعل ماهان الرفيق اللـــــي دعاني قلت له يا فـــــــلان مــن هبت نسيمه =للكرامــــــــــــــــه علك الله ما تهاني قال لـــــــي رجال له قـــــدر وحشيمه = ضف عليها له على الكرسي مكاني قلت أنا له مـــــــن متـى للضيف قيمه =هل فعلبك طيب وترد الحسانــــي قال لا فعـــــــلٍ ولا صحبه قـــــــــديمه =صدفة ولها على الحاجة معانــــــــي قلت لـــــــه تعنــي بها كــــــــرمه يتيمه= وخط تمهيدٍ لحاجات الزمانــــــــي قال لــــــــي هالوقت للكرسي وسيمه = صاحبه يجلس على أكبار الصياني قلت له صحت من صراحتك الظيمه = العزيمه سرها المكنون بانـــــــــــي قال لـــــــــولاها لنفاق بها الــــــــوليمه =ما عطانا وجه لا جينا لشانــــــــــــي قلت لـه تمت ولو ماهــــــي شيمـــــــه = كرمةٍ ما جات لطـــــــوال اليمانــــي قال لـــي جامل ولو ماهـــــــي سليمه =في زمان أصبح العالي طمانـــــــــي قلت لــــــــه هالصنف يجعلها ثليمــــــه =والله لا يامر علينا قوم خانــــــــــــــي قال لي معلوم مــــــــــــن نفس حليمه =غظ طرفك واضبط عنان الحصاني قلت قبلــــــــــــت منك يا مقنع نديمه = ما اتضح معلوم والله المستعانـــــــي شرح المفردات : (5) ولها : يعني لها سبب . يتيمه : مره واحده . (7) وسيمه : معنى . (12) ثليمه : نقص ولوم . قوم خاني : الوافدين لبلدنا من غير قومنا . عنان : الرسن . ( من نشد ما ضاع ) لن أقول بادى ذي بدء اكثر من كان الله في عونك أيتها المغلوبة على أمرك ( وسيعلم الذين ظلموا أي منقلب ينقلبون ) فمهما تجبر عليك المتجبر فإنه لن يفلح أبداً , ومن خدعك بذاك الظالم فسينال بإذن الله عقابه عادلا. أما ما أحب قوله لك بوضوح وصريح العبارة هو ( ماحيلة المضطر إلا ركوب الأسنة ) فعبري عن رأيك بصراحة والله معك ثم الطيبون في الأرض والعدالة في السماء وهو العليم الخبير وكل شيء عنده بمقدار :
ياعنود الصيــــــــد يا لبنت الأصيله =من تعاسة حظك المقــــــــرود مايل أفتكر يا كيـــف يا لحسناء الجميله = تقبليـــــــــن النذل يا بنت الحمايل كل جيــــــل ما يعيــــــش ألا بجيله =والكـــــدش ماهيب تقبلها الأصايل مستواك ارقاك في راس الطــــويله =ميــــــــر نزلتيه يا بنت القبايــــــــــــل اختيارك ما كسب طيـب قبيلــــــــه =من عــــــــربين يعــــــــــزون الحلايل نادرٍ يغنيك باليمنــى الجـــــــــزيله = ماحسب ما اعطاك كساب الجمايل ذا عمى والاطمع غــــــرك حصيله =لين طحتي بالقدم وســـط الحبايل إبحثي عن مخـــــــــرج باية وسيله =ما يربط بالقيود إلا الـــــــــــــــزمايل ما يعيش إسواك فــــي الدنيا ذليله =والسند لك من كبار شيــوخ حايل إذهبي له فــــي اليمامه وازبني له = ينقذك من جور مقطـــوع المهايل أبشري تلقين من ينجي ادخيلـــــه =الشجاع افهيــــــد لا جات الصمايل هو محل العون واللي ينعنــــــي له =ثابت ما قول في وافــــي الخصايل من نشد ما ضاع ياضافي الجــديله =بان لك من كلمتي بعض الـــدلايل ودي اقضي حاجتك لــوهي ثقيله = واخدمك بالعين ما هوب الرسايل مير في دعواك مافـــــــي اليد حيله =كل همك يعلم الله صـــــرت شايل ( يا ما حلا المقيال والعشب طايح )
