لأن البريكي فالقا ينطح القوم //كن الشجاعه وسط راسه وداعه (جري بن شبيب آل بريك )

[معلومات العضو عبدالرحمن بن فلاح آل بريك]

قصيدة للشاعر الجزل : جري بن شبيب آل بريك ألقاها خلال مُلتقى قبيلة (آل بريك )الأول في وادي الدواسر خلال أيام عيد الأضحى المبارك

البارحه ما ذاقت عيوني النوم إلا قبل لذان غطيت ساعه سهران ادور للفرايد ومزحوم ابغى سمين الهرج تو الجماعه ربعي لهم قدرن على الراس معصوم ما يرتخي لوطاح حظي شراعه سلام يال بريك من راسن يعوم فيه السطر والمرجله والشجاعه من طيبكم ياقف على راس مرجوم ويقول انا بريكي طويلن ذراعه لأن البريكي فالقا ينطح القوم كن الشجاعه وسط راسه وداعه كم من عدواً قابله راح مهزوم وليا تمادى وسدوله كراعه حرب البريكي موتن احمر ومشؤوم رقمن قياسي في مجال الشناعه وان جاء الكرم لتقول ذا الشخص منجوم يذبح ويصلخ والغناة القناعه عزيز نفسن مابعد لحقه اللوم شبحه بعيد ولا يداني الدناعه هذا ابنكم من طيبكم جاله عزوم على المراجل حبها من رضاعه لمن نزل في سوقها يفرق السوم وبظاعته ماهيب ايــة بظـاعه اتلد له لنظار هيبه ومحشوم هذا من آل بريك رمز الشجاعه وانتم اساسه طيبكم دايم الدوم شجرة كرم ماجود فيها انواعه عون الرفيق ومزبن لكل مهموم اللي شكا من جاير الوقت لاعه حمله عليكم ريش لونه رجوم تمازعون الحمل في ربع ساعه و يروح راسه فوق ما هوب مهضوم ما يرتخي إلا في وقت المطاعه وانتم هل الفزعات وافعالكم كوم محزم ظفر لاجاء نهار القلاعه وانتم مقابيس الوغى فالقا قروم خيالكم ماينطحونه فراعه وانتم حماة الدار لاجابها علوم كم طامعن عود وقلبه رعاعه و انتم لكم مجدن مخلد و مرسوم فوق المعالي شاهرن في رفاعه

 

 

 

 

[معلومات العضو راشد المسعري]

كفو كفو كفو
وما ازين المدح في اللي يستحقونه
صح لسان الشاعر جري بن شبيب وبيض الله وجهك يابو فلاح على النقل المميز
وذكرتني الابيات بأبيات للشاعر الكبير حمود بن عقرب:

معنا مجاهيم ومعنا مغاتير
ولا نحسد الراجحي في رصيده

لاقيل يال بريك ستر الغنادير
جمع نوقف له وجمع نبيده


ولك وللجميع تحياتي وتقديري ،،،

 

 

 

 

[معلومات العضو مبارك بن شافي النتيفات]

كفو كفو والله ونعم بربعنا ال بريك

انتم اهل الكرم وانت اهل الشجاعة وانتم اهل الحمية

واهل العلوم الطيبة كلها

صح لسان الشاعر جري بن شبيب آل بريك

وسلمت يمينك ي ابوفلاح ع النقل

دمت ودام ابداعك

 

 

 

 

[معلومات العضو فيصل ضيف الله الكبرا]

يستاهلون ماقيل فيهم ربعنا وبني عمنا وخوانا قبيلة ال بريك الدواااسـر
انشهد بالله قبيله اشهر من ناااااار على رااااس علم وناس متواضعين ومحبوبين ويستاهلون
وبيض الله وجه الشاعر جري بن شبيب آل بريك وصح الله لسانه وجمل الله حالك وحاله
ولاهنت يابو فلاح على النقل تقبل مروري

حرب البريكي موتن احمر ومشؤوم
رقمن قياسي في مجال الشناعه

كـــــــــفــــــــــوووووووو

 

 

 

 

[معلومات العضو عبدالرحمن بن فلاح آل بريك]

صح أبدانكم جميع وما عليكم زوووووود جميع لا عدمتك ...

 

 

 

 

[معلومات العضو عبدالرحمن بن فلاح آل بريك]

صحت أبدانكم جميع وما عليكم زود .. لا عدمتكم يا المطاليق ...

 

 

 

 

[معلومات العضو نآصر البدراني]

كُفو كُفو تردف كُفو


صح لسانه لين تشرق الشمس من مغربها


وربعنا آل بريك يستاهلون ماقيل فيهم والله يجمعهم على المعزه


سلمت ولاهنت يا ابو فـلاح على النقل ..

 

 

 

 

[معلومات العضو اسير الاحزان]

طرح رائع ومميز

الله يعطيك العافية