يا ما حــلا المقيال والعشب طايح =في فيضة أم جنيب والجــو راقي في ظل دوحا جرحتها الـــــروايح = لبدا الغصون وكنها فـــــوق ساقي نسيمها مـــــــــن بنة الـــــــزهر فايح = فوح معمول خلط مع عطر راقي يعزف بها صــــوت الحمام النوايح = هذي حياة البـدو وهذا اشتياقي شرح المفردات : المقيال : القيلولة . أم جنيب : فيضة من فيضات وادي في الهضب . دوحاً : شجرة سمر كثيفة الأوراق ذات ظل كبير واسع وتسمى دوحا . الروايح : مخايل الأمطار التي تهطل بين العصر والمغرب . ساقي : جدول الماء الجاري أو النهر الجاري . ( خضار البراري )
يا محـــــــلا لا شبت الضــــــــويا ضيف= في ظل غار خالي مــــــــــن الاثاري غارٍ شمالٍ مـــــــدنف الظــــل تدنيف = يا حلو مجــــــــــــلاسه بذاك النهاري مــــــــع خيارٍ كلبوهم علــــــى الكيف =كلٍ يقول الحق عنــــــــدي واماري مجربين من القـــــــروم العـــــــواريف = قدهم على الفعل المجرب ضواري أحدٍ يصالي الضو واحدٍ كما الضيف= واحد ينجــــــــــــــــز للنشاما الحباري أحدٍ يسلي المحتضـــــــــر بالغطاريف =قــــــــــــــوافيٍ اجداد ماهي عواري في جو ناشي بالقنوف المـــــــــراديف =الله كـــــريم حــــــــــط قاعه جفاري نبته على اول تو زهــــــــــــــره نفانيف =قفـــــــرٍ بعــــــــد ما حطمته السماري له نسمةٍ ينعش بها الـــراس مـــــن ريف =نسيمها يجيـــــك بالليـــــــــل ساري طاب الجلوس وطاب زين الســـواليف = في ذا النبات اللي يزيل الطواري لا ناب في بــــــــــرد ولا ناب في صيف =في فصل يمطر ديم ليــــل ونهاري الكل مســـــــــــرور بجمعا المـــــــواليف =الضو تجهل واشقــــــــر البن داري مــــــــن دله صنف بها البـــــــن تصنيف =امزعفـــــــــر فنجالها بالبهــــــــــاري شغل العريب متعب الكيف حـــــــريف = امقنده لــــــــه لــــــــــــذةٍ واعتباري وش باحسن من اليوم يالربع من كيف= جلسة نفاه فـــــــي خضار البراري الله كساها بالنبـــــــوت الــــــــــزخاريف =ما يغبط إلا مـــــــــن مشاها وزاري هذي طراة النفس مـــــن دون تكليف = واسعد حياة من حياة الحــواري أحبـــــها واحب روس المـــــــــــشاريف = واحب مقيال بخطـــــــــواة غاري اللي مضالي فيه مـــــــــن وقتي امريف =سجة نفس بين السهل والصواري ذاك الزمان يشرف الحــــــــــب تشريف = واليوم حاربها الـــــــزمان افتكاري ( الدين كله خير والخير جابه )
الدين كلــــــــــــــه خير والخير جابه= والمعصيه ماعمرها جات بالخيــــــــر ربح انسانٍ ثبت الله جـــــــــــــــوابه =لا وزنت الاعمال مـــــــــن دن تقتير يا عاشق الــــــــــــدنيا تراهي خرابه = ان ماتعمرها علــــــــــى الدين تعمير تصبــــــــــــــح حياتك مابها زود ثابه = راحت مع لــــــــــذات الايام تدميـر ما خذيت للموت المباغت احسابه =ياتيك فــــــــي غفله على غير تنظيـر امدرهم بيــــــــــــن الخلايق اركابه = ما وفـــــــــــــــــر إمسنٍ ولا وفر اصغيـر فابــــن آدم لابد ياخـــــــــــــذ كتابه =بايمين فــــــــــــوز ولا شمال بتخسيـر في يوم لا خــــــــــلٍ ولا من صحابه =الكل واحد لا عبيـــــــــــــــد ولا اميـر فنا دخيلك ياعظيــــــــــــــــم المهابه =في رحمتك والعفوا عن كل تقصيـر أخطاي ماتحصي عـــــددها الكتابه= أنت ارحم من يرحم ضعوفٍ مقاصير إلاهي ماني طارقٍ كـــــــــــــون بابه =ينجيني مخرج يوسف من غــرق بير من سايل فــــــي القبر تضرس انيابه = يسأل وانا اجيبه بعقـــل وتفكيــــــــــر شرح المفردات : مدرهم : راكض . أخطاي : الأخطاء والذنوب . ( مد الله ولا مد الوجيه الزهيده )
يالله يامعطـــــي العطا ما أنت ببخيل = مدك ولا مـــــد الوجيه الـــــــــزهيده اللي عطاها له أهــــــــداف ومحاويل =ما تعطي إلا قصد شيٍ تــــــــــــــريده لله ما تعطي حــــــدٍ كـــــــــون تظليل = وافعالها لا شفت ما هـــــــي حميـده تبـــــــي تجر مغفــــــــل الناس تغفيـــل = ولا ذكــي الناس تعجز تصيـــــــــده رجاي في الله في جميع المحاصيل = اللي مـــــدوده ضافيات عبيـــــــــده تجيك مداته ســـــــــــــوات المخاييل = مكارمـــــــــــه لا الله نــــواها مديده ( يا فلا ن ما تدري )
يا فلان ما تدري ترى السيل بك زم = تــــــــرى الجــــــــراد مربع من زماني ما تشــــوف يا عميان كنك مبــــــــــزم =تصــــــــد عمــــــــدٍ يالضعيف الجباني اليوم مايرقع احـــــــزام المحــــــــزم =مـــــــــــن عقب ما فاتت وبان البياني وش حلل الأجناب فـــــي ماي زمزم =وحرم علــــــى أهله شربةٍ من ثماني غباك مابه شك فاق أم الاخــــــــــــزم =ما فاقت إلابعــــــــد ما كان كانـــــــــي فن كان فيك اعطاس والعلم يلـــــزم = خلك عنك نقل السن في السبرماني شرح المفردات : كنك : كأنك . ماي : ماء زمزم . ( من لا يعرفك ما قدر مقامك )
ماضل مــــــــــن قال المعرفة لها دور= من لا يعرفك مايقـــــــــــــدر مقامك يصـــــــــد عنك ولا يلقيك منظـــــــور=مهما تكلم ما استمع فـــــي كلامك كنه اصقهٍ والا مــن العقل مسطــــــور =حتى ولو موقفك فـرض احترامك تقول له بالخيــــــر يارجل ماجـــــــور = صم أبكم ماكـــــــن يسمع سلامك لا قلت له ما تستحي يابن منصـــــــور =أعطاك ظهــــــــره ما يقمن ملامك أنا أشهد إن في الناس نادر ومثبـــور = لـــولا كذا ذاب الطعم في ودماك ( عجيبة ذا الحياة اللي نواكبها )
دنيا تحير وناس ما تعـــــــرف الها =مذاهب ثابتـــــه حتـــــــى تعاتبها دنيا بلا شك تذهل مـــــــن تعاملها =يحتار فكر المجـــــرب من عجايبها تسير سير القمر والشمـس ما اعجلها =الناس تفني وهـــــي تجري ركايبها أشـــــــــوف دنيا كثيرات مشاكلها =تعددت بين خلــــــــق الله مذاهبها تـــــرفع وتخفض ولا تثبت منازلها = عجيبة ذا الحياة اللــــــــي نواكبها فيها شـــــــريف بجود الله يعاملها = دين ودنيا علــــــى الله ما يحاسبها دنياه بالـــــــــــدين والعليا يكملها = لا من عطاه الله أعطـى ما يشح ابها طيب مـــــزايا وسيـــــرات يجملها =واحجاج ماينعقد وأشيا يفــــوز ابها وفيها بخيــــــل حياته ما يجاملها =يمناه مغلـــــولة شلــــــت مقاضبها خالف ادروب المراجل عمد واهملها = نفسه علــــــى الشح والهانة مدربها بينه وبين الجميل أبـــــواب قافلها =حتـــى البشاشه عليه العيب يكتبها نفسه مريضه ورب البيت مــــرذلها =معـــرور والمــــــرجلة فاته مكاسبها مــن ضعف عقله عبيد الله مجادلها = والكلمــــــة الطيبــــة دايم مجنبها تبغيـــــــه يصمت ولكنــــه يحثلها = حسن المعاني حشا ماهوب صاحبها فارفع مقامك وخله فــــــي تخاذلها =سفه يحطه باهانات يمــــوت ابها فهذي حياة عسى المـــــولى يعدلها = يعجز حكيم الحجى يحصي غرايبها ( نسينا ما كلينا )
عن أم الكبار قــد عفا الله = نسينا نسينا مــــــا كلينا بعير تجاهـــــل ما حصله =تعامى وشاف العيب فينا يبي يبرد الكبــــد المغلـه = عن الجنحة اللي به درينا نعرف الخداع ومن خذله =واحيلات من يكذب علينا فتح قفل باب الخير كله = ولكن لغيـــــــــر المالكينا رخص عقبها غالي محله = ولا عاد يســـوى درهمينا يا مال الفنا والموت كلـــه =غبــا مادرا انا عــــارفينا ترى الرب يغفــر كل زله= من اللي عصم من العالمينا ( المعاكسات الهاتفية ) المعاكسات الهاتفية مازالت تدور رحاها في المنازل من قبل مرضى القلوب وإزعاجها خلق الله رغم وجود الكاشف المحدث لمحاربة هذا المرض , نعم مازالت مقلقة ولكن بصورة كما علمت محدودة تنطلق من الكبائن المنتشرة في كل مكان والهواتف المنزلية , مما جعل الشاعر المؤلف يقول :
ما يعاكــس سليم ولا يعاكس شـــريف =ما يعكس سوى نذل خلي من الحيا ما يخاف الـملام الهيـس لا ما يخيف = الردى والشرف عند السفيه أســـويا له من السافلات أشكال هـذا الضعيف =والسفيهه مـــــع السافل دوام إخويا فالحذر من الحبايل يالشريف العفيف= لا حبلها خفافيش ماهمب أســــويا النظافه مبادي كــــــل حــــر نظيف = والدنايا خــــــــزايا لا هلها الأدنيا قلتها ناصـــــــــح مما سمعته يخيف = جر واجتر بالخـــــدعه عفاف أبريا ( يا خيبة أمه )
قادم جاء من شمال فــــي مهمه= يوم شفته قلـــــــــت يا والله الوليده حاسب انه فـي مقامه مثل عمه = كامل الشارات وافعــــــــوله حميده مير ظنـــــي خيبه يا خيبة أمه = خاب الاسم وفعــــل ما هو من نديده اسم عمه بالفضايــــــل ما يعمه =الأسامي فــــــــــرقها لا جت مجيده ما غـــــدا له يا خساره هالمرمه = صنف جيل كلبـــــوهم امسيــــــــده وان جلس في مجلس يا ثقل دمه =جامــــــد في مقعده مثل الحــــديده وان خـلا في وحدته ماشن يهمه = مـــــــــــدمن في بحث امور ما تفيده الدوام الفــــــرض يومه ما يتمه = ما خـــــــذا من التجربه وقت يزيده ماربح واو الجماعــه كيف ضمه = وصله فــــي مـــــــركز صعب يجيده عمه الـــــرجال مال الناس يمه = صلب راسٍ كمله جـــــــــوده وجيده ارتقى رجل الأمانه فـــــوق قمه = بالنــــــوايف والمعاريف العــــــديده أشهد ان فعله وبذل الطيب كمه = لا يزال اسمه علــــــى الألسن يشيده حقه البيضاء من أهل الـــدار لمه = بالف نعــــــم كلما يذكـــــــر نعيده يا بعد من قاصـــر عن فعل عمه= ودك اسمه يسحب منه رجال الزهيده شرح المفردات : المرمه : الرجل العادي الذي يميل إلى الرخامه والعجز . امسيده : بطنه . واو الجماعة : الواسطة . يشيده : يرفعه مع تكرار الناس له بطيب مع الفعل المجيد . لمه : كافة . ( قبــــــــــره )
قبرة الاشعار طيري علـى كيفك =وانقــــــري ما كان تبغي تنقيره جوك الصافي خلالك وتــوظيفك =من خلا جـوه وسيره لعب طيره كثر في عصر الزعانف مـواليفك = فارقصي يالقبــــره ما تت الغيره ما عليك إخلاق جنبك معاريفك =طاركم بالرقص يضــرب مزاميره من يحاسب من يعاند زعانيفك = حـزتوا الميدان جـــــوه وتسويره راح جيل سطوة افعاله اتخفيك = فانتشـر جيل الخنا يالله الخيره لا رقيب يمنعك من هوى ريفك = والزمان اعطى الحرافيش تدميره ( الكذب والكذب .. وشقيقهم النمام ..!! )
يالله اقبح الكذب والعن من تحلابه = واقبح بعـــــد من يثير الناس بالغيبه واقبح وجــــه كل نمامٍ تسمـــــوابه =مطية ابليس تقبل به وتقفــــــي به ماله مـــــــن المهنة إلا مهنة اذبابه = معــــروفة بالتنقل ويش تـــوذي به يعيب غيره بعيب دنـــــــس اثيابه = يالله اقبحـه ما اجهله متناسيٍ عيبه فاغبا غبي مـــن عيوبه صابها صابه = يشوف ويصد عميان مـــــن اللي به يحاول يغبــــــي المكشوف واسبابه = والناس في طالب المديون تحكـــي به هـــــذي صفة كـــل هماز فتح بابه = بالهمــز واللمز ترب الوجه يمشي به يستاهل الـــذم والتوبيخ طـــــــلابه = والناس مـــن ذمها حاست مشاريبه فيا كثر ما نسمعه لــــو نقرع أبوابه = يا عايب الناس فيك العيب والــريبه ( قطعت العلاقة )
قطعت العــــــلاقة مالـــي ومال دونيه =رجال بالاسم وبالفعــــل ما به ارجالي نسوا ما عملته مــــــن افعـــول رجوليه = جزوها بنكــــران بلا حــــق الانذالي ما جاني اشوي مــــــن رخــومٍ نساويه = قضوا ما بغوا مني عـــسى مالهم تالي زماني ما وعاني مــــــن اللي مضى ليه = من اصحاب جربان نسوا طيب افعالي لزوم علي الحــــــق فــــــي فعلهم فيه = أنا استاهله من رمةٍ تــــرخص الغالي الــــى ماستفت اليوم مـــن غلطتي ذيه= فعدوني اغبا جاهـل صلـــــــع اهبالي خلاص انتبهت وجات في القلب مكويه -=ما يــرجع بمنحات البقاقير رجالـــــي يروحــــــــــون لا رد الله ارجاعهم ليه = وانا ان جيتهم مانيب رجال باقـــوالي ( المجلس اللي عمار وانطفت ضوه )
المجلس اللي عمار وانطفت ضوه =من قد له ايام نوره دايماً طافــــــــي من يوم سافر عموده والخلف عوه =ما زاره من الملافـــي واحـــــــدٍ لافي راعيه يفرح به اللـــــي قادم توه =أنا اشهد انه ما خلف عقبه اسنافــي ما خلــــف إلا بخيــــل دبةٍ بوه =متخبيٍ دايماً ماهــــوب ينشافـــــي يا كل ويشرب ويرقد ما به امروه =يا خيبة امــــــربيٍ ومعلم الهافـــــي كبرت علابيه لين ازداد بالقـــوه =مير الحسايف ما هوب النادر الوافي شرح المفردات : عوه : قليل معرفة ما فيه كرم . دبة بوه : شبه متخلف لا يحب ولا يكرم أي شخص . ( وجه ابن فهره ......)
من راح مختارٍ علينا ذلــــــوفه =لا رده الله لا ممـــــــاته عــلينا ذلوف طير طار واعذر نكــــوفه =يوم راح بالله ويشنا خاســـــرينا خل وجه ابن فهره يسره وقوفه =محال ينفع بــــــــزوة المفلسينا يروح قلعه جعلنا ما نشــــــوفه =فالله لا يثري ثـــري الجاحدينا ماسر نفسه قبل فيسر شـــــوفه =ما عنده إلا الحكي تـرب اليمينا ما شيف يوم جاد بذل امعروفه =منا علــــــى النباح من الشامتينا يا عمد الروحه ذلوفك ذلــــوفه =لا ردك اللــــــه يا شعيبٍ علينا شرح المفردات : بزوه : تربية المفلس . قلعه : فيما لا يرده . يثري ثرى : لا يولد له ولد ويبقى مقطوع . منا : جعلنا ما نحن عليه من الشامتين . شعيبا : حكاية يضرب بها المثل في الطمع والبخل . ( يا شباب أعذرون أذا تأخرت في الرد ما يحصلي أدخل النت ألاقليل )
|
||||
|
|
|
|
15-05-2005, 05:35 PM
|
#2 | ||||
|
بيض الله وجهك اخوي يحيى على هذه النبذة الطيبه عن الشاعر الكبير عبدالله بن حمير الدوسري حفظه الله وعلى القصائد الطيبه ويعطيك العافيه
|
||||
|
|
|
|
15-05-2005, 05:46 PM
|
#3 | ||||||||
|
بيض الله وجهك اخوي يحيى على هذا الموضوع الطيب
|
||||||||
|
|
|
|
15-05-2005, 06:12 PM
|
#4 | ||||
|
السلام عليكم ورحمة الله وبركاته
الأخ العزيز ( يحيى الودعاني ) بيض الله وجهك والله لا يهينك على هالمقال الرائع عن سيرة شاعر من شعراء الدواسر المعروفين . تقبل تحياتي ،،، أخوك :- الهيلاني .
|
||||
|
|
|
|
15-05-2005, 09:59 PM
|
#8 | |||||||||||||||||
|
عبدالله بن حمير بن سابر الدوسري
|
|||||||||||||||||
|
|
|
|
16-05-2005, 03:52 AM
|
#9 | ||||||||
|
السلام عليكم ورحمة الله وبركاته
|
||||||||
|
|
|
|
16-05-2005, 04:39 AM
|
#10 | ||||
|
بيض الله وجهك يايحيى على ذكر هذه السيره العطره ولاهنت على المجهود الذي تشكر عليه
|
||||
|
|
|
|
16-05-2005, 08:59 AM
|
#11 | ||||
|
بيض الله وجهك اخوي يحيى على هذة النبذة
|
||||
|
|
|
|
16-05-2005, 08:15 PM
|
#12 | ||||||||
|
لاهنت وبيض الله وجهك على هالمجهود الرائع...
|
||||||||
|
|
|
|
17-05-2005, 10:43 PM
|
#13 | ||||
|
اخي : يحيى الودعاني
|
||||
|
|
|
|
23-05-2005, 08:59 AM
|
#14 | ||||
|
ياهلا والله بجميع الأخوه الذين شرفوا هذه الصفحه
|
||||
|
|
|
|
23-05-2005, 02:02 PM
|
#15 | ||||
|
لاهنت يا يحيى الودعاني وبيض الله وجهك وما قصرت
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 5 ( الأعضاء 0 والزوار 5) | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| لماذا نحن متواجدون في المنتديات؟؟؟؟ (اسئلة هامة ) | محمد بن حمد الشكرة | :: قسم المـواضيع الـعامــة :: | 9 | 09-01-2011 08:37 PM |
| محمد بن عبدالله بن جلاجل الجلاجل (من رجال الدولة السعودية الثانية) | جلاجل الجلاجل | :: قسم أمـراء وفـرسان وأعـلام الـدواسـر:: | 9 | 03-01-2011 12:48 PM |
| التغطية المصورة لحفل المسابقة الشعرية الأولى لموقع قبيلة الدواسر الرسمي | الإداره | :: قسم المسابقة الشعرية السنوية للموقع الرسمي لقبيلة الدواسر :: | 17 | 11-12-2010 11:09 PM |
| التغطية المصوّرة لحفل إفتتاح مبرة قبيلة الدواسر الخيريّة بدولة الكويت. | الإداره | :: قسم اللقــاءات والفعاليات والتغطيات الخاصة:: | 16 | 22-11-2010 09:44 AM |
| التغطية المصوّرة للحفل المقام بالبديع دعماً لقضية سعود بن عبدالله بن سعود بن شويرب الصخابرة . | الإداره | :: قسم اللقــاءات والفعاليات والتغطيات الخاصة:: | 22 | 27-10-2010 10:30 AM |
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 03:39 AM
